ആദ്യാക്ഷരി

കം‌പ്യൂട്ടറില്‍ മലയാളം വായിക്കാം.

2011-05-10T23:11:00.000+04:00

If you want to set your web-browser manually to display Malayalam please see this chapter. If you cannot read the following screen shots properly, use Control and + buttons to increase the display resolution.

റാകിപ്പറക്കുന്ന ചെമ്പരുന്തേ

നീയുണ്ടോ മാമാങ്ക വേലകണ്ടു?

വേലയും കണ്ടു വിളക്കും കണ്ടു

കടലില്‍ തിരകണ്ടു കപ്പല്‍ കണ്ടു.

Anjali Old Lipi Font Installer Link

ഇനി റാകിപ്പറക്കുന്ന ചെമ്പരുന്തിന്റെ വരികള്‍ ഒന്നു നോക്കൂ.

റാകിപ്പറക്കുന്ന ചെമ്പരുന്തേ
നീയുണ്ടോ മാമാങ്ക വേലകണ്ടു?
വേലയും കണ്ടു വിളക്കും കണ്ടു
കടലില്‍ തിരകണ്ടു കപ്പല്‍ കണ്ടു.

ഇപ്പോള്‍ ശരിയായ രീതിയില്‍ വായിക്കാമല്ലോ, അല്ലേ?

ഇതുവരെ നമ്മള്‍ മലയാളം വായിച്ചുകൊണ്ടിരുന്നത് സ്ക്രീന്‍ ഷോട്ടുകള്‍ വഴിയായിരുന്നു; അതായത് മലയാളത്തില്‍ എഴുതിയ മോനിറ്ററിന്റെ ചിത്രം. ഇനി ഇതിന്റെ ആവശ്യമില്ല. ഈ പേജില്‍ എനിക്ക് നേരിട്ട് മലയാളത്തില്‍ ടൈപ്പുചെയ്യാം, നിങ്ങളുടെ കമ്പ്യൂട്ടറില്‍ നിങ്ങള്‍ക്ക് അത് അതേപടി വാ‍യിക്കുകയും ചെയ്യാം. ഒരു കാര്യം കൂടി ഇതോടൊപ്പം പറയട്ടെ. മലയാളത്തിലെ ഏത് യൂണിക്കോഡ് ഫോണ്ട് ഉപയോഗിച്ചുവായിച്ചാലും ഈ വാചകങ്ങള്‍ ഇതേപോലെതന്നെ വാ‍യിക്കുവാന്‍ സാധിക്കും. ഇതാണ് ASCII മലയാളം ഫോണ്ടുകളെ അപേക്ഷിച്ച് യൂണിക്കോഡ് ഫോണ്ടുകളുടെ വ്യത്യാസം.

സാധാരണഗതിയിൽ ഇത്രയും കാര്യങ്ങൾ ചെയ്തുകഴിയുമ്പോൾത്തന്നെ വിന്റോസിന്റെ എക്സ്.പി മുതലുള്ള വേർഷനുകൾ മലയാളം വ്യക്തമായി കാണിക്കേണ്ടതാണ്. ഏതെങ്കിലും കാരണവശാൽ ഇനിയും മലയാളം ഫോണ്ടുകൾ കമ്പ്യൂട്ടർ ഡിസ്‌പ്ലേചെയ്യുന്നില്ലെങ്കിൽ താഴെപ്പറയുന്ന കാര്യങ്ങൾകൂടി ചെയ്യൂ.

1. കൺ‌ട്രോൾ പാനൽ തുറക്കുക. (Start > settings > control panel)
2. കൺ‌ട്രോൾ പാനലിൽനിന്നും Regional & language options സെലക്റ്റ് ചെയ്യുക
3. ഇപ്പോൾ തുറക്കുന്ന ചെറിയവിന്റോയിൽനിന്നും Languages എന്ന ടാബ് സെലക്ട് ചെയ്യുക.
4. അതിൽ Supplimental language support എന്നൊരു ഭാഗമുണ്ട്. അതിലെ Install files for complex script and right-to-left languages എന്ന വരിക്കുനേരെയുള്ള ചെറിയ കള്ളി ടിക് മാർക്ക് ചെയ്ത് OK ക്ലിക്ക് ചെയ്യുക. ഇപ്പോൾ ഈ ഭാഷകൾക്കായുള്ള സപ്പോർട്ട് ഫയലുകൾ വിന്റോസ് ഇൻസ്റ്റാൾ ചെയ്യും. (ചിലപ്പോള്‍, വിന്റോസ് ഇൻസ്റ്റലേഷൻ സി.ഡി റോം ഇൻസ്റ്റലേഷന് ഇടയിൽ ആവശ്യപ്പെട്ടേക്കാം)

ഫയർഫോക്സ് മോസില്ല, ഗൂഗിള്‍ ക്രോം, എപിക് ബ്രൌസര്‍ എന്നിവയെ മലയാളം ടെക്സ്റ്റ്‌ ശരിയായി ഡിസ്പ്ലേ ചെയ്യുവാന്‍ തയ്യാറാക്കുന്ന വിധം മാനുവലായി ഫോണ്ട് സെറ്റ് ചെയ്യുന്ന വിധം
എന്ന അധ്യായത്തില്‍ വിശദമായി വിവരിച്ചിട്ടുണ്ട്. അതിലേക്കുള്ള ലിങ്ക് ഇവിടെ

വേറെയും മലയാളം യുണികോഡ് ഫോണ്ടുകള്‍:

നിങ്ങൾ വായിച്ചുകൊണ്ടിരിക്കുന്ന അഞ്ജലി ഓള്‍ഡ് ലിപി എന്ന ഈ മനോഹരമായ മലയാളം ഫോണ്ട്, ശ്രീ. കെവിന്റെ സംഭാവനയാണ്. മറ്റുചില മലയാളം യൂണിക്കോഡ് ഫോണ്ടുകള്‍: രചന, കറുമ്പി, തൂലിക, നിള, പാണിനി, കാര്‍ത്തിക, ഇ-മലയാളം ഓ.റ്റി മീര, ദ്യുതി തുടങ്ങിയവ. ഇവയൊക്കെ ഡൌൺലോഡ് ചെയ്യുവാൻ ആഗ്രഹമുണ്ടെങ്കിൽ ഈ ബ്ലോഗിലെ മലയാളം ഫോണ്ടുകൾ എന്ന അദ്ധ്യായം നോക്കൂ.

ഡിസ്‌പ്ലേ കൂടുതല്‍ മനോഹരമാക്കാന്‍:

ഇനി ഒരു ചെറിയ ഡിസ്‌പ്ലേ സെറ്റിംഗുകൂടി ചെയ്താല്‍, നമുക്ക് നല്ല വടിവൊത്ത രീതിയില്‍ ഈ ഫോണ്ടുകളെ സ്ക്രീനില്‍ കാണാം. അതിനായി താഴെപ്പറയുന്ന സെറ്റിംഗുകള്‍ ചെയ്യുക.

1. വിന്റോസിലെ Start മെനു തുറന്ന് Control Panel സെലക്റ്റ് ചെയ്യുക.
2. കണ്‍‌ട്രോള്‍ പാനലിലെ Display എന്ന ഐക്കണില്‍ ഡബിള്‍ ക്ലിക്ക് ചെയ്യുക.
3. ഡിസ്‌പ്ലേ വിന്റോ തുറക്കും. അതില്‍നിന്നും Appearance എന്ന ടാബില്‍ ക്ലിക്കുചെയ്യുക.
4. അവിടെ Effects എന്നെഴുതിയിരിക്കുന്ന ഒരു ബട്ടണ്‍ കാണാം. അതില്‍ ക്ലിക്ക് ചെയ്യുക.

5. ഇപ്പോള്‍ പുതിയ ഒരു വിന്റോ തുറക്കും. അതില്‍ രണ്ടാമത്തെ വരിയില്‍ ഇങ്ങനെ കാണാം ‘Use the following method to smooth edges of screen fonts' ഈ വരിയുടെ തുടക്കത്തില്‍ ഒരു ചതുരക്കള്ളിയുണ്ട്. അതിനുള്ളില്‍ ഒരു പ്രാവശ്യം ക്ലിക്ക് ചെയ്ത് ടിക് മാര്‍ക്ക് ഇടുക. അതിനുശേഷം ഈ വരിയുടെ താഴെയുള്ള വലിയ ചതുരക്കള്ളിയിലെ Arrow അമര്‍ത്തി, വരുന്ന ലിസ്റ്റില്‍നിന്നും Clear Type സെലക്ട് ചെയ്യുക.

6. OK ക്ലിക്ക് ചെയ്യുക. വീണ്ടും ഒരു പ്രാവശ്യം കൂടി OK ക്ലിക്ക് ചെയ്തുകഴിയുമ്പോള്‍ ഡിസ്‌പ്ലേ വിന്റോയും അടയ്ക്കാം.

7. ഇനി കണ്‍‌ട്രോള്‍ പാനല്‍ വിന്റോ അടയ്ക്കാവുന്നതാണ്.

കുറിപ്പ്: നിങ്ങളുടെ മോനിറ്ററിന്റെ ബ്രൈറ്റ്‌നെസ്,കോണ്ട്രാസ്റ്റ് സെറ്റിംഗുകള്‍ ശരിയായി അല്ല ഇപ്പോള്‍ ഇരിക്കുന്നതെങ്കില്‍ മേല്‍പ്പറഞ്ഞ കാര്യങ്ങള്‍ ചെയ്തുകഴിയുമ്പോള്‍ അക്ഷരങ്ങള്‍ വളരെ നേരിയ രീതിയിലാവും കാണപ്പെടുക. അങ്ങനെ കാണുന്നുവെങ്കില്‍ ബ്രൈറ്റ്‌നെസും കോണ്ട്രാസ്റ്റും അഡ്‌ജസ്റ്റ് ചെയ്യേണ്ടതാണ്.
malayalam blog,മലയാളം ബ്ലോഗുകള്‍,malayalam blogs, malayalam-blog help, malayalam blogs,malayalam bloghelp, bloghelline, adyakshari, ആദ്യാക്ഷരി, മലയാളം ബ്ലോഗ്‌, malayalam fonts, keyman, varamozhi, malayalam writing, malayalam blogging

ബ്ലോഗുകൾക്ക് അഞ്ച് ഡൈനാമിക് വ്യൂ ഓപ്‌ഷനുകൾ

2011-05-09T08:23:00.002+04:00

ഈയിടെ ബ്ലോഗർ ഡാഷ്‌ബോർഡിലും ബ്ലോഗർ ബസിലും വന്ന ഒരു നോട്ടിഫിക്കേഷൻ പലരും ശ്രദ്ധിച്ചിരിക്കും, നിങ്ങളുടെ ബ്ലോഗുകളിലെ പോസ്റ്റുകളെ അഞ്ചു വ്യത്യസ്ഥ രീതികളിൽ വായനക്കാർക്ക് ഒറ്റയടിക്ക് കാണുവാനും പോസ്റ്റുകളിലേക്ക് പോകുവാനും ഉള്ള സൗകര്യമാണ് ഇപ്പോൾ ഗൂഗിൾ ഒരുക്കിയിരിക്കുന്നത്. Flipcard, Mosaic, Sidebar, Snapshot, Timeslide എന്നിങ്ങനെ നാമകരണം ചെയ്തിരിക്കുന്ന ഈ ഡൈനാമിക് വ്യൂ ഓ‌പ്‌ഷനുകൾ RSS Feed എനേബിൾ ചെയ്തിരിക്കുന്ന ഏതു ബ്ലോഗുകളേയും ഈ സൗകര്യമുപയോഗിച്ച് നമുക്ക് കാണാവുന്നതാണ്.

ഉദാഹരങ്ങൾ നോക്കൂ. ലിങ്കുകളിൽ ക്ലിക്ക് ചെയ്യുക - ഈ ഓപ്‌ഷനുകൾ എല്ലാ ബ്രൗസറുകളിലും പ്രവർത്തിക്കുമെങ്കിലും ഏറ്റവും സ്പീഡിൽ ലോഡ് ചെയ്യുന്നത് ഗൂഗിൾ ക്രോമിൽ ആണെന്നാണ് എന്റെ അനുഭവം)

1. മിഴിച്ചെപ്പ് എന്ന എന്റെ ഫോട്ടോബ്ലോഗ് Fipcard രീതിയിൽ

2. ആഷയുടെ ചിത്രക്കളരി ഫോട്ടോബ്ലോഗ് Mosaic രീതിയിൽ

3. മിഴിച്ചെപ്പ് Snapshot രീതിയിൽ

4. ചാന്ദ്നിയുടെ ചന്ദ്രകാന്തം കവിതാ ബ്ലോഗ് Sidebar രീതിയിൽ

5. ചന്ദ്രകാന്തം ബ്ലോഗ് Timeslide രീതിയിൽ

മേൽപ്പറഞ്ഞ ഉദാഹരണങ്ങൾ ലോഡ് ചെയ്യുമ്പോൾ ബ്രൗസറിന്റെ അഡ്രസ് ബാറിൽ ബ്ലോഗ് URL നോക്കൂ. അതാത് ബ്ലോഗിന്റെ URL കഴിഞ്ഞ് /view/snapshot, അല്ലെങ്കിൽ /view/flipcard എന്നിങ്ങനെ ഒരു എക്സ്റ്റൻഷൻ ആയിട്ടാണ് ഇത് പ്രവർത്തിക്കുന്നത്. ചുർക്കത്തിൽ ഏതു ബ്ലോഗുകളേയും നിങ്ങൾക്ക് ഈ രീതിയിൽ കാണുന്നതിന് അവയുടെ യു.ആർ.എൽ നു ശേഷം മേൽപ്പറഞ്ഞ രീതിയിൽ എക്സ്റ്റൻഷൻ എഴുതിച്ചേർത്താൽ മാത്രം മതിയാകും. അതായത് നിങ്ങളുടെ ബ്ലോഗിന്റെ URL xxxx.blogspot.com എന്നാണെങ്കിൽ മേൽപ്പറഞ്ഞ ഡൈനാമിക് വ്യൂ കിട്ടുവാനായി http://xxxx.blogspot.com/view/flipcard അല്ലെങ്കിൽ /snapshot എന്നിങ്ങനെ അനുയോജ്യമായി ചേർക്കുക.

ഓരോ പ്രാവശ്യവും ഇതുപോലെ യു.ആർ.എൽ എഴുതിച്ചേർക്കുന്നത് ഒഴിവാക്കാനായി ഒരു എളുപ്പവഴിയുണ്ട്. ഒരു ടെക്സ്റ്റ് ഗാഡ്‌ജറ്റ് നിങ്ങളുടെ ബ്ലോഗിൽ ചേർക്കുക. "ഈ ബ്ലോഗിലെ എല്ലാ പോസ്റ്റുകളും ഒരുമിച്ച്" എന്ന് ഒരു വരി എഴുതിയിട്ട് അതിനെ നിങ്ങൾക്ക് ഇഷ്ടമുള്ള ഒരു വ്യൂ എക്‌സ്റ്റൻഷനോടുകൂടിയ നിങ്ങളുടെ ബ്ലോഗിന്റെ യു.ആർ.എൽ ആയി ലിങ്ക് ചെയ്ത് സേവ് ചെയ്യുക.

മുകളിലെ ഉദാഹരണങ്ങളിൽ കണ്ടതുപോലെ, ഫോട്ടോബ്ലോഗുകൾക്കാണ് Mosaic, Snapshot എന്നീ ഓപ്‌ഷനുകൾ നന്നായി ഇണങ്ങുന്നത് എന്നു തോന്നുന്നു. കഥ, കവിത, ലേഖനം തുടങ്ങിയവയ്ക്ക് മറ്റു വ്യൂ വുകൾ എല്ലാം ഇണങ്ങും. ഓരോ വ്യൂവിനും അതാതിന്റേതായ ചില പ്രത്യേകതകൾ കൂടിയുണ്ട്. ഉദാഹരണത്തിനു ഫ്ലിപ് കാർഡ് വ്യൂവിൽ ഒരു കാർഡിനുമുകളീൽ മൗസ് വച്ചാൽ കാർഡിന്റെ മറുപുറം തെളിയും. അവിടെ പോസ്റ്റ് ചെയ്ത് തീയത്, കമന്റുകൾ എത്ര തുടങ്ങീയ വിവരങ്ങൾ കാണാം. സ്നാപ് ഷോട്ട് വ്യൂവിൽ കമന്റുകളുടെ എണ്ണം ചിത്രത്തിനു മുകളീൽ തന്നെ കാണാം. ടൈം സ്ലൈഡ് വ്യൂവിൽ പ്രസിദ്ധീകരിച്ച ഓർഡറിൽ പോസ്റ്റുകളുടെ ഒരു ചെറുപതിപ്പും കമന്റുകളുടെ എണ്ണം, തലക്കെട്ട് തുടങ്ങിയവയും കാണാം. ഫ്ലിപ്പ് കാർഡ് വ്യൂവിൽ Recent, labe, author എന്നിങ്ങനെ സോർട്ട് ചെയ്തു കാണുവാനുള്ള സൗകര്യവുമുണ്ട്. ഓരോ വ്യൂവിലെയും സൗകര്യങ്ങൾ നിങ്ങൾ തന്നെ പരീക്ഷിച്ചു കണ്ടെത്തൂ.

ഗൂഗിൾ ക്രോമിൽ:

നിങ്ങളുടെ കമ്പ്യൂട്ടറിൽ ഗൂഗിൾ ക്രോം ബ്രൗസർ ഇൻസ്റ്റാൾ ചെയ്തിട്ടുണ്ടെങ്കിൽ അത് തുറക്കുക. ഗൂഗിൾ ക്രോം ബ്രൗസറിൽ ഈ വ്യൂ സംവിധാനം സ്ഥിരമായി ഏർപ്പെടുത്താനുള്ള സൗകര്യവും ഗൂഗിൾ ഒരുക്കിയിരിക്കുന്നു. അതിനായി ഈ ലിങ്കിലെ സൈറ്റിലേക്ക് പോകൂ.

അവിടെ താഴെക്കാണുന്ന പ്രകാരം ഒരു Blogger Dynamic Views Installation എന്നൊരു ബോക്സ് കാണാം. അവിടെ ഇൻസ്റ്റാൾ ക്ലിക്ക് ചെയ്യുക.

ഇനി അടുത്തതവണ നിങ്ങൾ ഏതു ബ്ലോഗ് തുറക്കുമ്പോഴും അഡ്രസ് ബാറിന്റെ വലത്തേ അറ്റത്തായി ഒരു ബ്ലോഗർ ലോഗോ കാണാം.

ലോഗോയിൽ ഒരു തവണ ക്ലിക്ക് ചെയ്യൂ. ഒരു മെനു ലിസ്റ്റ് തുറന്ന് അഞ്ച് ഡൈനാമിക് വ്യൂ കളുടെ ലിസ്റ്റ് ലഭിക്കും. അതിൽ നിങ്ങൾക്ക് വേണ്ട വ്യൂ സെലക്റ്റ് ചെയ്യുക ! ഏതു ബ്ലോഗും നീങ്ങൾക്ക് ഇതേ രീതിയിൽ കാണാം. അതുപോലെ ഒരിക്കൽ ഒരു വ്യൂ തുറന്നുകഴിഞ്ഞാൽ മുകളിലെ സ്ക്രീൻ ഷോട്ടിൽ കാണുന്നതുപോലെ ബ്രൗസറിന്റെ വലത്തേ മൂലയിൽ ബ്ലോഗിന്റെ പേരും അതോടൊപ്പം ഒരു ഡൗൺ ആരോ യും കാണാം. അതിൽ ക്ലിക്ക് ചെയ്താൽ നേരിട്ട് ബ്ലോഗ് അഡ്രസുകൾ എഴുതാനുള്ള സംവിധാനവും കിട്ടും. ഡൈനാമിക് വ്യൂ മാറ്റി സാധാരണ രീതിയിൽ തന്നെ ബ്ലോഗ് കാണുവാൻ അഡ്രസ് ബാറീലെ യു.ആർ.എൽ ന്റെ അവസാന ഭാഗം (/view/flipcard) ഡിലീറ്റ് ചെയ്യുക.

കീമാജിക് - ഓഫ്‌ലൈൻ ടൈപ്പിംഗ് ടൂൾ

2011-03-20T21:39:00.007+04:00

മലയാളത്തിൽ ടൈപ്പു ചെയ്യാനായി ഇന്ന് സർവ്വസാധാരണമായി ഉപയോഗിക്കുന്ന രണ്ടു രീതികളാണല്ലോ ട്രാൻസ്‌ലിറ്ററേഷനും ഇൻ‌സ്ക്രിപ്റ്റ് കീബോർഡുകളും. ഇവ തമ്മിലുള്ള വ്യത്യാസമെന്തെന്ന് അറിയാത്തവർക്കായി ചുരുക്കത്തിൽ വിശദമാക്കാം. മംഗ്ലിഷിൽ ഒരു മലയാളം വാക്കെഴുതി അതിന്റെ തത്തുല്യമായ ശബ്ദാനുകരണം മലയാളത്തിൽ കിട്ടുന്നതിനെയാണ് ട്രാൻസ്‌ലിറ്ററേഷൻ എന്നു വിളിക്കുന്നത്. ഉദാഹരണം kakka = കാക്ക, poochcha = പൂച്ച. ശബ്ദങ്ങൾക്കനുസരിച്ച് അക്ഷരങ്ങളില്ലാത്ത ഇംഗീഷ് ഭാഷയിലെ അക്ഷരങ്ങൾ ഉപയോഗിച്ച് ഒരു മലയാളം വാക്ക് എഴുതുമ്പോൾ കണക്കിലധികം കീസ്ട്രോക്കുകൾ വേണ്ടിവരുന്നു എന്നതാണ് ട്രാൻസ്‌ലിറ്ററേഷൻ രീതിയെപ്പറ്റിയുള്ള ഒരു ആക്ഷേപം. എന്നാൽ കീബോർഡിൽ നോക്കാതെ മിനിറ്റിൽ നാൽ‌പ്പതും അൻ‌പതും വാക്കുകൾ ഇംഗ്ലീഷിൽ ടൈപ്പു ചെയ്യാൻ കഴിയുന്ന ഒരാളുടെ തലച്ചോറിനെ സംബന്ധിച്ചിടത്തോളം ഇതൊരു ബുദ്ധിമുട്ടേയല്ല എന്നതാണു വാസ്തവം! മനസിൽ ഉദ്ദേശിക്കുന്ന മലയാളം വാക്കുകൾ വിരൽത്തുമ്പിലേക്ക് ട്രാൻസ്‌ലിറ്ററേഷൻ രീതിയിൽ താനേ ഒഴുകിവന്നുകൊള്ളും! ഇൻ‌സ്ക്രിപ്റ്റ് രീതിയിൽ മലയാളത്തിലെ ഓരോ അക്ഷരത്തിനും ഇംഗ്ലീഷ് കീബോർഡിലെ ഓരോ കീകൾ നിശ്ചയിച്ചിരിക്കുന്നു. അതുകൊണ്ട് ഒരു മലയാളം വാക്ക് എഴുതാൻ ആവശ്യമായി വരുന്ന കീസ്ട്രോക്കുകളുടെ എണ്ണം ട്രാൻസ്‌ലിറ്ററേഷൻ ഉപയോഗിമ്പോൾ വേണ്ടിവരുന്നതിനേക്കാൾ നന്നേ കുറവാണ്. ഇങ്ങനെ മലയാളത്തിലെ ഓരോ അക്ഷരങ്ങളും ഓർത്തിരിക്കുവാൻ ബുദ്ധിമുട്ടല്ലേ എന്നു ചിന്തിക്കുന്ന വായനക്കാരുണ്ടാവാം. സത്യത്തിൽ ഇവിടെയും മനുഷ്യമസ്തിഷ്കത്തിന്റെ അസാധാരണമായ ചില കഴിവുകളാണ് സഹായത്തിനെത്തുന്നത്. കുറച്ചു പ്രാക്റ്റീസിനുശേഷം ഓരോ മലയാള അക്ഷരത്തിനും വേണ്ട കീകൾ ഏതൊക്കെയെന്ന് തലച്ചോറും വിരലുകളും കൂടി ഒന്നായി പ്രവർത്തിച്ച് മനസ്സിലാക്കിക്കൊള്ളും. ചുരുക്കത്തിൽ ഏതുരീതിയിൽ എഴുതിയാലും പ്രത്യേകിച്ച് വിശേഷമോ ദോഷമോ ഇല്ല - ഓരോരുത്തരുടെയും സൌകര്യം പോലെ ആ രീതി തിരഞ്ഞെടുക്കാം എന്നു സാരം. ആദ്യാക്ഷരിയിൽ മലയാളം എഴുതാൻ പഠിക്കാം എന്ന സെക്ഷനിൽ വിവരിച്ചിരിക്കുന്ന വിവിധ രീതികളിൽ, കീമാൻ, വരമൊഴി, ഗൂഗിൾ ഇൻപുട്ട് മെതേഡ് തുടങ്ങിയവ ട്രാൻസ്‌ലിറ്ററേഷൻ രീതിയിൽ പ്രവർത്തിക്കുന്ന പ്രോഗ്രാമുകളാണ്.

മൊഴികീമാപ് ഉപയോഗിച്ച് പ്രവർത്തിക്കുന്ന കീമാനും വരമൊഴിയും, മലയാളം ബ്ലോഗുകൾ ഇന്നുകാണുന്ന രീതിയിൽ വിപുലപ്പെടുവാൻ വലിയൊരു പങ്കുവഹിച്ചിട്ടുണ്ട് എന്നതിൽ സംശയമില്ല. ട്രാൻസ്‌ലിറ്ററേഷൻ രീതിയിൽ പ്രവർത്തിക്കുന്ന കീമാൻ വിന്റോസ് എക്സ്പി വേർഷൻ വരെ യാതൊരു പ്രശ്നങ്ങളുമില്ലാതെ മലയാളം ടൈപ്പിംഗിനു പ്രയോജനപ്പെടുകയും ചെയ്തുപോന്നു. എന്നാൽ വിൻഡോസ് വിസ്റ്റയും, വിൻഡോസ് -7നും ഇറങ്ങിയതൊടെ കീമാൻ പ്രശ്നക്കാരനായി. കീമാൻ പ്രൊപ്രൈറ്ററി സൊഫ്റ്റ്‌വെയർ ആയതിനാൽ അതിനായി മലയാളത്തിന്റെ പുതുക്കിയ വേർഷൻ ഇറക്കുന്നത് അതിലേറെ പ്രശ്നമായി.

മലയാളം വിക്കിപീഡിയനായ ജുനൈദ് ഈ പ്രശ്നത്തിനുള്ള ഒരു പരിഹാരവുമായി എത്തുന്നു. കീമാജിക്ക് എന്നപേരിൽ കഴിഞ്ഞയാഴ്ക പബ്ലിഷ് ചെയ്ത ഈ സോഫ്റ്റ്‌വെയർ, ബർമ്മക്കാരായ ചില വിക്കി പ്രവർത്തകരാണു് ആദ്യമായി വികസിപ്പിച്ചത്. ഈ സ്പോഫ്റ്റ്‌വെയറിൽ, ജുനൈദ് മലയാളത്തിനായി ടൈപ്പിങ്ങ് സ്കീമുകൾ എഴുതിയുണ്ടാക്കി (മൊഴി സ്കീമും, ഇൻസ്ക്രിപ്റ്റും) കസ്റ്റമൈസ് ചെയ്ത് പുറത്തിറക്കിയിരിക്കുന്നു. ഇതിന്റെ വിശദവിവരങ്ങളാണ് ഈ പോസ്റ്റിൽ ചർച്ചചെയ്യാൻ പോകുന്നത്.

കീമാനിൽനിന്നു വ്യത്യസ്തമായി കീമാജിക് ഒരു സ്വതന്ത്രസോഫ്റ്റ്‌വെയറാണു്. അതിനാൽ ഭാവിയിൽ കൂടുതൽ സൗകര്യം ഒരുക്കാം എന്ന സവിശേഷതയുണ്ട്. വിൻഡോസ് എക്സ്പി, വിസ്റ്റ, വിൻഡോസ് -7 എന്നിവയിൽ ഇതു പരീക്ഷിച്ചു. കുഴപ്പമില്ലാതെ പ്രവർത്തിക്കൂന്നുണ്ട് എന്നാണ് ഇതുവരെയുള്ള ഫീഡ്‌ബാക്ക്.

കീമാജിക് ഉപയോഗിക്കുന്ന വിധം:

കീമാജിക് എനേബിൾ ആയാൽ ഉടൻ തന്നെ സിസ്റ്റം ട്രേയിൽ ഒരു ഐക്കൺ പ്രത്യക്ഷമാകും. ഇളം നീല നിറത്തിൽ അ എന്ന അക്ഷരത്തിന്റെ ചിഹ്നമാണിതിൽ ഉള്ളത്. Transliteration രീതി ഉപയോഗിക്കാൻ ആഗ്രഹിക്കുന്നവർ, CTRL + M അമർത്തിയാൽ മൊഴി സ്കീം പ്രവർത്തനക്ഷമം ആകും. വിക്കിപീഡിയയിൽ CTRL + M ഉപയോഗിക്കുന്നതിനാൽ ഇവിടെയും അത് ഉപയോഗിച്ചു എന്ന് മാത്രം. ഇൻസ്ക്രിപ്റ്റ് കീബോർഡ് ഉപയോഗിക്കാൻ ആഗ്രഹിക്കുന്നവർ Ctrl+shift+M എന്ന കീ കോമ്പിനേഷൻ ഉപയോഗിക്കുക. ഇപ്പോൾ രണ്ടു സ്കീമേ ചേർത്തിട്ടുള്ളൂ എങ്കിലും ഭാവിയിൽ എത്ര വേണമെങ്കിലും ചേർക്കാനുള്ള സൗകര്യം ഉണ്ട്. അതേ പോലെ ഗിനു/ലിനക്സ് വ്വേർഷനും മാക്ക് വേർഷനും ഒക്കെ താമസിയാതെ ഇറക്കുന്നതാണ്.

നോട്ട് പാഡ്, ബ്രൗസർ, വേർഡ്, ഓപ്പണോഫീസ്, ബ്ലോഗിലെ കമെന്റ് ബോക്സ് തുടങ്ങി നമ്മൾ സാധാരണ മലയാളം ടൈപ്പ് ചെയ്യുന്ന സ്ഥലങ്ങളിലൊക്കെ ഇത് പരീക്ഷിച്ചു നോക്കി. എല്ലായിടത്തും പ്രവർത്തിക്കുന്നതായി കണ്ടു.

നിങ്ങളിൽ വിൻഡോസ് മലയാളം ടൈപ്പ് ചെയ്യുന്നവർ ഇത് ഉപയോഗിച്ച് ടൈപ്പ് ചെയ്ത് നോക്കാൻ താല്പര്യപ്പെടുന്നു. അങ്ങനെ കുഴപ്പങ്ങൾ ഉണ്ടെങ്കിൽ കണ്ടെത്താൻ സഹായിക്കുക. കുറേയേറെ കുഴപ്പങ്ങൾ ഞങ്ങൾ കുറച്ച് പേർ ചേർന്ന് കണ്ടെത്തി പരിഹരിച്ചിരുന്നു.

ടെസ്റ്റ് ചെയ്ത് നിങ്ങൾ കണ്ടെത്തുന്ന കുഴപ്പങ്ങൾ help@mlwiki.in എന്ന ഐഡിയിലേക്ക് അയക്കാൻ അഭ്യർത്ഥിക്കുന്നു. കീമാൻ മലയാളത്തിനായി വികസിപ്പിച്ച ജുനൈദിന്റേയും പ്രാഥമിക ടെസ്റ്റിങ്ങ് നടത്തിയവരുടേയും കണ്ണിൽ പെടാതെ പോയ പ്രശ്നങ്ങൾ ഉണ്ടാവാം. പ്രശ്നങ്ങളെല്ലാം help@mlwiki.in ലേക്ക് അയക്കുക. പ്രശ്നങ്ങൾ പരിഹരിച്ച് പുതുക്കിയ പതിപ്പ് ഏറ്റവും അടുത്ത് ദിവസം തന്നെ പുറത്തിറക്കുന്നതാണ്.

ചിലകുറിപ്പുകൾ:

ചില്ലക്ഷരങ്ങളായ ൻ,ർ,ൾ,ൺ, ൽ എന്നിവ യഥാക്രമം n, r, L, N, l എന്നീ അക്ഷരങ്ങളുമായി ബന്ധിപ്പിച്ചിരിക്കുന്നു.
ചന്ദ്രക്കല കിട്ടാൻ അതാതു ചില്ലക്ഷരത്തിനു ശേഷം ~ ചിഹ്നനം ഉപയോഗിക്കണം.
ഋ (ഋ-വിന്റെ ചിഹ്നനവും) കിട്ടാൻ R ഉപയോഗിക്കണം.
ഞ്ഞ കിട്ടാൻ njnja ഉപയോഗിക്കണം. ഇരട്ട അക്ഷരങ്ങൾക്കെല്ലാം ഇതേ രീതി പിന്തുടരണം.
ചില്ലിനുശേഷം വ എന്ന അക്ഷരം വരുമ്പോൾ അവതമ്മിൽ വേർപിരിക്കുവാൻ underscore ഉപയോഗിക്കണം. ഉദാ: അൻവർ എന്ന് കിട്ടാൻ an_var എന്ന് ടൈപ്പ് ചെയ്യണം
ഇരട്ട അക്ഷരങ്ങളെല്ലാം അതാതു ഒറ്റയക്ഷരങ്ങളുടെ ആവർത്തനാമായേ ലഭിക്കൂ. കീമാനിലെപ്പോലെ ക്യാപ്പിറ്റൽ ലെറ്റർ വർക്ക് ചെയ്യില്ല. ഉദാ: ങ്ങ = ngnga, ച്ച = chcha

ഇങ്ങനെ ഒരു സ്വതന്ത്രസൊഫ്റ്റ്‌വെയർ ഇറക്കിയ ബർമ്മീസ് സഹപ്രവർത്തകർക്കും ഇത് മലയാളത്തിനായി കസ്റ്റമൈസ് ചെയ്ത ജുനൈദിനും, ഈ സോഫ്റ്റ്വെയർ ബ്ലോഗിൽ പബ്ലിഷ് ചെയ്ത ഷിജു അലക്സിനും അഭിനന്ദനങ്ങൾ.

ടൈപ്പിങ്ങിനു ഉപയോഗിക്കുന്ന മൊഴി സ്കീമിന്റെ ചിത്രം ഇവിടെ കാണാം. http://upload.wikimedia.org/wikipedia/commons/1/10/Lipi_ml.png

ചില്ലക്ഷരം പ്രശ്നമായി തോന്നുന്നവർ അത് പരിഹരിക്കാൻ ആദ്യാക്ഷിയിലെ ഈ പോസ്റ്റ് വായിച്ച് അതിൽ പറയുന്ന കാര്യങ്ങൾ ചെയ്യുക.

കീമാജിക്ക് ഉപയോഗിച്ച് ട്രാൻസ്‌ലിറ്ററേഷൻ രീതിയിൽ ടൈപ്പു ചെയ്യുന്നത് കീമാൻ ഉപയോഗിച്ച് ടൈപ്പു ചെയ്യുന്നതിൽനിന്നും വളരെയൊന്നും വ്യത്യസ്തമല്ല. മൊഴി ലിപ്യന്തരണത്തിന്റെ നിയമങ്ങൾ മലയാളം വിക്കിപീഡിയയിലെ ഉപകരണത്തിൽ നിന്നും കടം കൊണ്ടവയാണ്. അതുകൊണ്ട് ചില കൂട്ടക്ഷരങ്ങൾ എഴുതുന്നതിൽ ചില്ലറ വ്യതിയാനങ്ങൾ ഉണ്ട്. അവയെപ്പറ്റി പിന്നാലെ വിശദീകരിക്കാം. R എന്ന കീസ്ട്രോക്ക് ‘ഋ‘ എന്ന അക്ഷരത്തിനായി മാറ്റിയിരിക്കുന്നു എന്നതാണ് പ്രധാനമായ ഒരു വ്യത്യാസം. ട്രാൻസ്‌ലിറ്ററേഷൻ രീതിയല്ലാതെ, ഇൻസ്‌ക്രിപ്റ്റ് രീതിയിൽ ടൈപ്പു ചെയ്യുവാൻ ആഗ്രഹമുള്ളവർ വിഷമിക്കേണ്ട. അതിനുള്ള സംവിധാനവും കീമാജിക്കിൽ ഉണ്ട്.

രണ്ടുരീതിയിൽ കീമാജിക് ഇൻസ്റ്റാൾ ചെയ്യാം. ഒരു കമ്പ്യൂട്ടറിലേക്ക് നേരിട്ട് ഈ പ്രോഗ്രാം മാത്രം ഇൻസ്റ്റാൾ ചെയ്യണമെന്നുള്ളവർക്ക് താഴെ കൊടുത്തിരിക്കുന്ന ഇൻസ്റ്റാളർ ഉപയോഗിക്കാം.

കീമാജിക്ക് (മലയാളം) മാത്രമായി പാക്ക് ചെയ്ത് ഇൻസ്റ്റാളർ ഇവിടെ കിട്ടും:
Key magic 1.4 setup

ഈ ലിങ്കിൽ ക്ലിക്ക് ചെയ്താലുടൻ keymagic -1.4 Malayalam-setup.exe എന്ന ഫയലിലേക്കുള്ള ലിങ്ക് ലഭിക്കും. അതിൽ ക്ലിക്ക് ചെയ്റ്റാലുടൻ ഇൻസ്റ്റലേഷൻ പ്രോഗ്രാമിന്റെ ഫയൽ നിങ്ങളുടെ സിസ്റ്റത്തിലേക്ക് ഡൌൺലോഡ് ചെയ്യപ്പെടും. ഡൌൺലോഡ് പൂർത്തിയായാൽ ആ ഫയലിൽ ഡബിൾ ക്ലിക്ക് ചെയ്യുക. (ചില ബ്രൗസറിൽ നേരിട്ട് താഴെക്കാണുന്ന ഡയലോഗ് ബോക്സ് തുറക്കുകയാവും ചെയ്യുക) ഒരു പുതിയ ഡയലോഗ് ബോക്സ് തുറന്ന് വരും. അതിലെ Run എന്ന ബട്ടൺ ക്ലിക്ക് ചെയ്യൂ.

തുടർന്നുവരുന്ന സ്ക്രീനുകളിലെ ലൈസൻസ് എഗ്രിമെന്റ് ആക്സെപ്റ്റ് ചെയ്യുക. അതിനുശേഷം Next ബട്ടണിൽ ക്ലിക്ക് ചെയ്താൽ ഇൻസ്റ്റലേഷൻ ആരംഭിക്കും. സെക്കന്റുകൾക്കുള്ളിൽ ഇൻസ്റ്റലേഷൻ പൂർത്തിയാകും. അവസാനത്തെ സ്ക്രീനിനും മുമ്പായി ഡെസ്ക് ടോപ്പിലും ക്വിക്ക് ലോഞ്ച് പാഡിലും കീമാജിക്കിന്റെ ഐക്കൺസ് ചേർക്കട്ടയോ എന്നൊരു ചോദ്യം വരും. ഇതു രണ്ടും ടിക്ക് ചെയ്തേക്കുക. ഇപ്രകാരം ചെയ്താൽ കീമാജിക്കിന്റെ ഐക്കൺ ഡെസ്ക്ടോപ്പിൽ കിട്ടും. ഇനിയും എപ്പോഴെങ്കിലും കീമാജിക് സ്റ്റാർട്ട് ചെയ്യേണ്ടിവരുമ്പോൾ ഈ ഐക്കണുകൾ ഉപയോഗിക്കാം.

ഇൻസ്റ്റലേഷൻ പൂർത്തിയായി എന്നുകാണിക്കുന്ന മെസേജിനു ശേഷം ഒരു സ്ക്രീൻ കൂടി ലഭിക്കും. കീമാജിക്കിനെ മലയാളം ടൈപ്പു ചെയ്യുന്ന രീതിയിൽ നിന്ന് ഇംഗ്ലീഷിലേക്ക് ഒരു ഷോർട്ട് കട്ട് കീ ഉപയോഗിച്ച് സ്വിച്ച് ചെയ്യാനുള്ള ഓപ്ഷൻ സെറ്റ് ചെയ്യാനുള്ള സ്ക്രീനാണിത്. ഡിഫോൾട്ടായി Ctrl +M എന്ന കീ കോമ്പിനേഷനാണ് ട്രാൻസ്‌ലിറ്ററേഷൻ സ്വിച്ചിംഗിനായി നൽകിയിരിക്കുന്നത്. ഇതുവേണമെങ്കിൽ മാറ്റി നിങ്ങൾക്ക് ഇഷ്ടമുള്ള കീ കോമ്പിനേഷൻ സേവ് ചെയ്യാം. ഇൻസ്ക്രിപ്റ്റ് രീതിയിലെ കീബോർഡ് വേണം എന്നുള്ളവർക്ക് Ctrl+shift+M എന്ന കീ കോമ്പിനേഷൻ ഉപയോഗിക്കാം.

മേൽപ്പറഞ്ഞരീതിയിൽ നേരിട്ട് ഇൻസ്റ്റാൾ ചെയ്യാതെ കീമാജിക്കിന്റെ സെറ്റപ് ഫയലുകൾ മുഴുവൻ വേണം എന്നുള്ളവർക്ക് താഴെപ്പറയുന്ന ലിങ്കിൽ നിന്ന് അവ മൊത്തമായി ഒരു സിപ് ഫയലായി ലഭിക്കും.

സിപ്പ് ഫയൽ വേണമെന്നുള്ളവർക്ക് ഇവിടെനിന്ന് ഡൌൺലോഡ് ചെയ്യാം Keymagic zip file സിപ് ഫയൽ അൺ-സിപ് ചെയ്ത് ആ ഫോൾഡറിലെ keymagic.exe ഫയൽ ഡബിൾ ക്ലിക്ക് ചെയ്താൽ ഇൻസ്റ്റലേഷൻ ആരംഭിക്കും.

മൊഴി സ്കീമിന്റെ ചിത്രം :

ഇൻസ്ക്രിപ്റ്റ്

ഇൻസ്ക്രിപ്റ്റിന്റെ പുതുക്കിയ വേർഷൻ ഇപ്പ്പോഴും ഡ്രാഫ്റ്റ് സ്റ്റേജിൽ തന്നെ ആയതിനാൽ ഈ ടൂളിൾ അതിന്റെ കീമാപ്പ് നിലവിൽ പ്രാബല്യത്തിലുള്ള ഇൻസ്ക്രിപ്റ്റ് കീമാപ്പ് പോലെ തന്നെയാക്കി.

ഈ ടൂളിൽ നിലവിൽ ഉപയോഗിച്ചിരിക്കുന്ന ഇൻസ്ക്രിപ്റ്റ് കീമാപ്പിന്റെ ചിത്രം ഇതാ.

വിൻഡോസ് പതിപ്പുകളുടെ കോമ്പാലിബിലിറ്റി

വിൻഡോസ് XP, വിൻഡോസ് വിസ്റ്റ, വിൻഡോസ് 7 ഈ മൂന്നു് ഓപ്പറേറ്റിങ്ങ് സിസ്റ്റത്തിലും ഇത് ഉപയോഗിച്ച് നോക്കിയിരുന്നു. ബ്രൗസർ, നോട്ട്പാഡ്, വേർഡ്, ബ്ലോഗിന്റെ കമെന്റ് ബോക്സ് തുടങ്ങി പരമാവധി ഇടങ്ങളിൽ ഇത് പരീക്ഷിച്ചു നോക്കി. എല്ലായിടത്തും പ്രവർത്തിക്കുന്നു എന്ന് കണ്ടു.

2 പേർ മാത്രം ഇത് അവരുടെ വിസ്റ്റ/XPസിസ്റ്റത്തിൽ പ്രവർത്തിക്കുന്നില്ല എന്ന് പറഞ്ഞു. അത് ഒരു പക്ഷെ അവരുടെ സിസ്റ്റത്തിന്റേത് മാത്രമായ പ്രശ്നം ആവാനാണു് സാദ്ധ്യത എന്ന് കരുതുന്നു. ഇൻസ്റ്റാളറിനു പകരം സിപ്പ് ഫയൽ എക്സ്ട്രാറ്റ് ചെയ്ത് നേരിട്ട് പ്രവർത്തിക്കാൻ ശ്രമിക്കൂ. ഇൻസ്റ്റാൾ ചെയ്യാതെ തന്നെ പ്രവർത്തിപ്പിക്കാം എന്നതാണൂ് ഇതിന്റെ മറ്റൊരു പ്രധാന പ്രത്യേകത.

കൂടുതൽ ഫീച്ചേർസും, ലേ ഔട്ടുകളും (ഉദാ: മിൻസ്ക്രിപ്റ്റ്, സ്വനലെഖ തുടങ്ങിയവ) ആവശ്യമെങ്കിൽ വഴിയേ ചേർക്കാവുന്നതേ ഉള്ളൂ. നിലവിൽ ഇത് കൊണ്ട് വിൻഡോസ് ഒ.എസ്. ഉപയോഗിക്കുന്നവരുടെ ടൈപ്പിങ്ങ് പ്രശ്നം മിക്കവാറും ഒക്കെ പരിഹരിച്ചു എന്ന് കരുതട്ടെ.

ഈ പേജിൽ പറഞ്ഞിരിക്കുന്ന ഡൗൺലോഡ് ലിങ്കുകളുടെ ഏറ്റവും പുതിയ വേർഷനുകൾ നോക്കാനായി നാരായം എന്ന ഗൂഗിൾ പേജ് ഉപയോഗിക്കാം - നാരായം ലിങ്ക് ഇവിടെ. കൂടാതെ അഞ്ജലി, മീര, രചന എന്നീ യൂണിക്കോഡ് മലയാളം ഫോണ്ടുകളും ഇവിടെനിന്ന് ഡൗൺലോഡ് ചെയ്യാവുന്നതാണ്.

പുതിയ പോസ്റ്റുകൾ ഇ-മെയിൽ വഴി സബ്‌സ്ക്രൈബ് ചെയ്യുവാൻ

2011-03-18T12:10:00.002+04:00

നിങ്ങളുടെ ബ്ലോഗിലെ പുതിയ പോസ്റ്റുകൾ വായനക്കാർക്ക് ഇ-മെയിൽ അഡ്രസ് ഉപയോഗിച്ച് നേരിട്ട് സബ്‌സ്ക്രൈബ് ചെയ്യുവാനുള്ള സംവിധാനം അല്പം വളഞ്ഞ വഴികളിലൂടെ ആയിരുന്നുവെങ്കിലും ബ്ലോഗറിൽ നേരത്തേ നിലവിലുണ്ടായിരുന്നു (feedburner). ഇപ്പോൾ ഈ സംവിധാനത്തെ വളരെ ലളിതമാക്കി ഒരു ഗാഡ്‌ജറ്റ് വഴി ബ്ലോഗറിൽ ചേർത്തിരിക്കുന്നു ഗൂഗിൾ ടീം.

ലളിതമാണ് കാര്യങ്ങൾ. നിങ്ങളുടെ ബ്ലോഗുകളിൽ വരുന്ന പുതിയ പോസ്റ്റുകൾ, ബ്ലോഗ് പോസ്റ്റ് ആഗ്രിഗേറ്ററുകളിലൊന്നും പോയി നോക്കേണ്ട ആവശ്യമില്ലാതെ തന്നെ അപ്പോഴപ്പോൾ അറിയുവാൻ ആഗ്രഹിക്കുന്ന വായനക്കാർക്ക് അവരുടെ ഇ മെയിൽ ഐഡി നിങ്ങളുടെ ബ്ലോഗിൽ രജിസ്റ്റർ ചെയ്യാം. നിങ്ങൾ അടുത്ത തവണ ഒരു പുതിയ പോസ്റ്റ് പ്രസിദ്ധീകരിക്കുമ്പോൾ ബ്ലോഗർ സ്വയമേവ ആ വിവരം വായനക്കാരനെ ഒരു ഇ-മെയിൽ നോട്ടിഫിക്കേഷനിലൂടെ അറിയിക്കുന്നു.

ഈ ഗാഡ്ജറ്റ് സെറ്റ് ചെയ്യുന്നതെങ്ങനെ എന്നു നോക്കാം. ബ്ലോഗറിൽ ലോഗിൻ ചെയ്യുക. ഡാ‍ഷ്‌ബോർഡിൽ നിന്നും “ഡിസൈൻ” റ്റാബ് സെലക്റ്റ് ചെയ്യുക. Add a gadget എന്ന ഓപ്‌ഷൻ സൈഡ് ബാറിൽ ഗാഡ്‌ജറ്റുകൾക്കായുള്ള സെക്ഷനിൽ നിന്ന് സെലക്റ്റ് ചെയ്യുക. ഗാഡ്‌ജസ്റ്റ് ലിസ്റ്റിൽ ആദ്യം തന്നെ ഇപ്പോൾ Follow by e-mail എന്ന ഗാഡ്ജറ്റ് കാണാം. അതിൽ ക്ലിക്ക് ചെയ്യുക.

അടുത്ത സ്ക്രീനിൽ നിങ്ങളുടെ ബ്ലോഗിന്റെ feedburner URL സെറ്റ് ചെയ്തുകൊണ്ടുള്ള മെസേജ് കാണാം. ടൈറ്റിൽ ആയി Follow by e-mail എന്നാവും ഡിഫോൾട്ട് ആയി ഉണ്ടാവുക. അതുമാറ്റി നിങ്ങൾക്ക് ഇഷ്ടമുള്ള മെസേജ് വേണേങ്കിൽ എഴുതാം.

അതിനുശേഷം, സേവ് ബട്ടൺ ക്ലിക്ക് ചെയ്യുക. ഇത്രയും ചെയ്തുകഴിയുമ്പോൾ നിങ്ങളുടെ ബ്ലോഗിൽ വായനക്കാർക്ക് ഇ-മെയിൽ വഴി പോസ്റ്റ് സബ്‌സ്ക്രൈബ് ചെയ്യുവാനുള്ള ഗാഡ്ജറ്റ് സേവ് ചെയ്യപ്പെടും. ഉദാഹരണം ആദ്യാക്ഷരിയുടെ വലതു സൈഡ് ബാറീൽ മുകളിൽ കാണാം.

ഇനി ഈ ഗാഡ്ജറ്റ് ഉപയോഗിച്ച് ഒരു വായനക്കാരൻ സബ്‌സ്ക്രിപ്ഷൻ റെജിസ്റ്റർ ചെയ്യുമ്പോൾ ഉള്ള സ്റ്റെപ്പുകൾ എന്തൊക്കെ എന്നു നോക്കാം. ഒരു വായനക്കാരൻ ഈ ഗാഡ്‌ജറ്റിൽ സ്വന്തം ഇ-മെയിൽ ചേർത്ത് Submit എന്ന ബട്ടൺ അമർത്തിക്കഴിയുമ്പോൾ അവർക്ക് താഴെക്കാണുന്ന പ്രകാരം ഒരു സ്ക്രീൻ ലഭിക്കും.

അവിടെ കാണുന്ന കോഡ് വാക്ക് അതിന്റെ ഫീൽഡിൽ ശരിയായി ടൈപ്പു ചെയ്തുകഴിഞ്ഞ് Complete subscription request എന്ന ബട്ടണിൽ ക്ലിക്ക് ചെയ്യാം.

അപ്പോൾ നിങ്ങളുടെ ഇ-മെയിലിൽ (രജിസ്റ്റർ ചെയ്തയാളുടെ) ഒരു വേരിഫിക്കേഷൻ മെസേജ് വരും. ആ മെയിൽ തുറന്ന് നിങ്ങളുടെ അറിവോടെയാണ് മേൽ‌പ്പറഞ്ഞ രജ്സ്ട്രേഷൻ ചെയ്തിട്ടുള്ളത് എന്ന് ഗൂഗിളിനെ അറിയിക്കുവാനായുള്ള ഒരു ലിങ്ക് ഉണ്ടാവും അതിൽ ക്ലിക്ക് ചെയ്യുക. സെക്കന്റുകൾക്കുള്ളിൽ നിങ്ങളുടെ രജി‌സ്ട്രേഷൻ ആക്റ്റിവേറ്റ് ചെയ്തിരിക്കുന്ന എന്ന മേസേജും കിട്ടും. ഇത്രയും ചെയ്തു കഴിയുന്നതോടെ രജിസ്‌‌ട്രേഷൻ പൂർത്തിയായി.

ഇനിമുതൽ നിങ്ങൾ രജിസ്റ്റർ ചെയ്തിരിക്കുന്ന ബ്ലോഗുകളിൽ പുതിയ പോസ്റ്റുകൾ വരുമ്പോൾ അവയുടെ ഒരു പൂർണ്ണരൂപം നിങ്ങളുടെ മെയിലിലേക്ക് വരും. പോസ്റ്റ് എഴുതുന്നവർ ശ്രദ്ധിക്കുക. ഡാഷ്‌ബോർഡിലെ സെറ്റിംഗുകളിൽ സൈറ്റ് ഫീഡ് എന്ന ടാബിൽ Full എന്നു സെറ്റ് ചെയ്തിരിക്കുന്നബ്ലോഗുകളിലെ പോസ്റ്റുകൾ പൂർണ്ണരൂപത്തിലാവും ഇപ്രകാരം ഇ-മെയിലിൽ പോകുന്നത്. ഇതേ സെറ്റിംഗ് ഷോർട്ട് എന്നു സെറ്റ് ചെയ്തിരിക്കുന്നവരുടെ പോസ്റ്റുകളുടെ ആദ്യഭാഗം മാത്രമേ മെയിലിൽ പോവുകയുള്ളൂ. ബാക്കി ഭാഗങ്ങൾ വായിക്കുവാൻ വായനക്കാരൻ നിങ്ങളുടെ ബ്ലോഗിലേക്ക് വരേണ്ടതായുണ്ട്.

Subscribe ചെയ്തിരിക്കുന്ന ബ്ലോഗുകളിൽ നിന്ന് പോസ്റ്റുകൾ ഇ-മെയിലിലേക്ക് വരുന്നത് നിർത്തണം എന്നു നിങ്ങൾക്ക് തോന്നുന്നപക്ഷം Unsubscribe ചെയ്യുവാനുള്ള സംവിധാനം ഇപ്രകാരം ലഭിക്കുന്ന ഇ-മെയിലിൽ തന്നെയുണ്ടാവും.

നിങ്ങളുടെ ബ്ലോഗിൽ എത്രപേർ ഇതുപ്രകാരം രജിസ്റ്റർ ചെയ്തിട്ടുണ്ട് എന്നൊക്കെ കുറേ നാളുകൾക്കു ശേഷം അറിയുവാൻ നിങ്ങൾക്ക് താല്പര്യമുണ്ടാവില്ലേ. അതിനും വഴിയുണ്ട്.

http://feedburner.google.com എന്ന സൈറ്റ് തുറന്ന് അവിടെ നിങ്ങളുടെ ജി-മെയിൽ ഐഡി ഉപയോഗിച്ച് ലോഗിൻ ചെയ്യൂ. താഴെക്കാണുന്നതുപോലെ ഒരു സ്ക്രീൻ ലഭിക്കും.

ഇതേ ജി-മെയിൽ അഡ്രസിൽ നിങ്ങൾ രജിസ്റ്റർ ചെയ്തിട്ടുള്ള ബ്ലോഗുകളും അവയിലെ പോസ്റ്റുകൾ സബ്‌സ്ക്രബ് ചെയ്തിരിക്കുന്ന വായനക്കാരുടെ എണ്ണവും നിങ്ങൾക്ക് ഈ പേജിൽ കാണാം.

പിക്കാസ വെബ് ആല്‍ബം

2010-12-03T20:18:00.005+04:00

ഗുഗിളിന്റെ ഓണ്‍ ലൈന്‍ സേവനങ്ങളില്‍ പെട്ടതും ഏറെനാളായി നിലവിലുള്ളതുമായ മറ്റൊരു സൌജന്യ സേവനമാണ് പിക്കാസ വെബ് ആല്‍ബം. നിങ്ങളുടെ കൈവശമുള്ള ഡിജിറ്റല്‍ ചിത്രങ്ങളെ ഗൂഗിളിന്റെ സെര്‍വറില്‍ ഡിജിറ്റൽ ആൽബങ്ങളായി സംഭരിച്ചു വയ്ക്കുവാനും, അവയെ ആവശ്യാനുസരണം, ഇന്റര്‍നെറ്റ് വഴി നിങ്ങൾ അനുവദിക്കുന്ന ആളുകൾക്ക് കാണുവാനുമുള്ള സൌകര്യമാണ് പിക്കാസ വെബ് ആല്‍ബം ഒരുക്കുന്നത്. അതായത്, ഇ മെയിലിൽ ചിത്രങ്ങൾ അറ്റാച്ച്മെന്റായി അയക്കുന്നതിനുപകരം, നിങ്ങൾ നിങ്ങളുടെ ജി-മെയിൽ അക്കൌണ്ടിൽ അപ്‌ലോഡ് ചെയ്തിരിക്കുന്ന പിക്കാസ വെബ് ആൽബത്തിന്റെ ലിങ്ക് മാത്രം നിങ്ങളുടെ സുഹ്രുത്തുക്കൾക്കും ബന്ധുക്കൾക്കും അയച്ചുകൊടുത്താൽ മതിയാവും. അവർക്ക് ചിത്രങ്ങൾ കാണുവാനും, ആവശ്യമെങ്കിൽ അതിനു താഴെ കമന്റുകൾ രേഖപ്പെടുത്തുവാനും, ഡൌൺലോഡ് ചെയ്ത് എടുക്കുവാനും ഒക്കെ സാധിക്കും. കൂടാതെ ആൽബത്തിലെ ചിത്രങ്ങൾക്ക് അടിക്കുറിപ്പുകൾ (Captions) നൽകാനുള്ള സൌകര്യം, ആൽബത്തിലെ ചിത്രങ്ങളിൽ വരുന്ന മുഖങ്ങൾക്കുനേരെ മൌസ് വച്ചാൽ അവരുടെ പേരുകൾ പ്രദർശിപ്പിക്കുവാനുള്ള സൌകര്യം എന്നിവയും ലഭ്യമാണ്.

ഒരു പിക്കാസ വെബ് ആൽബത്തെ ബ്ലോഗ് പ്രസിദ്ധീകരണങ്ങളില്‍ നമുക്ക് എങ്ങനെ പ്രയോജനപ്പെടുത്താം എന്നതാണ് ഈ അദ്ധ്യായത്തിൽ പറയുന്ന മറ്റൊരു വിഷയം. ഒരിക്കൽ പിക്കാസ വെബ് ആല്‍ബങ്ങളിൽ സേവ് ചെയ്ത ചിത്രങ്ങളെ ഒറ്റയ്ക്കോ, കൂട്ടമായോ നമുക്ക് നമ്മുടെ ബ്ലോഗ് പോസ്റ്റുകളിൽ പ്രദര്‍ശിപ്പിക്കാം (വീണ്ടും അപ്‌ലോഡ് ചെയ്യാതെ തന്നെ), അവയെ ഒന്നിന് പിറകെ ഒന്നായി ഒരു സ്ലൈഡ് ഷോ ആയി കാണിക്കാം ഇങ്ങനെ പല സൌകര്യങ്ങളും ഉണ്ട്.

പിക്കാസ വെബ് ആൽബം ബ്ലോഗ് പോസ്റ്റുകളുമായി ബന്ധപ്പെടുത്തി ഉപയോഗിക്കാവുന്ന ഒരു സന്ദർഭം പറയാം. ഒരു ബ്ലോഗ് പോസ്റ്റിൽ ഒരേസമയം അപ്‌ലോഡ് ചെയ്യാവുന്ന ചിത്രങ്ങള്‍ക്ക് പരിധിയൊന്നും ഇല്ലെങ്കിലും അനവധി ചിത്രങ്ങള്‍ ഒരു പോസ്റ്റിൽ കാണിക്കുന്നത് അസൌകര്യമാണല്ലോ. ഉദാഹരണം, ഒരു യാത്രാവിവരണത്തെ ആധാരമാക്കി നിങ്ങള്‍ എടുത്ത അനേക ചിത്രങ്ങള്‍ കൈവശമുണ്ട് എന്നിരിക്കട്ടെ. അവയൊക്കെ ബ്ലോഗ് പോസ്റ്റിൽ കാണിക്കുവാനും നിങ്ങൾ ആഗ്രഹിക്കുന്നു. പക്ഷേ ഒട്ടനവധി ചിത്രങ്ങൾ ഒരു ബ്ലോഗ് പോസ്റ്റിൽ നിറയുമ്പോൾ പോസ്റ്റിന്റെ നീളം കൂടുന്നു, പേജ് ലോഡ് ചെയ്യുവാൻ സമയമെടുക്കുന്നു. ഈ രീതിയിലുള്ള അസൌകര്യങ്ങൾ ഒഴിവാക്കുവാൻ ആ ചിത്രങ്ങളെ ഒരു ആല്‍ബമായി പിക്കാസയില്‍ ചേര്‍ത്തിട്ടു അതിലേക്കുള്ള ലിങ്ക് ബ്ലോഗില്‍ നല്‍കുന്നതാണ് കു‌ടുതല്‍ സൗകര്യം. അല്ലെങ്കിൽ താഴെക്കാണുന്ന ഉദാഹരണത്തിലേതുപോലെ ഒരു സ്ലൈഡ് ഷോ ആയി പോസ്റ്റിൽ തന്നെ നൽകാവുന്നതാണ്.

ഒരു പിക്കാസ വെബ് ആൽബത്തിൽ നൽകിയിരിക്കുന്ന ഒരു കൂട്ടം ചിത്രങ്ങളുടെ സ്ലൈഡ് ഷോ ഈ പോസ്റ്റിൽ ഉൾപ്പെടുത്തിയിരിക്കുകയാണിവിടെ. എംബഡ് ചെയ്യുക എന്നാണ് ഈ രീതിയിൽ ഒരു ചിത്രമോ സ്ലൈഡ് ഷോയോ പോസ്റ്റുകളിൽ ഉൾപ്പെടുത്തുന്നതിനു പറയുന്ന സാങ്കേതിക പദം. പിക്കാസയിൽ നിന്ന് ലഭിക്കുന്ന ഒരു എച്.ടി.എം.എൽ കോഡ് നമ്മുടെ ബ്ലോഗ് പോസ്റ്റിലേക്ക് കോപ്പി പേസ്റ്റ് ചെയ്യുകയേ വേണ്ടൂ ഈരീതിയിൽ ചിത്രങ്ങളെ പോസ്റ്റുകളിൽ ഉൾപ്പെടുത്തുവാൻ. ബ്ലോഗര്‍ ഈയിടെ കൊണ്ടുവന്ന പുതിയ ബ്ലോഗ്‌ എഡിറ്ററില്‍ പിക്കാസ ആല്‍ബങ്ങളില്‍ നിന്നും ചിത്രങ്ങളെ നേരിട്ട് പോസ്റ്റുകളിലേക്ക് ചേര്‍ക്കുകയും ചെയ്യാം. മുകളിൽ കാണിച്ച വിധം അല്ലാതെ ഒരു ലിങ്ക് ആയി ഒരു പിക്കാസ വെബ് ആൽബം പോസ്റ്റിൽ നൽകാവുന്നതുമാണ്. ഈ ലിങ്കിൽ ക്ലിക്ക് ചെയ്ത് വായനക്കാർക്ക് ആൽബത്തിലേക്ക് പ്രവേശിക്കുകയുമാവാം.

പിക്കാസ വെബ് ആൽബം എന്ന ഓൺ‌ലൈൻ സേവനത്തോടൊപ്പം, PICASA 3 എന്ന ഇമേജ് എഡിറ്റിംഗ് സോഫ്റ്റ്‌വെയറും ഗൂഗിളിൽ നിന്ന് സൌജന്യമായി ലഭിക്കും. ഈ സോഫ്റ്റ്വെയർ ഡൌൺ‌ലോഡ് ചെയ്ത് നമ്മുടെ കമ്പ്യൂട്ടറിൽ ഇൻസ്റ്റാൾ ചെയ്യുകയാണെങ്കിൽ വളരെ സൌകര്യപ്രദമായും അനായസമായും നിങ്ങളെടുക്കുന്ന ഡിജിറ്റൽ ചിത്രങ്ങളെ അത്യാവശ്യം എഡിറ്റിങ്ങിനു വിധേയമാക്കുവാനും (Brightness, colour correction, croping, ഡിജിറ്റല്‍ എഫെക്ട്സ് etc ചെയ്യുവാൻ) ഒറ്റയടിക്ക് ഒരു ഫോള്‍ഡറിലെ ചിത്രങ്ങളെ മുഴുവന്‍ റീസൈസ് ചെയ്ത് ഒരു പിക്കാസ വെബ് ആൽബമായി അപ്‌ലോഡ് ചെയ്യുവാനും സാധിക്കും. ഇന്നത്തെ ഡിജിറ്റൽ ക്യാമറകൾ എടുക്കുന്ന ഓരോ ഫോട്ടോയും രണ്ടോ അതിലധികമോ മെഗാബൈറ്റ് സൈസ് വരുന്ന ചിത്രങ്ങളാണ്. അവയെ സൈസ് കുറച്ച് അനായാസേന വെബിലേക്ക് അപ്‌ലോഡ് ചെയ്യുവാൻ ഈ സോഫ്റ്റ്വെയർ സഹായിക്കുന്നു. പിക്കാസ 3 സോഫ്റ്റ്വെയറിനെപ്പറ്റി ഈ അദ്ധ്യായത്തിൽ ചർച്ച ചെയ്യുന്നില്ല. അതിനെപ്പറ്റി കൂടുതൽ കാര്യങ്ങൾ പിക്കാസ 3 എന്ന അദ്ധ്യായത്തിൽ വായിച്ചു മനസ്സിലാക്കുക.

പിക്കാസ സേവനം രജിസ്റ്റർ ചെയ്യുവാൻ:

പിക്കാസ വെബ് ആല്‍ബം രജിസ്റ്റര്‍ ചെയ്യുവാനായി നിങ്ങള്‍ പ്രത്യേകിച്ച് ഒന്നും ചെയ്യേണ്ടതില്ല. നിങ്ങളുടെ ഗൂഗിള്‍ അക്കൌണ്ടിനോടൊപ്പം (ജി-മെയില്‍ അക്കൌണ്ട്) ഇതും നിങ്ങള്‍ക്ക് ഇപ്പോള്‍ തന്നെ ലഭിച്ചിട്ടുണ്ട്. നിങ്ങളുടെ ജി.മെയില്‍ തുറക്കൂ അതില്‍ ഏറ്റവും മുകള്‍ ഭാഗത്തായി താഴെ കാണിച്ചിരിക്കുന്ന ചിത്രത്തിലേതുപോലെ Calender, documents, reader എന്നിങ്ങനെ പല options കാണാം. അവയില്‍ ഫോട്ടോസ് എന്ന ലിങ്ക് ശ്രദ്ധിക്കൂ. ഇതാണ് പിക്കാസയിലേക്കുള്ള വഴി. ഫോട്ടോസ് എന്ന ലിങ്ക് മുകളിലെ ഓപ്ഷനുകളോടൊപ്പം കാണുന്നില്ലെങ്കിൽ, വലത്തേയറ്റത്തുള്ള More എന്ന ലിങ്കിനോടോപ്പമുള്ള ആരോയുടെ നേരെ ക്ലിക്ക് ചെയ്യുക. അപ്പോൾ ഒരു ലിസ്റ്റ് ലഭിക്കും. ഫോട്ടോസ് എന്ന ലിങ്ക് തീർച്ചയായും അവിടെയുണ്ടാവും.

അതിൽ ക്ലിക്ക് ചെയ്താൽ നേരെ നിങ്ങളുടെ പിക്കാസ വെബ് പേജിലേക്ക് പോകാം. സാധാരണഗതിയിൽ ഒരു ജിമെയിൽ അക്കൌണ്ടിനോടൊപ്പം 1 ഗിഗാബൈറ്റ് സ്ഥലമാണ് ഗൂഗിൾ നമുക്ക് സൌജന്യമായി തരുന്നത്. ചെറിയ വാർഷിക ഫീസുകളോടെ കൂടുതൽ സ്ഥലം ആവശ്യക്കാർക്ക് വാങ്ങാനുള്ള സൌകര്യവും ഗൂഗിൾ തരുന്നുണ്ട്. ഒരുകാര്യം ഓർക്കുക, ഒരു ജിമെയിൽ അക്കൌണ്ട് ഉപയോഗിച്ച് നിങ്ങൾ ഉണ്ടാക്കുന്ന ബ്ലോഗുകളിൽ ലോഡ് ചെയ്യപ്പെടുന്ന എല്ലാ ചിത്രങ്ങളും അതേ അക്കൌണ്ടിലെ പിക്കാസ വെബ് ആൽബത്തിൽ ആവും ചേർക്കപ്പെടുന്നത്. ഉദാഹരണത്തിന്, ആദ്യാക്ഷരി ബ്ലോഗിൽ ചേർത്തിരിക്കുന്ന സകല സ്ക്രീൻ ഷോട്ടുകളും (ചിത്രങ്ങളും) ഈ ബ്ലോഗ് രജിസ്റ്റർ ചെയ്തിരിക്കുന്ന ജി-മെയിലിനോടോപ്പമുള്ള പിക്കാസ വെബ് ആൽബത്തിനായുള്ള ഒരു ജി.ബി. സ്പെയ്സിലാണു സ്റ്റോർചെയ്യപ്പെടുന്നത്.

നിങ്ങളുടെ ജി-മെയിലിനോടൊപ്പമുള്ള പിക്കാസ വെബ് ആൽബം ഒന്നു തുറന്നു നോക്കൂ. നിങ്ങൾ ഇതുവരെ നിങ്ങളുടെ ബ്ലോഗിലേക്ക് ഏതെങ്കിലും ചിത്രങ്ങൾ അപ്‌ലോഡ് ചെയ്തിട്ടുണ്ടെങ്കിൽ അതൊക്കെ അവിടെ ഉണ്ടാവും. (ഒന്നും അബദ്ധവശാൽ ഡിലിറ്റ് ചെയ്യരുത്. അതാതു പോസ്റ്റുകളിൽ നിന്നും അതൊക്കെ പോയിക്കിട്ടും!).

ഇതാണ് പിക്കാസയുടെ user interface. നിലവില്‍ ഇതിലേക്ക് upload ചെയ്യപ്പെട്ടിട്ടുള്ള ചിത്രങ്ങള്‍ ഓരോ ആല്‍ബങ്ങള്‍ ആയി അവിടെ കാണാം. ഓരോ ആല്‍ബത്തിലും എത്ര ചിത്രങ്ങള്‍ ഉണ്ടെന്നും ഇതു തീയതിയിലാണ് ആല്‍ബം ഉണ്ടാക്കിയതെന്നും, ആ ആല്‍ബത്തിന്റെ പബ്ലിക് visibility settings എങ്ങനെ എന്നും ഇവിടെ കാണാം (ആൽബം പ്രൈവറ്റ് വ്യൂവിംഗിനു ഉള്ളതാ‍ണോ അതോ പബ്ലിക് വ്യൂവിംഗിനു ഉള്ളതാണോ എന്ന സെറ്റിംഗ്).

ആല്‍ബങ്ങള്‍ക്ക് മുകളിലായി ഒരു മെനു ബാര്‍ കാണാം. അവിടെ നാല് ലിങ്കുകള്‍ ആണുള്ളത്; My Photos, People, Explore, Upload. ഇവയില്‍ ആദ്യത്തെ ലിങ്ക് നിങ്ങളുടെ സ്വന്തം പിക്കാസ വെബ് ആല്‍ബം കൈകാര്യം ചെയ്യാനുള്ള ലിങ്ക് ആണ്. Explore എന്ന ലിങ്ക് ഉപയോഗിച്ച് പിക്കാസയുടെ ലക്ഷക്കണക്കിന് വരുന്ന ഉപയോക്താക്കള്‍ പബ്ലിക് ആയി ഷെയര്‍ ചെയ്തിരിക്കുന്ന ഫോട്ടോകള്‍ കാണാം. ഫോട്ടോബ്ലോഗുകൾ ചെയ്യുന്നവർ ശ്രദ്ധിക്കുക - അനേകം നല്ല നല്ല ചിത്രങ്ങൾ നിങ്ങൾക്ക് പിക്കാസ വെബ് ആൽബം പബ്ലിക്ക് ആയി ഷെയർ ചെയ്തിട്ടുള്ളവരുടെ അക്കൌണ്ടുകളിൽ പോയി കാണാം. (നിങ്ങളുടെ ആല്‍ബങ്ങളെ പബ്ലിക് ആയോ, പ്രൈവറ്റ്‌ ആയോ അപ്‌ലോഡ്‌ ചെയ്യാവുന്നതാണ്. ഇതെപ്പറ്റി പിന്നീട് പറയാം).

ഒരു പുതിയ ആൽബം ഉണ്ടാക്കാം:

നിങ്ങളുടെ പിക്കാസ പേജിലേക്ക് ഒരു പുതിയ ആല്‍ബം ഉണ്ടാക്കി ചേര്‍ക്കുന്നത് എങ്ങനെയാണെന്ന് ഇനി പറയാം. ഇതിനു പല മേതെഡുകള്‍ ഉണ്ടെങ്കിലും ഏറ്റവും എളുപ്പം ചെയ്യാവുന്ന രീതിയാണ് ആദ്യം പറയുന്നത്. നിങ്ങളുടെ പിക്കാസ അക്കൌണ്ടിലെ upload എന്ന ലിങ്കില്‍ ക്ലിക്ക്‌ ചെയ്യുക.

Upload photos : Create or select album എന്നൊരു ഓപ്ഷനും അതോടൊപ്പം നിലവില്‍ നിങ്ങളുടെ അക്കൌണ്ടില്‍ ഉള്ള ആല്‍ബങ്ങളുടെ ലിസ്റ്റും കിട്ടും. create a new album എന്ന ലിങ്കില്‍ ക്ലിക്ക്‌ ചെയ്യുക. (നിലവിലുള്ള ഒരു ആല്‍ബത്തിലേക്ക് ആണ് ചിത്രം ചേര്‍ക്കേണ്ടതെങ്കില്‍ അതിന്റെ ഐക്കണില്‍ ക്ലിക്‌ ചെയ്യുക)

അപ്പോൾ താഴെക്കാണുന്നതുപോലെ ഒരു സ്ക്രീ‍ൻ ലഭിക്കും. അതിൽ പുതിയതായി നിങ്ങൾ നിർമ്മിക്കാൻ പോകുന്ന ആൽബത്തെപ്പറ്റിയുള്ള വിവരങ്ങളാണ് കൊടുക്കേണ്ടത്.

ആൽബത്തിന്റെ പേര് (title), ആൽബം പ്രസിദ്ധീകരിക്കുന്ന തീയതി, ആൽബത്തെപ്പറ്റിയുള്ള ഒരു ചെറുവിവരണം, സ്ഥലം (ഇതു രണ്ടും ഓപ്ഷനൽ ആണ്, വേണമെങ്കിൽ മാത്രം എഴുതുക) ഇത്രയും കാര്യങ്ങളാണ് ആദ്യഭാഗത്തുള്ളത്. അതിനു താഴെയായി ഉള്ള സെറ്റിംഗുകളിൽ വളരെ പ്രധാനമായ ഒന്നാണ് visibility. ഇവിടെയാണ് നിങ്ങൾ പ്രസിദ്ധീകരിക്കുന്ന ആൽബം ആർക്കൊക്കെകാണാം എന്ന് പെർമിഷൻ സെറ്റ് ചെയ്യേണ്ടത്. മൂന്നുവിധത്തിലുള്ള ഓപ്ഷനുകൾ ഇവിടെ കാണാം.

Public on the web: ആദ്യത്തെ ഓപ്ഷൻ ഇതാണ്. ഇങ്ങനെയാണ് പിക്കാസ വെബ് ആൽബത്തിന്റെ വിസിബിലിറ്റി സെറ്റിംഗ് എങ്കിൽ, ഇന്റർനെറ്റിലുള്ള ആർക്കും നിങ്ങളുടെ ഈ ആൽബം കാണുവാൻ സാധിക്കും.

People with link: നിങ്ങൾ അപ്‌ലോഡ് ചെയ്യുന്ന ആൽബത്തിന്റെ വിസിബിലിറ്റി സെറ്റിംഗ് ഇതാണെങ്കിൽ, നിങ്ങൾ ഈ ആൽബത്തിലേക്കുള്ള ലിങ്ക് ആർക്കൊക്കെ ഷെയർ ചെയ്തിട്ടുണ്ടോ അവർക്കു മാത്രമേ ഈ ആൽബം കാണുവാൻ സാധിക്കുകയുള്ളൂ.

Private: ഈ സെറ്റിംഗ് ആണ് ഉപയോഗിക്കുന്നതെങ്കിൽ നിങ്ങൾക്കു മാത്രം കാണുവാൻ സാധിക്കുന്ന രീതിയിലാവും ആൽബത്തിന്റെ സെറ്റിംഗ്. ഇതുകൂടാതെ ഈ ആൽബം മറ്റു ചിലർക്ക് ഷെയർ ചെയ്യുവാൻ നിങ്ങൾക്ക് സാധിക്കും. അങ്ങനെ ഷെയർ ചെയ്തിട്ടുള്ള ആളുകൾക്ക് അവരുടെ ജി.മെയിൽ അക്കൌണ്ട് ഉപയോഗിച്ച് ലോഗിൻ ചെയ്ത് ഈ ആൽബം കാണുവാൻ സാധിക്കും.

ഒരു ഉദാഹരണത്തിൽ കൂടി പറഞ്ഞാൽ നിങ്ങൾക്ക് ബ്ലോഗിലും മറ്റും പബ്ലിക്കായി പ്രദർശിപ്പിക്കുവാൻ ആഗ്രഹമുള്ള ആൽബങ്ങൾക്ക് ആദ്യത്തെ സെറ്റിംഗും, ഫാമിലി ഫോട്ടോകൾ തുടങ്ങിയവ ഏറ്റവും അടുത്ത ബന്ധുക്കൾക്കും സുഹൃത്തുക്കൾക്കും മറ്റും മാത്രം ഷെയർ ചെയ്യേണ്ടവ് പ്രൈവറ്റ് ആയും വിസിബിലിറ്റി സെറ്റ് ചെയുന്നതാണ് നല്ലത്. ഈ സെറ്റിംഗ് ചെയ്തുകഴിഞ്ഞാൽ Continue എന്ന ബട്ടണിൽ ക്ലിക്ക് ചെയ്യാം. ഇപ്പോൾ ചിത്രങ്ങൾ അപ്‌ലോഡ് ചെയ്യുവാനുള്ള സ്ക്രീനിൽ എത്തും.

ചിത്രങ്ങൾ അപ്‌ലോഡ് ചെയ്യുന്ന വിധം:

ചിത്രത്തിൽ മാർക്ക് ചെയ്തിർക്കുന്നതുപോലെ ഈ സ്ക്രീനിനു രണ്ട് ഭാഗങ്ങളുണ്ട്. ഇടതുവശത്ത് അഞ്ച് ഫയലുകൾ ഒരേ സമയം അപ്‌ലോഡ് ചെയ്യുവാനുള്ള സംവിധാനമാണുള്ളത്. (അഞ്ചിൽക്കൂടുതൽ ചിത്രങ്ങൾ ഉണ്ടെങ്കിൽ വീണ്ടും ഇതേ ആൽബത്തിലേക്ക് ചിത്രങ്ങൾ ആഡ് ചെയ്യാവുന്നതാണ്. ഓരോ തവണയും അയ്യഞ്ചു ചിത്രങ്ങൾ വീതമേ അപ്‌ലോഡ് ചെയ്യുവാനാകൂ എന്നേയുള്ളൂ). സ്ക്രീനിന്റെ വലതുവശത്ത് നിങ്ങളുടെ പിക്കാസ വെബ് ആൽബത്തിനായി അനുവദിച്ചിരിക്കുന്ന സ്റ്റോറേജ് സൈസിൽ എത്ര ഇതുവരെ ഉപയോഗിച്ചു എന്നും ഇനി എത്ര സ്പേസ് ഫ്രീആയി ഉണ്ടെന്നും കാണാം. കൂടാതെ ഇങ്ങനെ അയ്യഞ്ചു വീതമായിട്ടല്ലാതെ ഒറ്റയടിക്ക് ഒരു ഫോൾഡറിലെ ചിത്രങ്ങളെ മുഴുവൻ പിക്കാസ വെബ് ആൽബത്തിലേക്ക് അപ്‌ലോഡ് ചെയ്യുവാൻ സഹായിക്കുന്ന പിക്കാസ എന്ന സോഫ്റ്റ്വെയർ നിങ്ങളുടെ കമ്പ്യൂട്ടറിലേക്ക് ഇൻസ്റ്റാൾ ചെയ്യുവാനുള്ള സംവിധാനത്തിന്റെ ബട്ടണും കാണാം. ഇതേപ്പറ്റി “പിക്കാസ” എന്ന അദ്ധ്യായത്തിൽ കൂടുതലായി പറയാം. ഇപ്പോൾ ചിത്രങ്ങളെ അപ്‌ലോഡ് ചെയ്യുന്നതെങ്ങനെ എന്നു നോക്കാം.

Select photos to upload എന്ന ഫീൽഡിലുള്ള ഒന്നാമത്തെ Choose file എന്ന ബട്ടണിൽ ക്ലിക്ക് ചെയ്യുക. അപ്പോൾ നിങ്ങളുടെ കമ്പ്യൂട്ടറിൽ നിന്നും പിക്കാസയിലേക്ക് അപ്‌ലോഡ് ചെയ്യേണ്ട ഫയലിനെ സെലക്റ്റ് ചെയ്യാനുള്ള വിന്റോ തുറക്കും. അതിൽ ബ്രൌസ് ചെയ്ത് ഏതു ഫോൾഡറിലാണോ ഈ ചിത്രം സേവ് ചെയ്തിരിക്കുന്നത് അവിടെനിന്ന് ചിത്രം സെലക്റ്റ് ചെയ്യുക, ഡബിൾ ക്ലിക്ക് ചെയ്യുകയോ, ഓപൺ എന്ന ബട്ടണിൽ ക്ലിക്ക് ചെയ്യുകയോ ചെയ്താൽ, ഫയൽ അപ്‌ലോഡ് ചെയ്യാനായി മാർക്ക് ചെയ്യപ്പെടും. ഇതേ രീതിയിൽ ബാക്കിയുള്ള ഫയലുകളും സെലക്റ്റ് ചെയ്യുക.

അഞ്ചു ഫയലുകളും സെലക്റ്റ് ചെയ്തുകഴിഞ്ഞാൽ, start upload എന്ന ബട്ടണിൽ ക്ലിക്ക് ചെയ്യാം. ഇപ്പോൾ ചിത്രങ്ങൾ പിക്കാസ വെബ് ആൽബത്തിലേക്ക് അപ്‌ലോഡ് ചെയ്യപ്പെടാൻ ആരംഭിക്കും. നിങ്ങൾ ഉപയോഗിക്കുന്ന ഇന്റർനെറ്റ് കണക്ഷന്റെ സ്പീഡ് അനുസരിച്ച് ഈ അപ്‌ലോഡിംഗ് സമയത്തിൽ വ്യത്യാസങ്ങൾ കണ്ടേക്കാം. അതുപോലെ മറ്റൊരു കാര്യം ശ്രദ്ധിക്കുവാനുള്ളത് ക്യാമറകളിൽ നിന്നും എടുക്കുന്ന അതേപടി അപ്‌ലോഡ് ചെയ്യാൻ ഒരുങ്ങരുത് എന്നതാണ്. കാരണം ഇപ്പോഴത്തെ ഡിജിറ്റൽ ചിത്രങ്ങളോരോന്നും മൂന്നോ നാലോ മെഗാബൈറ്റ് സൈസിൽ ഉള്ളവ ആയിരിക്കും. അവയെ ഒരു ഗ്രാഫിക്സ് സോഫ്റ്റ്‌വെയർ ഉപയോഗിച്ച് റീസൈസ് ചെയ്ത് (800 - 1200 വരെ പിക്സൽ വീതിയും അതിനനുസരിച്ച ഹൈറ്റും മാത്രം മതി ഇന്റർനെറ്റ് വഴി ചിത്രങ്ങൾ കാണുന്നതിനായി പ്രസിദ്ധീകരിക്കുന്നതിന്) വേണം പിക്കാസയിലേക്ക് അപ്‌ലോഡ് ചെയ്യുവാനായി തയ്യാറാക്കാൻ. ചിത്രങ്ങൾ അപ്‌ലോഡ് ചെയ്തുകഴിഞ്ഞാൽ അവയുടെ Thumbnail view ലഭിക്കും.

ഇതാണു നമ്മൾ ഇപ്പോൾ അപ്‌ലോഡ് ചെയ്ത ആൽബം. അതിന്റെ മുകളിൽ കാണുന്ന ലിങ്കുകൾ എല്ലാം ഒന്നു ശ്രദ്ധിക്കൂ. ആദ്യത്തെ ലിങ്ക് ആയ “സ്ലൈഡ് ഷോ” അമർത്തിയാൽ ഈ ചിത്രങ്ങളെ ഒന്നിനു പിന്നാലെ ഒന്നായി ഒരു സ്ലൈഡ് ഷോ ആയി കാണാം. രണ്ടാമത്തെ ലിങ്ക് “ഷെയർ” ആണ്. ഈ ലിങ്ക് ഉപയോഗിച്ച് നിങ്ങൾക്ക് ഇഷ്ടമുള്ള ആളുകൾക്ക് ഈ ആൽബം ഷെയർ ചെയ്തുകൊടുക്കാം. മൂന്നാമത്തെ ലിങ്ക് ആയ Add photos ഉപയോഗിച്ച് ഈ ആൽബത്തിലേക്ക് ഇനിയും കൂടുതൽ ചിത്രങ്ങൾ ചേർക്കാം. നാലാമത്തെ ലിങ്ക് ആയ ഡൌൺ‌ലോഡ് ഉപയോഗിച്ച് ആർക്കും ഈ ചിത്രങ്ങൾ ഡൌൺലോഡ് ചെയ്ത് എടുക്കാം.

അവസാനത്തെ ലിങ്ക് “എഡിറ്റ്” ഉപയോഗിച്ച് ആൽബത്തിൽ പല മാറ്റങ്ങളും വരുത്താം. ചിത്രങ്ങൾ അപ്‌ലോഡ് ചെയുന്നതിനു മുമ്പ് സെറ്റ് ചെയ്ത കാര്യങ്ങൾ വീണ്ടും എഡിറ്റ് ചെയ്യാനുള്ള സംവിധാനം, ചിത്രങ്ങൾക്ക് അടിക്കുറിപ്പ് (caption) നൽകുവാനുള്ള സംവിധാനം, ആൽബത്തിലെ ചിത്രങ്ങളുടെ ക്രമം മാറ്റുവാനുള്ള സംവിധാനം, ആൽബത്തെ ഡിലീറ്റ് ചെയ്യാനുള്ള സംവിധാനം എല്ലാം ഈ ലിങ്കിൽ ഉണ്ട്. ഓരോന്നായി പരീക്ഷിച്ചു നോക്കൂ.

ഒരു ചിത്രത്തെ സംബന്ധിക്കുന്ന വിവരങ്ങൾ:

ഈ ആൽബത്തിലെ ഏതെങ്കിലും ഒരു ചിത്രത്തിന്റെ Thumbnail ൽ ഒന്നു ക്ലിക്ക് ചെയ്യൂ. ആ ചിത്രം വലുതായി കാണാം. ഉദാഹരണമായി ആദ്യ ചിത്രം Birthday party ഇവിടെ ക്ലിക്ക് ചെയ്യുന്നു. ചിത്രത്തിന്റെ അടിയിലായി കാണുന്ന Add a caption എന്ന ലിങ്കിൽ ഒരു പ്രാവശ്യം ക്ലിക്ക് ചെയ്താൽ അവിടെ ചിത്രത്തിനൊരു അടിക്കുറിപ്പ് എഴുതി ചേർക്കാനുള്ള ഫീൽഡ് ലഭിക്കും. അവിടെ “മനുക്കുട്ടന്റെ ആറാം പിറന്നാൾ” എന്നെഴുതി. ഇനി Save caption എന്ന ബട്ടണിൽ ക്ലിക്ക് ചെയ്താൽ അടിക്കുറിപ്പ് സേവ് ചെയ്യപ്പെട്ടു.

ഇനി ഈ ചിത്രത്തിലെ കുട്ടികളുടെ മുഖങ്ങൾക്ക് നേരെ അവരുടെ പേര് എഴുതിച്ചേർക്കാം. അതിനായി ഓരോ മുഖത്തിനു നേരെയും മൌസ് കൊണ്ടുപോകൂ. അവിടെ Add name എന്നൊരു ഫീൽഡ് കിട്ടും. അതിൽ ഒരു പ്രാവശ്യം ക്ലിക്ക് ചെയ്താൽ ഈ മുഖങ്ങൾ ആരുടേതൊക്കെ എന്ന് എഴുതി ചേർക്കാം.

ഇനി ചിത്രത്തിന്റെ വലതുവശത്ത് ഒന്നുനോക്കൂ. ചിത്രത്തെ സംബന്ധിക്കുന്ന വിവരങ്ങളാണ് ഇവിടെ ഉള്ളത്. ഒരു ഫോട്ടോയുടെ എക്സിഫ് ഡേറ്റ എന്നാൽ എന്തെന്ന് ഇതുവായിക്കുന്ന ഫോട്ടോഗ്രാഫർമാർക്കെല്ലാം അറിയാമായിരിക്കുമല്ലോ. ഒരു ഡിജിറ്റൽ ചിത്രം എടുക്കുവാൻ വേണ്ടി ക്യാമറ ഉപയോഗിച്ച സെറ്റിംഗുകളാണ് എക്സിഫ് ഡേറ്റാ. പൂർണ്ണമായും എഡിറ്റ് ചെയ്ത് മാറ്റാത്ത ചിത്രങ്ങളിൽ എല്ലാം എക്സ്ഫ് ഡേറ്റ ലഭ്യമായിരിക്കും.

വലതുവശത്തു തന്നെ കാണുന്ന link to this photo എന്ന ലിങ്കിൽ ഒന്നു ക്ലിക്ക് ചെയ്തു നോക്കൂ. ഇപ്പോൾ രണ്ട് ലിങ്കുകൾ ലഭിക്കും. ആദ്യത്തേത് ഈ ചിത്രത്തിലേക്ക് ഒരു ലിങ്ക് മെയിലിലോ ബ്ലോഗിലോ ഒക്കെ നൽകുവാനാണ്. ഇതുപോലെ .

രണ്ടാമതു കാണുന്ന എംബഡ് ഇമേജ് ലിങ്ക് ഈ ചിത്രത്തെ മറ്റൊരു വെബ് പേജിൽ പ്രസിധീകരിക്കാൻ ഉപയോഗിക്കാം. ഉദാഹരണത്തിന് ഈ പോസ്റ്റിൽ താഴെ ഈ ചിത്രത്തെ ബ്ലോഗറിൽ ചിത്രം പ്രസിദ്ധീകരിക്കുന്ന വിധത്തിൽ (പോസ്റ്റിൽ ചിത്രങ്ങൾ അപ്‌ലോഡ് ചെയ്യുന്നതെങ്ങനെ) ഇവിടെ പുനപ്രസിധീകരിച്ചിരിക്കുന്നു.

പിക്കാസയിൽ നിന്നു ലബിച്ച എംബഡ് കോഡ് അതുപോലെ കോപ്പി ചെയ്ത് ഈ പോസ്റ്റിൽ edit html മോഡിൽ താഴെ പേസ്റ്റ് ചെയ്തിരിക്കുകമാത്രമാണ് ചെയ്തിരിക്കുന്നത്. കോഡിൽ സെലക്റ്റ് ചെയ്തിരിക്കുന്ന മാറ്റങ്ങൾ ഒന്നു ശ്രദ്ധിക്കൂ.

From Picasa Demo

ഒരു ആൽബം ബ്ലോഗ് പോസ്റ്റിൽ ഉൾപ്പെടുത്തുന്ന വിധം:

ഈ ആൽബത്തെ പൂർണ്ണമായും ഒരു സ്ലൈഡ് ഷോ ആയി ഈ പോസ്റ്റിൽ ഉൾപ്പെടുത്തുന്നതെങ്ങനെ എന്നു നോക്കാം. ഏതു ആൽബമാണോ ബ്ലോഗ് പോസ്റ്റിൽ ഉൾപ്പെടുത്തേണ്ടത്, അതിന്റെ ചിത്രത്തിൽ ക്ലിക്ക് ചെയ്യുക. ആൽബത്തിലെ ചിത്രങ്ങളുടെ എല്ലാം Thumbnails കാണാം. അതല്ല നിലവിൽ ആൽബത്തിനുള്ളിലെ ഒരു ചിത്രം മാത്രമാണ് കാണുന്നതെങ്കിൽ ആൽബത്തിനു മുകളിൽ കാണുന്ന View all എന്ന ബട്ടണിൽ ക്ലിക്ക് ചെയ്യുക. ഇപ്പോൾ ആൽബത്തിന്റെ വലതുവശത്ത് ഒന്നു നോക്കൂ. Link to this album എന്നെഴുതിയിരിക്കുന്ന വരിയിൽ ഒരു പ്രാവശ്യം ക്ലിക്ക് ചെയ്യൂ. ഇപ്പോൾ കൂടുതൽ ഓപ്ഷനുകൾ താഴേക്ക് തുറക്കും

അക്കൂട്ടത്തിൽ “എംബഡ് സ്ലൈഡ് ഷോ” എന്നൊരു ഓപ്ഷൻ കാണാം. അതിൽ ക്ലിക്ക് ചെയ്യൂ. താഴെക്കാണുന്നതുപോലെ മറ്റൊരു വിന്റോ തുറക്കും

ഇവിടെ ഈ ആൽബത്തെ നിങ്ങളുടെ ബ്ലോഗ് പോസ്റ്റിൽ ഉൾപ്പെടുത്തുവാനുള്ള കോഡ് ലഭിക്കും. കോഡ് സെലക്റ്റ് ചെയ്യുന്നതിനു മുമ്പ് നിങ്ങളുടെ ബ്ലോഗ് പോസ്റ്റിനു ചേരുന്ന വീതി എത്രയാണെന്നുവച്ചാൽ അതിനനുസരിച്ച് ഒരു സൈസ് സ്ലൈഡ് ഷോയ്ക്ക് സെലക്റ്റ് ചെയ്യുക. ഇവിടെ 400 എന്ന വീതിയാണ് ഉപയോഗിച്ചിരിക്കുന്നത്. ഇനി മഞ്ഞനിറത്തിലെ ബാക്ക്ഗ്രൌണ്ടിൽ കാണുന്ന കോഡ് അതേപടീ കോപ്പി ചെയ്യുക. നിങ്ങൾ എഡിറ്റ് ചെയ്യുന്ന പേജിലെ കമ്പോസ് മോഡിനു പകരം edit html വ്യൂവിൽ പോയി ഈ കോഡ് അവിടെ പേസ്റ്റ് ചെയ്യുക.

(സ്ലൈഡ് ഷോ ഇപ്പോൾ നിശ്ചലമാണെങ്കിൽ മൌസ്, സ്ലൈഡ് ഷോയുടെ ഏറ്റവും താഴേക്ക് കൊണ്ടുപോയി ഒരു പ്രാവശ്യം ക്ലിക്ക് ചെയ്യുക. അപ്പോൾ ബായ്ക്ക്, പ്ലേ, ഫോർവേഡ് ബട്ടണുകൾ കാണാം. അതിൽ പ്ലേ ബട്ടൺ ഒരു പ്രാവശ്യം ക്ലിക്ക് ചെയ്യുക. സ്ലൈഡ് ഷോയുടെ ഉള്ളിൽ കാണുന്ന പ്ലേ ബട്ടൺ അമർത്തിയാൽ നേരെ ആൽബത്തിന്റെ ഒറീജിനൽ ലൊക്കേഷനിലേക്കാവും പോകുന്നത്)

ഇത്രയും ചെയ്തിട്ട് പോസ്റ്റ് പബ്ലിഷ് ചെയ്യാം. സ്ലൈഡ് ഷോ റെഡി.ഇതുപോലെ എത്ര സ്ലൈഡ് ഷോ വേണമെങ്കിലും ഒരു ബ്ലോഗ് പോസ്റ്റിൽ ഉൾപ്പെടുത്താം. അതുപോലെ ഇതേ കോഡിനെ ഒരു എച്.ടി.എം.എൽ / ജാവാ സ്ക്രിപ്റ്റ് ഗാഡ്ജറ്റ് ആയി ബ്ലോഗിന്റെ സൈഡ് ബാറിൽ ചേർക്കാം. അപ്പോൾ നിങ്ങളുടെ ചിത്രങ്ങളുടെ ഒരു സ്ലൈഡ് ഷോ അവിടെ എപ്പോഴും കാണാവുന്നതാണ്. പിക്കാസ വെബ് ആൽബത്തിന്റെ പ്രത്യേകതകൾ ഇനിയും അനവധിയാണ്. അതൊക്കെ ഈ പോസ്റ്റിൽ ഉൾപ്പെടുത്തിയാൽ ഇനിയും ഇതൊരു നീളൻ പോസ്റ്റായി പോകും എന്നതിനാൽ നിർത്തട്ടെ !

ലേബൽ ലിസ്റ്റ് - ഒരു മെനു ബാർ

2010-11-28T20:38:00.007+04:00

നിങ്ങളുടെ ബ്ലോഗിൽ നിങ്ങൾ വിവിധ വിഷയങ്ങൾ കൈകാര്യം ചെയ്യാറുണ്ടോ? ഉദാഹരണത്തിന് ഒരേ ബ്ലോഗിൽ തന്നെ കഥ, കവിത, ലേഖനം, ആനുകാലികം എന്നിങ്ങനെ നാലു വിഷയങ്ങളിലാണ് നിങ്ങൾ പോസ്റ്റുകൾ പ്രസിദ്ധീകരിക്കുന്നതെന്നിരിക്കട്ടെ. ആർക്കൈവ്സ് ലിസ്റ്റ് മാത്രം ഉപയോഗിച്ച് പിന്നീട് ഒരു സമയത്ത് ഈ പോസ്റ്റുകളെ തിരയുന്ന ഒരു വായനക്കാരന്, പോസ്റ്റിന്റെ പേരിൽ നിന്ന് മാത്രം ഒരു പക്ഷേ ഈ വിഷയങ്ങൾ തിരിച്ചറിയാൻ ആയെന്നുവരില്ല. ഈ സാഹചര്യത്തിൽ പോസ്റ്റുകളെ അനായാസം തിരിച്ചറിഞ്ഞ്, ഒരു വിഷയത്തിലുള്ള എല്ലാ പോസ്റ്റുകളെയും ഒന്നിനു താഴെ ഒന്നായി കാണിക്കുവാൻ ലേബൽ ലിസ്റ്റ് എന്ന ഗാഡ്ജറ്റ് ഉപയോഗിക്കാം. ഈ ഗാഡ്ജറ്റിനെ ബ്ലോഗിന്റെ തലക്കെട്ടിനു താഴെയായി പൊസിഷൻ ചെയ്താൽ ഒരു ഈ വിഷയങ്ങളിലുള്ള പോസ്റ്റുകളിലേക്കുള്ള ഒരു മെനുബാർ ആയി ഉപയോഗിക്കുകയും ചെയ്യാം.

ഇങ്ങനെ ലേബലുകൾ ഉപയോഗിച്ച് ഒരു മെനു ബാർ ഉണ്ടാക്കണം എന്നാഗ്രഹിക്കുന്നവർ ആദ്യമായി രണ്ടു കാര്യങ്ങൾ ചെയ്യുവാനുണ്ട്. ഒന്ന്, പുതിയതായി നിങ്ങൾ ഇനി പ്രസിധീകരിക്കുന്ന പോസ്റ്റുകളിലും, എഡിറ്റിംഗ് (കമ്പോസിങ് പേജിൽ) ലേബൽ എന്ന ഫീൽഡിൽ നിങ്ങൾ പ്രസിദ്ധീകരിക്കുന്ന പോസ്റ്റിന്റെ അനുയോജ്യമായ ഒരു ലേബൽ എഴുതി ചേർക്കണം. (ഉദാഹരണം കഥയാണെങ്കിൽ - കഥ, കവിതയെങ്കിൽ കവിത) പിന്നീട് ഒരു കഥ എഴുതുമ്പോഴും ലേബൽ “കഥ” എന്നു തന്നെയാവണം എഴുതുന്നത്. പകരം “കഥകൾ” എന്നെഴുതിയാൽ അതു മറ്റൊരു ലേബലായി ആയിരിക്കും ബ്ലോഗർ കണക്കാക്കുക. അതുകൊണ്ട് ഒരേ ഇനം പോസ്റ്റുകളുടെ ലേബലുകളും ഒരേപോലെയാവാൻ ശ്രദ്ധിക്കുക.

രണ്ടാമത്തെകാര്യം, ഇതുവരെ പ്രസിദ്ധീകരിച്ചുകഴിഞ്ഞ പോസ്റ്റുകൾ വീണ്ടും എഡിറ്റിംഗ് മോഡിൽ തുറന്നിട്ട് നിലവിൽ ലേബലുകൾ ഉണ്ടെങ്കിൽ അവ മാറ്റി, മേൽ‌പ്പറഞ്ഞ രീതിയിൽ കാറ്റഗറിയായി തിരിച്ച് എഴുതിയിട്ട് വീണ്ടും പബ്ലിഷ് ചെയ്യുക. ഇത്രയും ചെയ്തുകഴിയുമ്പോൾ നിങ്ങളുടെ ബ്ലോഗിലെ പോസ്റ്റുകളെല്ലാം വിവിധലേബലുകളിൽ ആയിക്കഴിഞ്ഞു. ഇനി ലേബൽ ഗാഡ്ജറ്റ് ബ്ലോഗിൽ ചേർക്കുന്നതെങ്ങനെ എന്നു നോക്കാം.

“പേജ് ലേഔട്ടും പേജ് എലമെന്റുകളും” എന്ന അദ്ധ്യായത്തിൽ പറഞ്ഞതുപോലെ പുതിയതായി ഒരു ഗാഡ്ജറ്റ് ഹെഡ്ഡറിനു താഴെ Add a gadget എന്ന ലിങ്ക് ക്ലിക്ക് ചെയ്ത് ചേർക്കുക. ഗാഡ്ജറ്റുകളുടെ ലിസ്റ്റിൽ നിന്ന് Labels എന്ന ഗാഡ്ജറ്റ് സെലക്റ്റ് ചെയ്യുക.

ഇവിടെ ഒന്നുരണ്ടുകാര്യങ്ങൾ ശ്രദ്ധിക്കുക. ആദ്യത്തെ ഫീൽഡ് “ടൈറ്റിൽ” എന്നതാണ്. അവിടെ ഒന്നും എഴുതിയില്ലെങ്കിലും ഒന്നുമില്ല. രണ്ടാമത്തെ ഫീൽഡ് “ഷോ” ബ്ലോഗിലെ എല്ലാ ലേബലുകളും കാണിക്കണമോ അതോ നിങ്ങൾ സെലക്റ്റ് ചെയ്യുന്നവ മാത്രം കാണിച്ചാൽ മതിയോ എന്ന് സെറ്റ് ചെയ്യാം. നമ്മൾ ആദ്യം പറഞ്ഞ രീതിയിലാണ് എല്ലാ പോസ്റ്റുകളുടെയും ലേബലുകൾ സെറ്റ് ചെയ്തിരിക്കുന്നതെങ്കിൽ പ്രശ്നമില്ല, എല്ലാ ലേബലുകളും കാണിക്കുക എന്ന് സെറ്റ് ചെയ്യാം.

“ഡിസ്പ്ലേ” എന്ന ഫീൽഡിൽ ലിസ്റ്റ് എന്ന് സെറ്റ് ചെയ്യുക. Show number of posts എന്നത് ടിക് ചെയ്യേണ്ട. (ഇതു ടിക് ചെയ്താൽ കഥ (2) കവിത (5) ഇങ്ങനെ ഓരോ വിഭാഗത്തിലും എത്ര പോസ്റ്റുകളുണ്ട് എന്നു കാണിക്കും). ഇത്രയും സെറ്റിംഗുകൾ ചെയ്തുകഴിഞ്ഞാൽ സേവ് ചെയ്യാം. ഇപ്പോൾ നിങ്ങളുടെ ബ്ലോഗ് ഒന്നു നോക്കൂ. ഒരു ലേബൽ ബാർ ഹെഡ്ഡറിനു താഴെ കാണാം. ഇതിലെ ഓരോ വിഭാഗത്തിലും ക്ലിക്ക് ചെയ്താൽ ആ വിഭാഗത്തിലെ എല്ലാ പോസ്റ്റുകളും ഒറ്റയടിക്കു കാണുവാനും സാധിക്കും.

ലേബൽ ഗാഡ്ജറ്റിന്റെ ബ്ലോഗ് തലക്കെട്ടിന്റെ താഴെനിന്നു ബ്ലോഗിന്റെ സൈഡ് ബാറിലേക്ക് മാറ്റിയാൽ ഇതേ ലിസ്റ്റ് തിരശ്ചീനമായി കാണപ്പെടുന്നതിനു പകരം താഴെത്താഴെയാവും കാണുക. ഇതുപോലെ.

കുറിപ്പ്: ആദ്യാക്ഷരിയുടെ തലക്കെട്ടിനു താഴെയുള്ള മെനു ബാർ ഇപ്രകാരം ചെയ്തതല്ല. അവിടെ കാണുന്ന ഓരോ പേജും വെവ്വേറേ വിഷയങ്ങൾ വിവരിക്കുന്ന പേജുകളാണ് (ലേബലുകളല്ല). ഇപ്രകാരമുള്ള മെനുബാർ രണ്ടു വിധത്തിൽ ഉണ്ടാക്കം. ഒന്നുകിൽ ബ്ലോഗർ ഗാഡ്ജറ്റുകളിൽ ലഭ്യമായ ലിങ്ക് ലിസ്റ്റ് എന്ന ഗാഡ്ജറ്റ് ഉപയോഗിക്കാം. ആ അദ്ധ്യായത്തിലേക്കുള്ള ലിങ്ക് ഇവിടെ. അല്ലെങ്കിൽ ഒരു html/Java script ഗാഡ്ജറ്റ് ഉപയോഗിച്ച്, രാഹുൽ കടയ്ക്കലിന്റെ ഇൻഫ്യുഷൻ ബ്ലോഗിൽ വിവരിച്ചിട്ടുള്ള പ്രകാരം ചെയ്യാം. രാഹുലിന്റെ പോസ്റ്റിലേക്കുള്ള ലിങ്ക് ഇവിടെ

ചില ടെമ്പ്ലേറ്റുകൾ ലേബൽ ലിസ്റ്റിനെ തലക്കെട്ടിനു താഴെ തിരശ്ചീനമായി (horizontal orientation) കാണിക്കുകയില്ല. (ബ്ലോഗർ ടെമ്പ്ലേറ്റുകൾക്ക് പ്രശ്നമില്ല, പുറമേനിന്നുള്ളവയുടെ കാര്യമാണ് പറഞ്ഞത്). അങ്ങനെ തിരശ്ചീനമായി ലിങ്ക് ലിസ്റ്റ് കിട്ടുന്നില്ലെങ്കിൽ രാഹുൽ വിവരിച്ച രീതിയാണ് അഭികാമ്യം.

Archives അഥവാ പോസ്റ്റ് കലവറ

2010-11-27T00:04:00.000+04:00

നമ്മുടെ ബ്ലോഗിലെ പഴയപോസ്റ്റുകളുടെയെല്ലാം കലവറയാണ് ബ്ലോഗ് ആർക്കൈവ്സ് എന്നറിയപ്പെടുന്ന ഗാഡ്ജറ്റ്. സാധാരണഗതിയിൽ ഒരു ബ്ലോഗ് നമ്മൾ ഉണ്ടാക്കുമ്പോൾ തന്നെ അതിൽ ഉണ്ടാകുന്ന ഒരു ഗാഡ്ജറ്റ് ആണ് ആർക്കൈവ്സ്. ഈ ഗാഡ്ജറ്റ് ഉണ്ടെങ്കിൽ മാത്രമേ നമ്മുടെ ബ്ലോഗിലെ പഴയ പോസ്റ്റുകൾ ഏതൊക്കെ എന്ന് വായനക്കാർക്ക് കാണുവാൻ സാധിക്കൂ. ഒരോ പുതിയ പോസ്റ്റ് നമ്മുടെ ബ്ലോഗിൽ പ്രസിധീകരിക്കുമ്പോഴും ആർക്കൈവ്സ് അപ്ഡേറ്റ് ചെയ്യപ്പെടുകയും പുതിയ പോസ്റ്റ് സ്വയമേവ അതിലേക്ക് ഏറ്റവും പുതിയതായി ചേർക്കപ്പെടുകയും ചെയ്തുകൊള്ളും. ആർക്കൈവ്സ് ഗാഡ്ജറ്റ് ബ്ലോഗിൽ ചേർക്കുന്നില്ലെങ്കിൽ ഇവിടെ ആദ്യാക്ഷരിയിൽ ചെയ്തിരിക്കുന്നതുപോലെ ലിങ്ക് ലിസ്റ്റ് എന്ന ഗാഡ്ജറ്റ് ഉപയോഗിച്ച് ഓരോ പോസ്റ്റുകളും വെവ്വേറെയായി നാം തന്നെ ചേർക്കേണ്ടിവരും.

ആർക്കൈവ്സ് ഗാഡ്ജറ്റിൽ വരുത്താൻ സാധിക്കുന്ന ചില സെറ്റിംഗുകളെപ്പറ്റിയാണ് ഇവിടെ വിവരിക്കുന്നത്. നിങ്ങളുടെ ബ്ലോഗിൽ നിലവിൽ ആർക്കൈവ്സ് ഗാഡ്ജറ്റ് ഇല്ലെങ്കിൽ “പേജ് ലേ ഔട്ടും പേജ് എലമെന്റുകളും” എന്ന അദ്ധ്യായത്തിൽ പറഞ്ഞതുപോലെ ഈ ഗാഡ്ജറ്റ് ചേർക്കുക.

ചേർക്കുമ്പോൾ തന്നെ ആർക്കൈവ്സ് സെറ്റിംഗുകൾ ലഭിക്കും. ആദ്യഫീൽഡിൽ ടൈറ്റിൽ എന്ന സ്ഥലത്ത് നിങ്ങൾക്ക് ഇഷ്ടമുള്ള വാക്ക് എഴുതിച്ചേർക്കാം. രണ്ടാമത്തെ ഫീൽഡ് ആയ Style മൂന്ന് ഓപ്ഷനുകൾ തരുന്നു.

Hierarchy എന്ന ആദ്യ ഓപ്ഷനാണ് ഡിഫോൾട്ട് ആയി ഉള്ളത്. ഒരു മാസത്തിന്റെ പേര്, ആ മാസത്തിൽ എത്ര പോസ്റ്റുകൾ പ്രസിദ്ധീകരിച്ചു എന്നീവിവരങ്ങൾ താഴെത്താഴെയായി കാണും ഈ സെറ്റിംഗിൽ. ഒന്നോ രണ്ടോ വർഷങ്ങളിലെ പോസ്റ്റുകൾ ഉണ്ടെങ്കിൽ അവയെ അടുക്കിവച്ച രീതിയിലാവും ഉണ്ടാവുക. ഓരോ വർഷത്തോടും ഒപ്പം കാണപ്പെടുന്ന ചെറിയ ആരോയിൽ ക്ലിക്ക് ചെയ്താൽ ലിസ്റ്റ് വലുതായി കിട്ടും.

Flat list എന്ന രണ്ടാമത്തെ ഓപ്ഷൻ സെറ്റ് ചെയ്താൽ മാസങ്ങളുടെ ലിസ്റ്റും അവയിൽ പ്രസിധീകരിച്ച പോസ്റ്റുകളുടെ എണ്ണവും മാത്രം കാണാം. മാസങ്ങളുടെ പേരിൽ ക്ലിക്ക് ചെയ്താൽ അതാതു മാ‍സം പ്രസിദ്ധീ‍കരിച്ച എല്ലാ പോസ്റ്റുകളും ഒന്നായി ബ്ലോഗിൽ കാണാൻ സാധിക്കും.

Drop down menu എന്ന മൂന്നാമത്തെ ഓപ്ഷനാണ് സെറ്റ് ചെയ്യുന്നതെങ്കിൽ, ഒരു ചെറിയ ഡ്രോപ്പ് ഡൌൺ മെനു മാത്രമേ ആർക്കൈവ്സ് ഗാഡ്ജറ്റിൽ ഉണ്ടാവൂ. അതിലെ ആരോയിൽ ക്ലിക്ക് ചെയ്താൽ ഒരു മെനു ലഭിക്കും. അവിടെ നിന്ന് പഴയ മാസങ്ങളിലേക്കും അവയിലെ പ്രസിദ്ധീകരണങ്ങളിലേക്കും പോകാം.

പഴയപോസ്റ്റുകൾ ലിസ്റ്റിൽ ആദ്യം കാണിക്കണമെങ്കിൽ Show older post first എന്ന ഓപ്ഷനിൽ ക്ലിക്ക് ചെയ്യാം. ഖണ്ഡശ്ശയായി നോവലോ, കഥയോ, യാത്രാവിവരണമോ ഒക്കെ ബ്ലോഗിൽ പ്രസിധീകരിക്കുന്നവർക്ക് ആർക്കൈവ്സ് ചെയ്യാൻ നല്ല ഒരു സെറ്റിംഗ് ആണിത്. അല്ലെങ്കിൽ ഡിഫോൾട്ട് ആയി പുതിയ പോസ്റ്റുകൾ ആദ്യം വരുന്ന തലതിരിഞ്ഞ ഒരു ലിസ്റ്റാവും ലഭിക്കുക.

ഇനി ഒരു ഓപ്ഷൻ കൂടിയുണ്ട്. മാസങ്ങളുടെ പേരുകൾ ചുരുക്കിവേണമോ അതോ മുഴുവനായി വേണമോ എന്നതു ഇവിടെ തീരുമാനിക്കാം. ഇത്രയും മാറ്റങ്ങൾ വരുത്തിക്കഴിഞ്ഞാൽ ഗാഡ്ജറ്റ് സേവ് ചെയ്യുവാൻ മറക്കരുത്.

സ്കോളിംഗ് ടെക്സ്റ്റ് Marquee

2010-11-26T21:45:00.067+04:00

ചില ബ്ലോഗുകളിൽ ടി.വി യിലെ ന്യൂസ് റീലുകൾ പോലെ വാചകങ്ങൾ ഒരറ്റത്തുനിന്ന് മറുവശത്തേക്ക് ഒഴുകിനീങ്ങുനത് കണ്ടിട്ടില്ലേ അതെങ്ങനെയാണ് ചെയ്യുന്നതെന്ന് പലരും ചോദിച്ചിട്ടുണ്ട്. Marquee എന്നൊരു കോഡ് ഉപയോഗിച്ചാണ് ഇത് സാധ്യമാക്കുന്നത്. ഇത്തരം കോഡുകൾഒരു എച്.ടി.എം. എൽ ജാവാ സ്ക്രിപ്റ്റ് ഗാഡ്ജറ്റ് ആയിട്ടാണ് ഇത് നിങ്ങളുടെ ബ്ലോഗിൽ ചേർക്കേണ്ടത്. എന്നറിയാമല്ലോ? ഈ ഗാഡ്ജറ്റ് നിങ്ങളുടെ ബ്ലോഗിൽ ചേർക്കേണ്ടതെങ്ങനെ എന്ന് ഈ അധ്യായത്തിൽ വിവരിച്ചിട്ടുണ്ട്.

നിങ്ങളുടെ ബ്ലോഗിൽ എവിടെയാണോ സ്ക്രോളിംഗ് ടെക്സ്റ്റ് ചേർക്കേണ്ടത്, അവിടേക്ക് ഈ ഗാഡ്ജറ്റ് ആഡ് ചെയ്യുക. അഥവാ ഒരു പോസ്റ്റിനുള്ളിലാണ് ഇത് ചേർക്കേണ്ടതെങ്കിൽ പോസ്റ്റ് എഡിറ്റ് ചെയ്യുന്ന സ്ക്രീനിൽ Edit Html എന്ന ഓപ്ഷനിൽ നേരിട്ട് കോഡ് എഴുതിച്ചേർക്കാം.ഈ ഗാഡ്ജറ്റിന്റെ സ്ക്രീൻ ഷോട്ട് ഇവിടെ കൊടുക്കുന്നു. ടൈറ്റിൽ എന്ന ഭാഗത്ത് ഒന്നും എഴുതേണ്ടതില്ല.

ഈ ഗാഡ്ജറ്റിന്റെ Content എന്ന ഭാഗത്താണ് മാർക്യൂ കോഡുകൾ എഴുതിച്ചേർക്കേണ്ടത്. സ്ക്രോൾ ചെയ്യിക്കേണ്ട ടെക്സ്റ്റിന്റെ വിവിധ രൂപങ്ങൾ ഇനി പറയുന്നു. TEXT HERE എന്ന് എഴുതിയിരിക്കുന്ന ഭാഗത്ത് നിങ്ങൾ എഴുതാൻ ഉദ്ദേശിക്കുന്ന വരികൾ എഴുതിച്ചേർത്താൽ മതിയാകും. കോഡിലെ മാറ്റങ്ങൾക്കനുസരിച്ച് ലഭിക്കുന്ന റിസൽട്ട് ഓരോ കോഡിനും താഴെ നൽകിയിരിക്കുന്നു.

ഒരു ടെക്സ്റ്റ് വലത്തുനിന്നും ഇടത്തേക്ക് സ്ക്രോൾ ചെയ്യിക്കുന്നതിനു വേണ്ട കോഡ്
<marquee>TEXT HERE</marquee>
TEXT HERE

ഇടത്തുനിന്ന് വലത്തേക്ക് സ്ക്രോൾ ചെയ്യിക്കാൻ
<marquee direction="right">TEXT HERE </marquee>
TEXT HERE

സ്ക്രോൾ ചെയ്യുന്നതിന്റെ വേഗത മാറ്റണം എന്നുണ്ടോ? ഇനി പറയുന്ന മാറ്റം വരുത്തുക.
<marquee direction="right" ; scrollamount="1">TEXT HERE</marquee>
TEXT HERE
scrollamount എന്നതിനു ശേഷമുള്ള നമ്പർ അനുസരിച്ചാണ് സ്പീഡ് മാറുന്നത് എന്നു ശ്രദ്ധിക്കുക.

സ്ക്രോൾ ചെയ്യുന്ന ടെക്സ്റ്റ് അതിന്റെ ഫീൽഡിനുള്ളിൽ ഇരുവശത്തേക്കും പൊയ്ക്കൊണ്ടിരിക്കുവാൻ
<marquee behavior="alternate">TEXT HERE</marquee>
TEXT HERE

ടെക്സ്റ്റിന്റെ നിറം മാറ്റണോ? Red എന്നതിനു പകരം മറ്റു നിറങ്ങളും (അല്ലെങ്കിൽ നിറങ്ങളുടെ കോഡുകൾ) എഴുതാവുന്നതാണ്.
<marquee> TEXT HERE</marquee>
TEXT HERE

ടെക്സ്റ്റിന്റെ വലിപ്പവും രൂപവും മാറ്റുന്നതിന്
<marquee direction="right">TEXT HERE
</marquee>
TEXT HERE

ടെക്സ്റ്റിനെ ബ്ലിങ്ക് ചെയ്യിക്കണോ? ഇനി പറയുന്ന മാറ്റം കോഡിൽ എഴുതൂ.
<marquee direction="left"><blink>TEXT HERE</blink></marquee>
TEXT HERE

ലിങ്ക് ലിസ്റ്റ് ഉപയോഗിച്ച് ഒരു മെനു ബാർ

2010-10-30T18:04:00.002+04:00

ഇതിനുമുമ്പുള്ള അദ്ധ്യായത്തിൽ ലേബൽ ലിസ്റ്റ് ഗാഡ്ജറ്റ് ഉപയോഗിച്ച് ഒരു മെനുബാർ ഉണ്ടാക്കി ബ്ലോഗിന്റെ തലക്കെട്ടിനു താഴെ ഉൾപ്പെടുത്തുന്ന വിധമാണ് വിവരിച്ചത്. ഇനി മറ്റൊരു വിധത്തിലുള്ള മെനുബാറിനെപ്പറ്റി പറയാം. ആദ്യാക്ഷരിയുടെ തലക്കെട്ടിനു താഴെക്കാണുന്ന മെനുബാർ ശ്രദ്ധിക്കൂ. വിവിധകാര്യങ്ങളെപ്പറ്റി വിവരിക്കുന്ന വെവ്വേറെ പേജുകളിലേക്കുള്ള ലിങ്കുകളാണ് അവ. ഇത്തരം ലിങ്കുകൾ ഇതേ ബ്ലോഗിനുള്ളിൽ തന്നെ ഉള്ളവ ആവണം എന്നുമില്ല. മറ്റേതു വെബ് സൈറ്റിലേക്കുമുള്ള ലിങ്കുകൾ ഇതുപോലെ തലക്കെട്ടിനുതാഴെ ഒരു മെനുബാർ ആയി നൽകാം.

ഡാഷ്‌ബോർഡിൽ നിന്നും ഡിസൈൻ ടാബ് എടുക്കുക. പേജ് ലേ ഔട്ട് കിട്ടും. അവിടെ തലക്കെട്ടിനു താഴെ "Add a gadget“ എന്ന ലിങ്ക് ക്ലിക്ക് ചെയ്യുക. ഗാഡ്ജറ്റുകളുടെ ലിസ്റ്റ് കിട്ടും. അതിൽ നിന്ന് “ലിങ്ക് ലിസ്റ്റ്” എന്ന ഗാഡ്ജറ്റ് എടുക്കുക. താഴെക്കാണുന്നതുപോലെ ഒരു വിന്റോ ലഭിക്കും.

Title : ഇവിടെ ഒന്നും ഒഴുതേണ്ടതില്ല

Number of links: ഇവിടെയും ഒന്നും എഴുതേണ്ടതില്ല. എങ്കിലും തലക്കെട്ടിനു താഴെ പൊസിഷൻ ചെയ്യാനുള്ള മെനുബാർ ആയതിനാൽ ഒരുപാട് ലിങ്കുകൾ ചേർക്കുന്നത് അഭംഗിയാണ്.

Sorting: വേണ്ട

New site URL: ഇവിടെ നിങ്ങൾ ഏതു പേജിലേക്കുള്ള ലിങ്കാണോ നൽകാൻ ആഗ്രഹിക്കുന്നത് അത് എഴുതിച്ചേർക്കുക

New Site Name: ഈ ലിങ്കിനെ ഏതുപേരിലാണോ മെനു ബാറിൽ ഡിസ്പ്ലേ ചെയ്യേണ്ടത് അതുപോലെ എഴുതുക. (പേജിന്റെ ഒറിജിനൽ പേരുവേണം എന്ന് നിർബന്ധമില്ല)

എല്ലാ ലിങ്കുകളും ചേർത്ത്കഴിഞ്ഞാൽ “സേവ്” ക്ലിക്ക് ചെയ്യുക. തലക്കെട്ടിനുതാഴെ മെനുബാർ റെഡി!

ഇനി ബ്ലോഗ് ഒന്നു നോക്കൂ.

************************************************

ലിങ്ക് ലിസ്റ്റ് ഗാഡ്ജറ്റിനെ ബ്ലോഗിന്റെ സൈഡ് ബാറിലേക്ക് ഒന്നു വലിച്ചു മാറ്റി പൊസിഷൻ ചെയ്തുനോക്കൂ. ആദ്യാക്ഷരിയുടെ സൈഡ് ബാറിലുള്ള ലിസ്റ്റുകൾ കണ്ടോ? അതുപോലെ ഒന്നിനുതാഴെ ഒന്നായി ഈ ലിങ്കുകളും ടൈറ്റിലുകളും കാണാം. അതായത് ലിങ്ക് ലിസ്റ്റിന്റെ മറ്റൊരു ഉപയോഗമാണിത്. സൈഡ് ബാറിൽ കുറേ പേജുകളിലേക്കുള്ള ലിസ്റ്റുകൾ നൽകാൻ ഈ ഗാഡ്ജറ്റ് ഉപയോഗിക്കാം.

ചില ടെമ്പ്ലേറ്റുകൾ Link ലിസ്റ്റിനെ തലക്കെട്ടിനു താഴെ തിരശ്ചീനമായി (horizontal orientation) കാണിക്കുകയില്ല. ബ്ലോഗർ ടെമ്പ്ലേറ്റുകൾക്ക് പ്രശ്നമില്ല, പുറമേനിന്നുള്ളവയുടെ കാര്യമാണ് പറഞ്ഞത്. അങ്ങനെ തിരശ്ചീനമായി ലിങ്ക് ലിസ്റ്റ് കിട്ടുന്നില്ലെങ്കിൽ ഒരു html/Java script ഗാഡ്ജറ്റ് ഉപയോഗിച്ച്, രാഹുൽ കടയ്ക്കലിന്റെ ഇൻഫ്യുഷൻ ബ്ലോഗിൽ വിവരിച്ചിട്ടുള്ള പ്രകാരം തലക്കെട്ടിനു താഴെ ഒരു മെനുബാർ ഉണ്ടാക്കാം. രാഹുലിന്റെ പോസ്റ്റിലേക്കുള്ള ലിങ്ക് ഇവിടെ

ബ്ലോഗിൽ യു.ട്യൂബ് വിഡിയോ ഉൾപ്പെടുത്തുന്നതെങ്ങനെ

2010-10-16T17:35:00.005+04:00

നിങ്ങൾ ബ്ലോഗ് പോസ്റ്റുകൾ എഴുതുമ്പോൾ ചിലപ്പോഴൊക്കെ അതോടോപ്പം യു.ട്യൂബിൽ ലഭ്യമായ വീഡിയോകൾ ഉൾപ്പെടുത്തേണ്ടി വന്നേക്കാം. അതെങ്ങനെയാണു ചെയ്യേണ്ടത് എന്നു നോക്കാം. യൂട്യൂബിൽ പാട്ടുകൾ, ഹോം വീഡിയോകൾ എന്നുമാത്രമല്ല റഫറൻസ് സംബന്ധിയായ ഒട്ടനേകം വീഡിയോകൾ ലഭ്യമാണ്. വിദ്യാഭ്യാസരംഗത്ത് കുട്ടികൾക്ക് പഠനത്തിനു അനുയോജ്യമായ (science, maths, projects etc) ഒരുപാട് അനിമേഷൻസ്, വീഡിയോ വിവരണങ്ങൾ തുടങ്ങീയവയും അതിൽ പെടും. ഈ യൂ ട്യൂബ് വീഡിയോകളിൽ ഭൂരിഭാഗത്തോടൊപ്പവും അവയെ മറ്റൊരു വെബ് പേജിൽ എംബഡ് ചെയ്യാനുള്ള കോഡും ലഭ്യമായിരിക്കും. ഈ കോഡ് ഉപയോഗിച്ച് നിങ്ങൾക്ക് നിങ്ങളുടെ ബ്ലോഗ് പേജിലേക്ക് വീഡിയോ എംബഡ് ചെയ്യാവുന്നതാണ്.

ഇവിടെ ഉദാഹരണത്തിനായി കാണിക്കുന്നത് ശ്രീ വേണുഗോപാലും ഗായത്രിയും ചേർന്ന് പാടിയ മലയാളത്തിലെ വളരെ പ്രശസ്തമായ “താമരനൂലിനാൽ മെല്ലെയെൻ മേനിയെ തൊട്ടുവിളിച്ചു ... “ എന്ന ഗാനത്തിന്റെ ഒരു യു.ട്യൂബ് വേർഷൻ ഈ പോസ്റ്റിൽ എങ്ങനെ ചേർത്തിരിക്കുന്നു എന്നാണ്. ആദ്യമായി യു.ട്യൂബ് തുറന്ന് താമര നൂലിനാൽ എന്നു സേർച്ച് ചെയ്ത് ഈ ഗാനം യൂ.ട്യൂബിൽ പബ്ലിഷ് ചെയ്തിരിക്കുന്ന ഒരു അക്കൌണ്ട് കണ്ടെത്തി. Sureshfj എന്ന അക്കൌണ്ടിലെ വീഡിയോവാണ് ഇവിടെ ഉദാഹരണത്തിനായി എടുത്തിരിക്കുന്നത് (നന്ദി Suresh).

യു.ട്യൂബിലെ വീഡിയോ എങ്ങനെയാണ് കാണുന്നതെന്നു നോക്കൂ. അതോടൊപ്പം ഒരു എംബഡ് കോഡ് (ചിത്രത്തിലെ മാർക്ക് നോക്കു) ഉണ്ടെങ്കിൽ ആ വീഡിയോ പബ്ലിക് ഷെയറിംഗിനായി അതിന്റെ ഉടമ അനുവദിച്ചിട്ടുണ്ട് എന്നു മനസ്സിലാക്കാം. എങ്കിലും വീഡിയോ നമ്മുടെ പ്രസിദ്ധീകരിക്കുമ്പോൾ ആ ഒറിജിനൽ അക്കൌണ്ടിലേക്ക് ഒരു ലിങ്കും ഒരു ക്രെഡിറ്റും വച്ചേക്കണമെന്നത് ഒരു സാമാന്യമര്യാദയാണെന്ന് വായനക്കാരെ ഓർമ്മിപ്പിക്കട്ടെ.

മുകളിൽ കൊടുത്തിരിക്കുന്ന സ്ക്രീൻ ഷോട്ടിൽ താഴെ വലത്തേയരികിൽ മാർക്ക് ചെയ്തിരിക്കുന്ന Embed എന്ന ഭാഗം ശ്രദ്ധിക്കൂ. ഇവിടെ ക്ലിക്ക് ചെയ്യുമ്പോളാണ് ഈ വീഡിയോയെ മറ്റൊരു വെബ് പേജിൽ പ്രസിദ്ധീകരിക്കാനുള്ള കോഡ് കിട്ടുന്നത്. അവിടെ ക്ലിക്ക് ചെയ്ത് നോക്കാം.

ഈ ബട്ടണിൽ ക്ലിക്ക് ചെയ്താലുടൻ അതിനു താഴേക്ക് അതുവരെ അപ്രത്യക്ഷമായിരുന്ന കോഡ് സെക്ഷൻ ലഭിക്കും. ഒപ്പം ചില ഓപ്ഷനുകളും. ആദ്യത്തെ ഓപ്ഷൻ Include related video എന്ന ഓപ്ഷൻ ക്ലിക്ക് ചെയ്താൽ ഒരു വീഡിയോ പ്ലേ ചെയ്തുകഴിഞ്ഞ് അതുമായി ബന്ധമുള്ള മറ്റു വീഡിയോകളുടെ യു.ട്യൂബ് ലിങ്കുകൾ ലഭിക്കും. മൂന്നാമത്തെ ഓപ്ഷൻ use frame embed code സെലക്റ്റ് ചെയ്താൽ വീഡിയോ പ്ലേ ചെയ്യുന്ന വിന്റോയ്ക്ക് ചുറ്റും ഒരു ഫ്രെയിം ലഭിക്കും. നിങ്ങളുടെ ബ്ലോഗിന്റെ ബാക്ക്ഗ്രൌണ്ടിനു ചേരുന്ന നിറങ്ങൾ അതിന്റെ താഴെയുള്ള സെക്ഷനിൽ നിന്ന് തെരഞ്ഞെടുക്കാം. അതിന്റെ അടുത്ത ഓപ്ഷൻ വീഡിയോ നിങ്ങളുടെ ബ്ലോഗിൽ പ്രത്യക്ഷമാവുന്ന വിന്റോയുടെ സൈസ് തെരഞ്ഞെടുക്കാനാണ്. നാലു പ്രീസെറ്റ് സൈസുകളും അവസാനം ഒരു കസ്റ്റം സൈസും അവിടെ ഉണ്ട്. ഇവിടെ ചേർക്കാനായി ഈ ബ്ലോഗിന്റെ വീതിക്കു ചേരുന്ന 400 പിക്സൽ വീതി എന്ന സൈസാണ് ഞാൻ എഴുതിയത്. ഹൈറ്റ് അതിനു അനുയോജ്യമായി തനിയെ വന്നുകൊള്ളും. ഇനി കോഡ് മുഴുവനായി കോപ്പി ചെയ്യാം. (കോഡ് വിന്റോയ്ക്കുള്ളിൽ മൌസി വച്ച് റൈറ്റ് ക്ലിക്ക് ചെയ്യുക. അതിനുശേഷം കോപ്പി എന്ന ഓപ്ഷൻ സെലക്റ്റ് ചെയ്യുക)

അടുത്ത സ്റ്റെപ്പ് നിങ്ങൾ ഏതു പോസ്റ്റിലാണോ ഈ കോഡ് ചേർക്കാൻ ആഗ്രഹിക്കുന്നത് അതിനെ എഡിറ്റ് മോഡിൽ തുറക്കുക എന്നതാണ്. അതിനുശേഷം എവിടെയാ‍ണോ വീഡീയോ ചേർക്കേണ്ടത് അവിടെ മൌസ് ക്ലിക്ക് ചെയ്തശേഷം, എഡിറ്ററിലെ Edit html എന്ന ടാബ് തുറക്കുക. അവിടെ കോപ്പി ചെയ്ത കോഡ് പേസ്റ്റ് ചെയ്യുക (റൈറ്റ് ക്ലിക്ക്, പേസ്റ്റ്) ശ്രദ്ധിക്കുക Compose മോഡിൽ കോഡ് പേസ്റ്റ് ചെയ്താൽ വീഡിയോ പ്രവർത്തിക്കില്ല.

“താമര നൂലിനാൽ മെല്ലെയെൻ മേനിയിൽ...”
ഗായകർ : ജി. വേണുഗോപാൽ & ഗായത്രി

ചിത്രം : മുല്ലവള്ളിയും തേന്മാവും,

വരികൾ : ഗിരീഷ് പുത്തൻചേരി, സംഗീതം : ഔസേപ്പച്ചൻ,

Thanks to : Sureshfj

ഇത്രയും ചെതു കഴിഞ്ഞിട്ട് കമ്പോസ് മോഡിലേക്ക് തിരികെ പോരാം. ഇല്ലെങ്കിൽ എച്.ടി.എം എൽ മോഡിൽ തന്നെ ടൈപ്പിംഗ് തുടരാം. ഇപ്പോൾ വീഡിയോ പ്രവർത്തന സജ്ജമാവുകയില്ല. പോസ്റ്റ് പബ്ലിഷ് ചെയ്തുകഴിഞ്ഞാൽ മാത്രമേ വീഡിയോ പ്രവർത്തിക്കുകയുള്ളൂ. പ്രിവ്യൂവിലും ഇപ്പോൾ ഈ വീഡിയോ പ്രവർത്തിക്കില്ല.

ഇത്രയും ചെയ്തു കഴിഞ്ഞ് പോസ്റ്റ് പൂർത്തീകരിച്ച് പബ്ലിഷ് ചെയ്യാം. നിങ്ങളുടെ പോസ്റ്റിൽ യു.ട്യൂബ് വീഡിയോ റെഡി. യുട്യൂബ് വീഡിയോകൾ ഫലപ്രദമായി ഉപയോഗിച്ചിരിക്കുന്ന എന്റെ ഒരു ശാസ്ത്രപോസ്റ്റ് ഇവിടെ കാണാം. കൂട്ടത്തിൽ പറയട്ടെ, മറ്റുള്ളവരുടെ അക്കൌണ്ടിൽ നിന്ന് യു.ട്യുബ് വീഡിയോ എടുക്കുന്നതിനു പകരം നിങ്ങൾക്ക് സ്വന്തമായി വീഡിയോകൾ ഉണ്ടാക്കി യു.ട്യൂബിലേക്ക് അപ്‌ലോഡ് ചെയ്യുകയും ചെയ്യാം. ബ്ലോഗർ ടൂൾ ബാറിലെ വീഡിയോ ഓപ്ഷനേക്കാൾ നല്ലത് ഇതായിരിക്കും.

URL ഇംഗ്ലീഷിൽ നൽകുന്നതെങ്ങനെ?

2010-10-14T23:25:00.004+04:00

Uniform Resource Locator എന്നതിന്റെ ചുരുക്കപ്പേരാണ് URL. നാം ബ്ലോഗറിൽ എന്തു പബ്ലിഷ് ചെയ്യുമ്പോഴും ആ പേജിനു ഇപ്രകാരം ഒരു യു.ആർ.എൽ അനുവദിച്ചു നൽകും. ഈ യു.ആർ.എൽ നാമം ആണ് ഒരു പേജ് തുറക്കുമ്പോൾ ബ്രൌസറിന്റെ അഡ്രസ് ബാറിൽ നാം കാണുന്നത്. ഇപ്രകാരം യു.ആർ.എൽ ഉണ്ടാക്കുന്നതിനു ബ്ലോഗർ അനുവദിക്കുന്ന മാനദണ്ഡം ലളിതമാണ്. പോസ്റ്റ് പബ്ലിഷ് ചെയ്യുന്ന നിമിഷം പോസ്റ്റിന്റെ തലക്കെട്ട് എന്താണോ ആ വാക്കുകൾ യു.ആർ.എല്ലിലും ഉണ്ടാവും. പക്ഷേ തലക്കെട്ട് ഇഗ്ലീഷിൽ ആണെങ്കിൽ മാത്രമേ ഇങ്ങനെ സംഭവിക്കൂ. മലയാളത്തിലാണ് തലക്കെട്ടെങ്കിൽ പോസ്റ്റ് പബ്ലിഷ് ചെയ്യുന്ന മാസവും, ആ മാസത്തെ എത്രാമത്തെ പോസ്റ്റ് ആണ് ഇത് എന്ന വിവരവും മാത്രം യു.ആർ.എൽ കാണിക്കൂ.

ഇതൊരു പ്രശ്നമാണോ? അല്ല / ആണ്!! കഥ, കവിത, അനുഭവം, ഓർമ്മക്കുറിപ്പ് ഇതൊക്കെ ബ്ലോഗിൽ എഴുതുന്നവർക്ക് യു.ആർ.എൽ എങ്ങനെയായാലും ഒരു പ്രശ്നവും ഭാവിയിൽ ഉണ്ടെന്ന് തോന്നുന്നില്ല. കാരണം അത് ആ ബ്ലോഗിലേക്ക് മാത്രം ഒതുങ്ങിനിൽക്കുന്ന കൃതികളാണ്. എന്നാൽ

ടെക്നിക്കൽ പോസ്റ്റുകൾ, ഭാവിയിൽ സേർച്ച് എഞ്ചിനുകൾ വഴി ആളുകൾ സേർച്ച് ചെയ്ത് നോക്കാവുന്ന വിഷയങ്ങൾ തുടങ്ങിയ ബ്ലോഗിൽ എഴുതുന്നവർ മറ്റൊരു കാര്യം ശ്രദ്ധിക്കാനുണ്ട്. നിങ്ങളുടെ പോസ്റ്റിന്റെ URL ഇംഗ്ലീഷിൽ വരുന്നതാണ് അത്തരം സാഹചര്യങ്ങളിൽ നല്ലത്. അതിനായി തലക്കെട്ട് ഇംഗ്ലീഷിൽ തന്നെ എഴുതേണ്ടതുണ്ട്. പോസ്റ്റ് പബ്ലിഷ് ചെയ്തുകഴിഞ്ഞിട്ട് അടുത്ത നിമിഷം തന്നെ ഈ തലക്കെട്ടിനെ മലയാളത്തിലേക്ക് മാറ്റി, പോസ്റ്റിനെ സേവ് ചെയ്യാം. ഇംഗ്ലീഷ് ഭാഷയിൽ നിർമ്മിക്കപ്പെട്ട യു.ആർ.എല്ലിനു മാറ്റം ഒന്നും സംഭവിക്കില്ല.

ഒരു പുതിയ പോസ്റ്റ് പബ്ലിഷ് ചെയ്യുന്ന നിമിഷത്തിൽ പോസ്റ്റിന്റെ തലക്കെട്ടിൽ എഴുതിയിരിക്കുന്ന വാക്കുകളെ അടിസ്ഥാനമാക്കിയാണ് ബ്ലോഗർ യു.ആർ.എൽ ഉണ്ടാക്കുന്നത്. എന്നുപറഞ്ഞുവല്ലോ. എന്നാൽ പോസ്റ്റിന്റെ തലക്കെട്ട് മലയാളത്തില്‍ മാത്രം എഴുതുമ്പോള്‍ അതിന്റെ യു.ആര്‍.എല്‍ പേരില്‍ ബ്ലോഗര്‍ മലയാളം വാക്കുകൾ ചേർക്കുകയില്ല. അതുകൊണ്ട് റഫറൻസ് പോസ്റ്റുകൾ ഉണ്ടാക്കുന്നവർ പോസ്റ്റ് പബ്ലിഷ് ചെയ്യുന്നതിനു മുമ്പ് തന്നെ ആദ്യം മലയാളം തലക്കെട്ട് വാക്കുകൾ അതിനുശേഷം ഇംഗ്ലീഷ് തലക്കെട്ട് എന്ന ക്രമത്തിൽ എഴുതുക. (പോസ്റ്റിന്റെ പോസ്റ്റിന്റെ വിഷയവുമായി ബന്ധപ്പെട്ട ഒന്നോ രണ്ടോ ഇംഗ്ലീഷ് വാക്കുകൾ ) പോസ്റ്റ് പ്രസിധികരിച്ചൂ കഴിഞ്ഞ് വീണ്ടും എഡിറ്റ് മോഡിലേക്ക് പോയി ഇംഗ്ലീഷ് വാക്കുകളെ ഡിലീറ്റ് ചെയ്ത് തലക്കെട്ട് പൂർണ്ണമായും മലയാളത്തിൽ ആക്കിമാറ്റാവുന്നതാണ്. എന്നിട്ട് പോസ്റ്റിന്റെ വീണ്ടും പബ്ലിഷ് ആക്കാം.

ഈ പോസ്റ്റ് തയ്യാറാക്കിയപ്പോൾ ഇതേ മാനദണ്ഡമാണ് പാലിച്ചത്. സ്വാഭാവികമായും ഈ പോസ്റ്റിലെ പ്രതിപാദന വിഷയം എന്തെന്ന് യു.ആര്‍.എല്‍ നോക്കിയാല്‍ തന്നെ മനസ്സിലാകും. അതുകൊണ്ട് ആ വിഷയം ആരെങ്കിലും ഗൂഗിളിൽ സേർച്ച് ചെയ്യുമ്പോൾ അതേ യു.ആർ.എൽ ഉള്ള പോസ്റ്റുകൾക്ക് ആദ്യമാദ്യം എത്താനുള്ള പ്രിഫറൻസ് കിട്ടും. സേർച്ച് എഞ്ചിനുകൾ സേർച്ച് ചെയ്യുമ്പോൾ യു.ആർ.എൽ കൾക് വലിയ പ്രാധാന്യം കൊടുക്കാറുണ്ട് എന്ന് ഓർക്കുക. അതുപോലെ ഫോട്ടോബ്ലോഗുകളിൽ ചിത്രങ്ങൾ കൊടുക്കുന്നവരും ആ ചിത്രത്തിന്റെ ഫയൽ നെയിമും, പോസ്റ്റിന്റെ തലക്കെട്ടും ചിത്രത്തിന്റെ വിഷയവുമായി ബന്ധമുള്ള രീതിയിൽ എഴുതുക. അങ്ങനെ ചെയ്താൽ നിങ്ങളുടെ പോസ്റ്റിന് കൂടുതൽ പേജ് റാങ്കിംഗ് കിട്ടാൻ എളുപ്പമാണ്.

ഒരു ചെറിയ കുറിപ്പ്: പോസ്റ്റ് പ്രസിദ്ധീകരിക്കുമ്പോൾ തലക്കെട്ടിൽ എന്തെഴുതിയിരിക്കുന്നുവോ അതാണ് നമ്മുടെ മലയാളം ബ്ലോഗ് ആഗ്രിഗേറ്ററുകൾ ഏറ്റെടുക്കുന്ന തലക്കെട്ട്! അതുകൊണ്ട് ഇംഗ്ലീഷ് തലക്കെട്ടുകളിൽ പോസ്റ്റ് പ്രസിധികരിച്ച് പിന്നീട് തലക്കെട്ട് മാറ്റിയാലും ആഗ്രിഗേറ്ററുകളിൽ തലക്കെട്ട് മലയാളത്തിലേക്ക് മാറുകയില്ല. അപ്പോൾ പോസ്റ്റ് പബ്ലിഷ് ചെയ്യുമ്പോൾ നിങ്ങൾ ഏതിനാണ് പ്രാധാന്യം കൊടുക്കുന്നതെന്ന് തീരുമാനിക്കുക. ഒന്നോ രണ്ടൊ ദിവസം ആഗ്രിഗേറ്ററുകളിൽ ആക്റ്റീവായി നിൽക്കുന്ന മലയാളം തലക്കെട്ടു വേണോ, അതോ എന്നത്തേക്കും നിങ്ങളുടെ പോസ്റ്റിനെ ഒരു റെഫറൻസ് പോസ്റ്റാക്കി മാറ്റാവുന്ന ഇംഗ്ലീഷ് യു.ആർ.എൽ വേണോ എന്നു നിങ്ങൾ തന്നെ തീരുമാനിക്കുക. ഇതു രണ്ടും ഒരുപോലെ നടപ്പാക്കാവുന്ന ഒരു വഴിയായി എനിക്കു തോന്നുന്നത്, തലക്കെട്ടിൽ ആദ്യം മലയാളം തലക്കെട്ട് വാചകങ്ങളും, അതിനുശേഷം ഇംഗീഷും എഴുതുക എന്നാണ്.

ഉദാഹരണം "ചന്ദ്രനിലേക്കൊരു യാത്ര Chandrayaan 1"

അങ്ങനെയാവുമ്പോൾ ആഗ്രിഗേറ്ററുകൾ ആദ്യമുള്ള മലയാളം വാക്കുകളെമാത്രം കണക്കിലെടുക്കുകയും (തലക്കെട്ടിന്റെ നീളം കാരണം ഇംഗീഷ് വാക്കുകൾ വരെ ആഗ്രിഗേറ്ററുകളിൽ വരില്ല) ബ്ലോഗർ ഇംഗ്ലീഷ് വാക്കുകളെ മാത്രം യു.ആർ.എൽ ഇൽ ഉൾപ്പെടുത്തുകയും ചെയ്യും.

Epic write

2010-08-28T07:31:00.001+04:00

ഈ അടുത്തയിടെ നിലവില്‍ വന്നതും, പ്രധാനമായും ഇന്ത്യന്‍ ഭാഷകളിലെ ഉപഭോക്താക്കളെ ഉദേശിച്ചു നിര്‍മിച്ചിട്ടുള്ളതുമായ ഒരു അത്യുഗ്രന്‍ വെബ് ബ്രൌസര്‍ ആണ് എപിക്. ഈ ഒരു സംവിധാനം ഉപയോഗിച്ച് ഒരുപാട് കാര്യങ്ങള്‍ - my computer browsing, video downloading, easy links to popular websites, personal organizer etc - ചെയ്യാന്‍ സാധിക്കും. നിങ്ങളില്‍ പലരും ഇതിനോടകം അത് ഉപയോഗിച്ചിട്ടുമുണ്ടാകും. ഇതുവരെ download ചെയ്തിട്ടില്ലാതാത്തവര്‍ ഇവിടെ നിന്നും അത് ഡൌണ്‍ലോഡ് ചെയ്തു നിങ്ങളുടെ കമ്പ്യൂട്ടറില്‍ ഇന്‍സ്റ്റോള്‍ ചെയ്യുക.

എപിക് ബ്രൌസറില്‍ ഇടതു വശത്തുള്ള ടൂള്‍ ബാര്‍ നോക്കൂ. അവിടെ കുറെ ഐക്കണുകള്‍ കാണാം. നെറ്റില്‍ ഇന്ന് വളരെ പോപ്പുലര്‍ ആയ സൈറ്റുകള്‍ എപ്പിക്കില്‍ തുറക്കാനുള്ള സംവിധാനം ആണവ. ഒപ്പം ഒരു ആന്റി വൈറസ് സോഫ്റ്റ്‌ വെയറും ഉണ്ട്. ഇവയില്‍ മുകളില്‍ നിന്നും അഞ്ചാമത് write എന്നൊരു സംവിധാനം ഉള്‍പ്പെടുത്തിയിട്ടുണ്ട്. അതില്‍ ഗൂഗിള്‍ transliteration രീതിയില്‍ പ്രവര്‍ത്തിക്കുന്ന ഒരു വേര്‍ഡ് പ്രോസസര്‍ ഉണ്ട്. ബ്ലോഗ്‌ പോസ്റ്റുകള്‍ എഴുതാനും, മലയാളത്തില്‍ ഡോക്കുമെന്റുകള്‍ ഉണ്ടാക്കാനും ഒക്കെ നിങ്ങള്ക്ക് ഈ സംവിധാനം ഉപയോഗിക്കാം.

എഴുതിയ കാര്യങ്ങള്‍ ഇവിടെ നിന്ന് എങ്ങോട്ട് വേണമെങ്കിലും കോപ്പി പേസ്റ്റ് ചെയ്യാം. മലയാളത്തില്‍ എഴുതാന്‍ തുടങ്ങുന്നതിനു മുമ്പ് ഈ വേര്‍ഡ് പ്രോസസറിന്റെ വലതു മുകളിലായി പ്രത്യക്ഷപ്പെടുന്ന ഭാഷകളുടെ ലിസ്റ്റില്‍ നിന്നും മലയാളം സെലക്ട്‌ ചെയ്തിട്ട് മംഗ്ലിഷിൽ എഴുതിക്കോളൂ. അനായാസമായി മലയാളം നിങ്ങള്‍ക്ക് വഴങ്ങുന്നത് കാണാം. എഴുതുന്ന ടെക്സ്റ്റ്‌ സേവ് ചെയ്തു വയ്ക്കുവാനുള്ള സംവിധാനം ഉണ്ട്. അത് ഉപയോഗിച്ച് പൂര്‍ണമാകാത്ത ഡോക്കുമെന്റുകള്‍ നിങ്ങള്ക്ക് നിങ്ങളുടെ കമ്പ്യൂട്ടറില്‍ സേവ് ചെയ്യാം. പിന്നീട് തുറന്നു എഡിറ്റ്‌ ചെയ്യുകയും ചെയ്യാം. പക്ഷെ ഓര്‍ക്കുക, Epic write ഓണ്‍ലൈന്‍ സോഫ്റ്റ്‌വെയര്‍ ആണ്. ഇന്റര്‍നെറ്റ്‌ കണക്ഷന്‍ ഇല്ലാതെ പ്രവര്‍ത്തിക്കില്ല.

ബ്ലോഗറിനു സ്വന്തം പേജ് ഹിറ്റ്‌ / സ്റ്റാറ്റിസ്റ്റിക്സ് സൗകര്യം

2010-07-07T07:13:00.002+04:00

Google Analytics എന്ന പേരില്‍ ഇപ്പോള്‍ നിലവിലുള്ളതും, വെബ് സൈറ്റുകളിലെ ട്രാഫിക്‌, പേജ് ഹിറ്റ്‌ കൌണ്ടര്‍, സന്ദര്‍ശകരെപറ്റിയുള്ള വിവരങ്ങള്‍ തുടങ്ങിയവ നല്‍കുന്നതുമായ സൌകര്യത്തിന്റെ ഒരു ചെറിയ പതിപ്പ്‌ ഗൂഗിള്‍ ബ്ലോഗറിലും ഉള്‍പ്പെടുത്താന്‍ പോകുന്നു. അതിന്റെ ആദ്യപടിയായി draft blogger ല്‍ ഇപ്പോള്‍ തന്നെ ഈ സൌകര്യം ഉള്‍പ്പെടുത്തിയിട്ടുണ്ട്. അതിനര്‍ഥം താമസിയാതെ ബ്ലോഗറിന്റെ ഡാഷ്ബോര്‍ഡില്‍ ഈ സൌകര്യം നമുക്ക് ലഭ്യമാകും എന്നാണ്. പുതിയ ഗാട്ജടുകള്‍ ഒന്നും ചേര്‍ക്കാതെ തന്നെ നിങ്ങളുടെ ബ്ലോഗിലെ സന്ദര്‍ശകരെപ്പറ്റിയുള്ള ഒരു ചെറുവിവരണം കാണണം എന്നുണ്ടോ? എങ്കില്‍ http://draft.blogger.com എന്ന സൈറ്റ്‌ തുറന്നു ലോഗിന്‍ ചെയ്യൂ. ഇപ്പോള്‍ നിങ്ങളുടെ ബ്ലോഗിന്റെ / ബ്ലോഗുകളുടെ ഡാഷ്ബോര്‍ഡ്‌ ഡ്രാഫ്റ്റ്‌ ബ്ലോഗറില്‍ കാണുവാന്‍ സാധിക്കും. ഉദാഹരണം താഴെ.

അവിടെ ഏറ്റവും താഴത്തെ വരിയില്‍ വലത്തെയറ്റം ഒരു പുതിയ ലിങ്ക് കാണാം - Stats എന്ന പേരില്‍. ഇതാണ് ബ്ലോഗറിന്റെ സ്വന്തം "ആരൊക്കെ വന്നു / എവിടെനിന്നൊക്കെ വന്നു" എന്ന് കാണിച്ചു തരുന്ന സംഭവം.

Stats ലിങ്കില്‍ ക്ലിക്ക്‌ ചെയ്തു നോക്കൂ. താഴെക്കാണുന്നത് പോലെ ഒരു പേജു ലഭിക്കും.

നിങ്ങളുടെ ബ്ലോഗിന്റെ സന്ദര്‍ശകവിവരങ്ങളുടെ ഒരു രത്നചുരുക്കം (overview) ആണിത്. ഏറ്റവും ആദ്യം ഒരു ഗ്രാഫിക് വിവരണം കാണുന്നത് സന്ദര്‍ശകരുടെ എണ്ണം ആണ്. ഇത് തന്നെ Now, Last day, Last week, Last month, All times എന്നിങ്ങനെ അഞ്ചു വിധത്തില്‍ കാണാം. Now എന്ന ലിങ്കില്‍ ക്ലിക്ക്‌ ചെയ്‌താല്‍ ഇപ്പോള്‍ എത്രപേര്‍ വായിക്കുന്നു, അല്ലെങ്കില്‍ എത്രമണിക്ക് ബ്ലോഗില്‍ എത്തി തുടങ്ങിയ വിവരങ്ങള്‍ കാണാം. Last day ഇന്നലത്തെ സന്ദര്‍ശക വിവരങ്ങള്‍ ആണ്. Last week കഴിഞ്ഞ ഒരാഴ്ചത്തെ ഡാറ്റ തരുന്നു. ഓരോ ലിങ്കും ക്ലിക്ക്‌ ചെയ്തു നോക്കി വ്യത്യാസം മനസ്സിലാക്കുക.

Posts എന്ന മുകളിലുള്ള ലിങ്കില്‍ ക്ലിക്ക്‌ ചെയ്‌താല്‍ നിങ്ങളുടെ ബ്ലോഗിലെ ഓരോ പോസ്റ്റുകളുടെ തലക്കെട്ടും അവയില്‍ ഓരോന്നും എത്ര പേര്‍ വായിച്ചിട്ടുണ്ട് എന്നും കാണാം. ബ്ലോഗില്‍ സ്വന്തന്ത്ര പേജുകള്‍ ഉണ്ടെങ്കില്‍ അവയിലെ സന്ദര്‍ശക വിവരങ്ങളും ലഭ്യമാണ്. ഇവിടെയും Now, Last day, Last week, Last month, All times എന്ന അഞ്ചു ഓപ്ഷനുകളും ലഭ്യമാണ്.

Traffic source എന്ന ലിങ്കില്‍ ക്ലിക്ക്‌ ചെയ്‌താല്‍ ഏതൊക്കെ സൈറ്റുകളില്‍ നിന്നാണ് സന്ദരശകര്‍ നിങ്ങളുടെ ബ്ലോഗിലേക്ക് എത്തിയത് എന്നതിന്റെ വിവരണം കാണാം.

ഏറ്റവും അവസാനത്തെ ഓപ്ഷന്‍ ആയ Audience ലോകത്തിന്റെ ഏതൊക്കെ ഭാഗങ്ങളില്‍ നിന്നാണ് സന്ദര്‍ശകര്‍ നിങ്ങളുടെ ബ്ലോഗില്‍ എത്തിയത് എന്നതിന്റെ ഒരു സചിത്ര വിവരണം തരുന്നു. ഓരോ രാജ്യങ്ങളില്‍ നിന്നുള്ള സന്ദര്‍ശകരുടെ എണ്ണം, അവര്‍ ഉപയോഗിച്ച വെബ് ബ്രൌസറുകള്‍, operating system തുടങിയ വിവരങ്ങള്‍ ഇവിടെ കിട്ടും. ഫീഡ്ജിറ്റ് നല്‍കുന്ന സൌകര്യത്തിന്റെ ഒരു ചെറു പതിപ്പ് എന്ന് വേണമെങ്കില്‍ ഇതിനെ വിളിക്കാം.

ഇത്രയും സൌകര്യങ്ങളാണ് തല്‍ക്കാലം ബ്ലോഗറിന്റെ സ്വന്തം പേജ് ഹിറ്റ്‌ കൌണ്ടര്‍ തരുന്നത്. കൂടുതല്‍ സൌകര്യങ്ങള്‍ ഉള്പ്പെടുത്തിയെക്കാം. ഈ ബ്ലോഗില്‍ ഇതിനു മുമ്പ് പരിചയപ്പെടുത്തിയ Feedjit, Stat counter തുടങ്ങിയ third party gadgets തരുന്ന എല്ലാ സൌകര്യങ്ങളും ഇല്ലെങ്കിലും പ്രത്യേകിച്ചു ഒന്നും ചെയ്യാതെതന്നെ നമ്മുടെ ഡാഷ്ബോര്‍ഡില്‍ തന്നെ ഇത്തരം ഒരു സൗകര്യം ഗൂഗിള്‍ നല്‍കുമ്പോള്‍ അത് നല്ലത് തന്നെ എന്ന് പറയാതെവയ്യ. പക്ഷേ ഓര്‍ക്കുക, എപ്പോഴൊക്കെ നിങ്ങളുടെ ബ്ലോഗിലെ സന്ദര്‍ശക ഡാറ്റ കാണണം എന്ന് ആഗ്രഹിച്ചാലും, (തല്‍ക്കാലം) ബ്ലോഗറില്‍ ലോഗിന്‍ ചെയ്യുമ്പോള്‍ http://draft.blogger.com/ എന്ന അഡ്രസ്‌വഴി ലോഗിന്‍ ചെയ്യുക. ഡ്രാഫ്റ്റ്‌ ഡോട്ട് ബ്ലോഗര്‍ ഡോട്ട് കോം.

ആദ്യാക്ഷരിക്ക് രണ്ടു വയസ്സ്

2010-06-01T18:19:00.000+04:00

ജൂണ്‍ 1, 2008 നു ആണ് ആദ്യാക്ഷരി ബ്ലോഗ്‌ ആദ്യമായി ബ്ലോഗ്‌ ലോകത്തിനു സമര്‍പ്പിച്ചത്.
ആദ്യ പോസ്റ്റ്‌ ഇവിടെ

ഈ ബ്ലോഗിനെ ഇതുവരെ എത്തിച്ച എല്ലാവരോടും ഉള്ള നന്ദിയും സന്തോഷവും ഇവിടെ ഹൃദയത്തിന്റെ ഭാഷയില്‍ അറിയിക്കട്ടെ.

സ്നേഹപൂര്‍വം
അപ്പു

ചില്ലും ചതുരവും

2010-04-14T07:32:00.006+04:00

ഒരു പ്രധാനകാര്യം: ആദ്യാക്ഷരിയുടെ ആദ്യ അദ്ധ്യായത്തിൽ പറയുന്നരീതിയിൽ അഞ്ജലി ഫോണ്ട് ഇൻസ്റ്റാളർ ഉപയോഗിച്ചുതന്നെ നിങ്ങളുടെ സിസ്റ്റത്തിൽ ആദ്യമായി മലയാളം ഫോണ്ട് ഇൻസ്റ്റാൾ ചെയ്യുക. എന്നിട്ടും ചില്ലിനുപകരം ചതുരം കാണുന്നവർക്കാണ് ഈ ചാപ്റ്ററിലെ വിവരങ്ങൾ പ്രയോജനപ്പെടുക.

യൂണികോഡ്‌ രീതിയില്‍ ചില്ലുകളെ എങ്ങനെയാണ് കൈകാര്യം ചെയ്യുന്നത് എന്നതിന്റെ technical part അറിയാന്‍ ആഗ്രഹിക്കുന്നവര്‍ വരമൊഴി വിക്കിയിലെ Unicode concepts എന്ന അദ്ധ്യായം വായിച്ചു നോക്കുക.

നിങ്ങളിൽ ചിലരുടെയെങ്കിലും വെബ് ബ്രൌസറുകളിൽ മലയാളം ബ്ലോഗ് പോസ്റ്റുകൾ തുറക്കുമ്പോൾ ചില്ലക്ഷരങ്ങൾക്ക് ഒരു പ്രശ്നം ശ്രദ്ധിച്ചുട്ടുണ്ടാവുമല്ലോ. ചില്ലുകൾക്ക് പകരം ഒന്നുകിൽ ഒരു ചതുരം അല്ലെങ്കിൽ ഒരു Ⓡ ചിഹ്നം ആണ് പ്രത്യക്ഷപ്പെടുന്നത്. പലരും ഇത് അവരുടെ ബ്ലോഗിനു സംഭവിച്ച എന്തോ തകരാണെന്ന മട്ടിൽ ഇവിടെ പരാതിപ്പെട്ടുകണ്ടിട്ടുണ്ട്. മറ്റുചിലർ ധരിച്ചിരിക്കുന്നത് അവർ മലയാളം എഴുതാനായി ഉപയോഗിച്ച സോഫ്റ്റ്വെയറിന്റെ തകരാറാണെന്നാണ്. പക്ഷെ സംഗതി അതൊന്നുമല്ല എന്നതാണ് സത്യം!

മലയാളഭാഷ ഇന്റർനെറ്റിലേക്ക് കടന്നുവന്ന് ഇത്രയധികം ജനപ്രീതിനേടുവാൻ പ്രധാനമായ പങ്കുവഹിച്ചത് മലയാളം യൂണിക്കോഡ് ഫോണ്ടുകളുടെ വരവാണ്. യൂണിക്കോഡ് ഫോണ്ടുകളും യൂണിക്കോഡ് അല്ലാത്ത ഫോണ്ടുകളും തമ്മിലുള്ള വ്യത്യാസം എന്താണെന്ന് ഈ ബ്ലോഗിലെ യൂണിക്കോഡ് ഫോണ്ടുകൾ എന്ന അദ്ധ്യായത്തിൽ വിവരിച്ചിട്ടുണ്ട്. എങ്കിലും കമ്പ്യൂട്ടർ ഭാഷകളെ അത്ര പിടിപാടില്ലാത്ത സാധാരണക്കാർക്ക് മനസ്സിലാകുന്ന ഭാഷയിൽ അത് ഒന്നുകൂടി പറയുവാൻ ശ്രമിക്കാം. കമ്പ്യൂട്ടർ ഉപയോഗിച്ച് നാം ഏതുഭാഷയിൽ ടൈപ്പ് ചെയ്യുമ്പോഴും, ഉപയോഗിക്കുന്ന കമ്പ്യൂട്ടർകീബോർഡ് ഒന്നുതന്നെയാണെങ്കിലും സ്ക്രീനിൽ തെളിയുന്ന ലിപികൾ മാറിമാറി വരുന്നത് എങ്ങനെ എന്നു ചിന്തിച്ചിട്ടുണ്ടൊ? ഒരു ഭാഷയിലെ ലിപികളെ കമ്പ്യൂട്ടർ മനസ്സിലാക്കുന്നത് രണ്ടുകാര്യങ്ങളിൽക്കൂടിയാണ്. (1) നമ്മൾ തെരഞ്ഞെടുത്തിരിക്കുന്ന ഇൻപുട്ട് രീതി - ഇതാണ് ഭാഷ ഏതാണെന്ന് കമ്പ്യൂട്ടറിന് പറഞ്ഞുകൊടുക്കുന്നത് (2) ഈ ഇൻപുട്ട് രീതിക്ക് അനുസരിച്ച് കീബോർഡിൽ നാം അമർത്തുന്ന ഓരൊ കീ കളുടെയും കോഡുകൾ. ഈ കോഡുകൾ ഒരു നമ്പർ ആയിരിക്കും.

ചുരുക്കത്തിൽ നാം കമ്പ്യൂട്ടറിൽ എഴുതുന്ന കഥയും കവിതയുമെല്ലാം കമ്പ്യൂട്ടറിനെ സംബന്ധിച്ചിടത്തോളം കുറേ നമ്പറുകൾ മാത്രമാണ്. ലോകത്തിലെ സർവ്വ ഭാഷകളിലേയും ലിപികളെ വെവ്വേറെ കോഡുനമ്പറുകളായാണ് കമ്പ്യൂട്ടർ മനസ്സിലാക്കുന്നത്. ഇങ്ങനെ യൂണിക്കോഡ് രീതിയിലുള്ള ലിപികൾക്ക് കോഡ് നമ്പർ നിശ്ചയിക്കുന്നത് യൂണിക്കോഡ് കൺസോർഷ്യം ആണ്. ഉദാഹരണത്തിന് മലയാളത്തിലെ ലിപികൾക്ക് യൂണിക്കോഡ് നിർവ്വചിച്ചിരിക്കുന്ന കോഡുകൾ എന്തൊക്കെയാണ് എന്ന് ഈ പേജിൽ കാണാം.

മലയാളത്തിലെ “അ” എന്ന അക്ഷരത്തിന്റെ കോഡ് നമ്പറുകൾ എങ്ങനെയൊക്കെയാണ് നിർവ്വചിച്ചിരിക്കുന്നതെന്നു നോക്കൂ. മറ്റൊരു കാര്യം ശ്രദ്ധിക്കേണ്ടത്, ഒരു ഭാഷയിലെ എല്ലാ യൂണിക്കോഡ് ഫോണ്ടുകളുടെയും ലിപികളുടെ കോഡിംഗ് ഒന്നുതന്നെ എന്നതാണ് - ഫോണ്ട് അഞ്ജലി ആയാലും കാർത്തിക ആയാലും മീര ആയാലും ഒരേ കോഡിംഗ് രീതി പിന്തുടർന്നെങ്കിലേ എഴുതിയിരിക്കുന്ന കാര്യം ഒരേ പോലെ ഡിസ്പ്ലേ ചെയ്യാൻ കമ്പ്യൂട്ടറിനാവുകയുള്ളൂ. അല്ലെങ്കിലത്തെ അവസ്ഥ ഒന്നാലോചിച്ചു നോക്കൂ - ചക്ക എന്ന് ഒരു ഫോണ്ടിൽ എഴുതിയ ടെക്സ്റ്റ് കൊക്ക് എന്ന് മറ്റൊരു ഫോണ്ടിൽ കണ്ടാൽ എങ്ങനെയിരിക്കും !!

Unicode Character Details for "അ"

അ

MALAYALAM LETTER A

Unicode Hexadecimal:
0x0D05

UCS-2 Hexadecimal:
0x050D

HTML Code Hexadecimal:
അ

Unicode Decimal:
3333

UCS-2 Decimal:
1293

HTML Code Decimal:
അ

യൂണിക്കോഡ് കൺസോർഷ്യം ഇങ്ങനെ ലിപികൾക്ക് കോഡുകൾ നിർവചിച്ചു വച്ചിരുന്ന കൂട്ടത്തിൽ ലോകത്തിലെ മറ്റു ഭാഷകളിലൊന്നും ഇല്ലാത്ത നമ്മുടെ ചില്ലുകൾക്ക് നേരത്തെ നൽകിയിരുന്ന സ്ഥാനം പുനക്രമീകരിച്ചു. അങ്ങനെ ചില്ലുകൾക്ക് ആദ്യകാലത്ത് ഉണ്ടായിരുന്ന കോഡ് നമ്പർ സ്ഥാനം ഇടയ്ക്ക് വച്ച് ഇല്ലാതെ പോയി. അതായത് ചില്ലുകൾക്ക് ആദ്യകാലത്ത് നിശ്ചയിച്ചിരുന്ന കോഡ് നമ്പർ പിന്നീട് ഒരു സമയത്ത് മറ്റു ചില കോഡുകളാക്കി മാറ്റി. ഫലമോ? ആദ്യ നിർവചനം അനുസരിച്ച് ഉണ്ടാക്കിയിരുന്ന മലയാളം യൂണിക്കോഡുകളിലെ ചില്ലുകളുടെ സ്ഥാനം മാറ്റപ്പെട്ടു. തന്മൂലം പഴയ ഫോണ്ടുകൾ ഉപയോഗിച്ച് എഴുതിയിരുന്ന മലയാളം ടെക്സ്റ്റുകൾ പിന്നീട് പുതിയ ഫോണ്ടുകളിൽ വായിക്കുമ്പോൾ ആ സ്ഥാനങ്ങൾ ചതുരവും വൃത്തവും ഏറ്റെടുത്തു.

അപ്പോൾ പ്രശ്നം ഇത്രയേ ഉള്ളു. നിങ്ങൾ നിങ്ങളുടെ കമ്പ്യൂട്ടറിൽ മലയാളം യൂണീക്കോഡ് ഫോണ്ട് ഏതാണ് ഡിഫോൾട്ട് സെറ്റിംഗിൽ ചെയ്തിരിക്കുന്നത് എന്നതനുസരിച്ചാണ് ചില്ലുകളെ ചതുരമായോ അല്ലാതെയോ കാണുന്നത്. ഈ പ്രശ്നം പരിഹരിക്കാനായി ഒരു ഞൊടുക്കു വിദ്യ നമ്മുടെ ഫോണ്ട് നിർമ്മിച്ച സുഹൃത്തുക്കൾ ചെയ്തു. ഉദാഹരണത്തിന് അജ്ഞലി ഓൾഡ് ലിപി ഫോണ്ടിന്റെ ഏറ്റവും പുതിയ വേർഷനിൽ ചില്ലുകളുടെ പഴയ സ്ഥാനങ്ങളിലും പുതിയ സ്ഥാനങ്ങളിലും ചില്ലക്ഷരങ്ങൾ ഉണ്ട്. അതുകൊണ്ട് അജ്ഞലി ഓൾഡ് ലിപി ഫോണ്ട് ബ്രൌസറുകളിൽ സെറ്റ് ചെയ്തിരിക്കുന്നവർ ചില്ലിനെ ചതുരമായി കാണുകയില്ല. അതുപോലെ നിങ്ങൾ അഞ്ജലി ഓൾഡ് ലിപി ഫോണ്ട് ഉപയോഗിച്ച് എഴുതുന്ന മലയാളം ടെക്സ്റ്റിലും ഈ പ്രശ്നം കണ്ടു എന്നു വരികയില്ല. പക്ഷേ നിങ്ങളുടെ പോസ്റ്റ് വായിക്കുന്ന മറ്റൊരു കമ്പ്യൂട്ടറിൽ ഇതുപോലെ അജ്ഞലി ഓൾഡ് ലിപി ആവണം എന്നില്ല ഡിഫോൾട്ട് മലയാളം ആയി സെറ്റ് ചെയ്തിരിക്കുന്നത്. പകരം കാര്‍ത്തിക, ഏരിയൽ യൂണിക്കോഡ്, രചന മുതലാ‍യ ഫോണ്ടുകളിൽ ഏതെങ്കിലും ആവാം. അവർ നിങ്ങളുടെ പോസ്റ്റുകൾ അവരുടെ കമ്പ്യൂട്ടറിൽ തുറക്കുമ്പോൾ ചില്ലുകൾക്ക് പകരം ചതുരം കാണുകയും ചെയ്യും. അതായത് ‘ര്‍’,‘ല്‍’,‘ള്‍,‘ന്‍’,‘ണ്‍’ - ഈ അക്ഷരങ്ങള്‍ അവര്‍ക്ക് തിരിച്ചറിഞ്ഞു വായിക്കാനാവില്ല!

നിങ്ങളുടെ സിസ്റ്റത്തിലെ ഫോണ്ടിന് പ്രശ്നം ഉണ്ടോ?

ഇത് നോക്കുവാനുള്ള എളുപ്പവഴി പറയാം. നിങ്ങളുടെ വെബ് ബ്രൌസറിൽ ഡിഫോൾട്ട് മലയാളം ഫോണ്ടായി അഞ്ജലി ഓൾഡ് ലിപിക്ക് പകരം മറ്റൊരു യൂണീക്കൊഡ് മലയാളം ഫോണ്ട് സെലക്റ്റ് ചെയ്യുക. ഉദാഹരണത്തിന് രചന, മീര ഇവയിലേതെങ്കിലും ഡിഫോൾട്ട് ഫോണ്ട് ആയി തൽക്കാലത്തേക്ക് സെറ്റ് ചെയ്യൂ. (എങ്ങനെ എന്ന് ഈ ബ്ലോഗിലെ മാനുവലായി ഫോണ്ട് സെറ്റ്

ചെയ്യാം എന്ന അദ്ധ്യായത്തിലുണ്ട്). ഇനി നിങ്ങളുടെ തന്നെ ഒരു ബ്ലോഗ് പോസ്റ്റും അതിലെ കമന്റുകളും നോക്കൂ. ചില്ലുകൾക്ക് പകരം ചതുരം കാണുന്നുണ്ടോ? ഉണ്ടെങ്കിൽ പെട്ടു എന്നർത്ഥം! ഇല്ലെങ്കിൽ പ്രശ്നമൊന്നുമില്ല.

പ്രശ്നം പരിഹരിക്കുന്നത് എങ്ങനെ?

നിങ്ങൾ എഴുതാനുപയോഗിക്കുന്ന അജ്ഞലി ഓൾഡ് ലിപി ഫോണ്ട് ഏറ്റവും പുതിയ വേർഷൻ ആണോ എന്നു നോക്കുക. ഇത് ചെയ്യുവാൻ C:/windows/fonts എന്ന ഫോൾഡറിലേക്ക് പോയി, അവിടെയുള്ള അജ്ഞലി ഓൾഡ് ലിപി എന്ന ഫോണ്ട് ഫയലിൽ മൌസ് റൈറ്റ് ക്ലിക്ക് ചെയ്ത് Properties എടുക്കുക. അവിടെ Size on disk : 424 kb എന്നാണോ കാണുന്നത് എന്നു നോക്കുക. അല്ലെങ്കിൽ, നിങ്ങളുടെ സിസ്റ്റത്തിലുള്ള ഫോണ്ട് വേർഷൻ ഏറ്റവും പുതിയതല്ല എന്നുമനസ്സിലാക്കാം.

അങ്ങനെ അല്ലെങ്കിൽ വിന്റോസ് ഫോണ്ട്സ് ഫോൾഡറിലെ അജ്ഞലി ഓൾഡ് ലിപി ഫോണ്ട് ഡിലീറ്റ് ചെയ്യുക. അതിനുശേഷം താഴെക്കാണുന്ന ലിങ്കുകളിൽ നിന്ന് പുതിയ വേർഷൻ ഡൌൺലോഡ് ചെയ്ത് വിന്റോസ് ഫോണ്ട്സ് ഫോൾഡറിൽ സേവ് ചെയ്യാം. ഒപ്പം രചന, മീര ഫോണ്ടുകളുടെ ചില്ലു പ്രശ്നം പരിഹരിച്ച വേർഷൻ സിബു തയ്യാറാക്കിയതും (11-2-2010) അതിനുതാഴെയുള്ള ലിങ്കിൽ നിന്ന് ലഭിക്കും. അവയും നിങ്ങളുടെ സിസ്റ്റത്തിൽ സേവ് ചെയ്യാവുന്നതാണ്. ഇനി പഴയതുപോലെ ഡിഫോൾട്ട് ഫോണ്ട് മാറ്റിയിട്ട് നിങ്ങളുടെ പോസ്റ്റുകൾ നോക്കൂ. (ഫോണ്ട് ഇൻസ്റ്റലേഷൻ കഴിഞ്ഞ് ബ്രൌസർ അടച്ചു വീണ്ടും തുറക്കണം- എന്നിട്ടേ ഫോണ്ട് മാറ്റം പരീക്ഷിക്കാവൂ).

അഞ്ജലി ഓൾഡ് ലിപി
കാർത്തിക (ഇത് മൈക്രോസോഫ്റ്റ് ഓപ്പറേറ്റിംഗ് സിറ്റത്തിൽ ഉണ്ട്)
രചന, മീര (ചില്ല് പ്രശ്നം പരിഹരിച്ച വേർഷൻ 11-ഫെബ്രുവരി-2010)

അതുപോലെ വരമൊഴി എഡിറ്റർ ഉപയോഗിച്ച് ആരെങ്കിലും എഴുതുന്നുണ്ടെങ്കിൽ അതിന്റെ വേർഷൻ പരിശോധിക്കുക. 1.08.02 ആണ് ഏറ്റവും പുതിയ വേർഷൻ.

മറ്റ് പോസ്റ്റുകൾ വായിക്കുമ്പോൾ ചതുരം കാണുന്നുവെങ്കിൽ:

നിങ്ങളുടെ ബ്രൌസർ സെറ്റിംഗ് ശരിയായി ചെയ്തിട്ടുണ്ടോ എന്നുനോക്കുക. ഡിഫോൾട്ടായി ചില്ലു പ്രശ്നം പരിഹരിച്ച ഫോണ്ടിൽ ഏതെങ്കിലും ഒന്ന് സെറ്റ് ചെയ്യുക. പോസ്റ്റ് എഴുതിയ ആളെ നിങ്ങൾക്ക് അറിയിക്കുകയുമാവാം - അദ്ദേഹത്തിന്റെ കമ്പ്യൂട്ടറിൽ പുതിയ വേർഷൻ ഫോണ്ടുകൾ സേവ് ചെയ്യുവാനും, പഴയവയെ ഡിലീറ്റ് ചെയ്യുവാനും ആവശ്യപ്പെടാം.

ഗൂഗിൾ ക്രോം ചതുരങ്ങൾ:

ഗൂഗിൾ ക്രോമിൽ മലയാളം എഴുതുന്നവർ ചില പ്രശ്നങ്ങൾ ശ്രദ്ധിച്ചിട്ടുണ്ടാവും. ചില കമ്പ്യൂട്ടറുകളെ ക്രോമിൽ കീമാൻ, ഗൂഗിൾ ട്രാൻസ്ലിറ്ററേഷൻ, ഗൂഗിൾ മലയാളം ഇൻ‌പുട്ട് ഇതിൽ ഏതുപയോഗിച്ച് എഴുതിയാലും ചതുരങ്ങളേ വരൂ ! മറ്റു ചില കമ്പ്യൂട്ടറുകൾ ചില ഫീൽഡുകളിലാണ് ക്രോമിനു പ്രശ്നം. ഉദാഹരണം ജി.മെയിലിൽ അഡ്രസ് എഴുതുന്ന ഫീൽഡിൽ കുഴപ്പമില്ല, ലെറ്ററിന്റെ മാറ്റർ എഴുതാനുള്ള ഫീൽഡിൽ കുഴപ്പമാണ്! ബ്ലോഗ് പോസ്റ്റിന്റെ ടൈറ്റിൽ ഫീൽഡിൽ പ്രശ്നം, കണ്ടന്റ് ഫീൽഡിൽ പ്രശ്നമില്ല. മറ്റു ചില ക്രോമുകളിൽ ചില്ലിനു പകരം ചതുരം വരും. മറ്റു ചിലവയിൽ എഴുത്ത് എഴുതുമ്പോൾ വരുന്ന മലയാള ഫോണ്ടല്ല Sent ഫോൾഡറിൽ കാണുന്നത്. ഗൂഗിൾ ക്രോം കാർത്തിക യൂണിക്കോഡ് ഫോ‍ണ്ട് ഡിഫോൾട്ടായി സെലക്റ്റ് ചെയ്യുന്നതുകൊണ്ടാണിത് എന്ന് തോന്നുന്നു.

ഇത് പരിഹരിക്കാൻ ഞാൻ ചെയ്യാറുള്ളത് മെതേഡ്, ജി.മെയിലിൽ ആണെങ്കിൽ എഴുതാൻ തുടങ്ങുന്നതിനു മുമ്പ് ഫോണ്ട് എന്ന ഐക്കണിൽ നിന്ന് San Serif സെലക്റ്റ് ചെയ്തിട്ട് എഴുത്തു തുടങ്ങുക എന്നതാണ്. അതിനുശേഷം പ്രശ്നം ഉണ്ടാവുകയില്ല. അഞ്ജലി ഓൾഡ് ലിപി ഫോണ്ട് തന്നെ ഉപയോഗിച്ച് എഴുതാം.

G - Talk ചതുരം:

മലയാളത്തിൽ ചാറ്റിംഗിന് ഒരുങ്ങുന്നവർ മറ്റൊരു കാര്യം ശ്രദ്ധിച്ചുകാണും. ജിമെയിലിനിന്ന് മലയാളത്തിൽ ചാറ്റാൻ ഒരു പ്രശ്നംവും ഇല്ല. എന്നാൽ ജി. ടോക്കിൽ ചതുരം! എഴുതുന്ന ഫീൽഡിൽ ചതുരം. എന്റർ അടിച്ചു കഴിഞ്ഞാൽ മലയാളം. ഇത് എളുപ്പം പരിഹരിക്കാവുന്ന ഒരു പ്രശ്നമാണ്. ജി.ടാക്കിൽ സെറ്റിംഗ്സ് എന്നൊരു ലിങ്ക് കാണാം, വിന്റോയുടെ മുകളിൽ വലതു മൂലയ്ക്ക്. അതിൽ ക്ലിക്ക് ചെയ്യുക. Change font എന്നൊരു ബട്ടൺ ഉണ്ടാവും പുതിയ വിന്റോയിൽ. അതിൽ ക്ലിക്ക് ചെയ്ത് ഫോണ്ട് അജ്ഞലി ഓൾഡ് ലിപി എന്നു മാറ്റുക. OK, OK ക്ലിക്ക് ചെയ്തു പുറത്തുപോരൂ. പ്രശ്നം കഴിഞ്ഞില്ലോ, അല്ലേ.

മറ്റു ചർച്ചകൾ:

ആദ്യാക്ഷരിയുടെ ഒന്നാം അദ്ധ്യായത്തിലെ 90 മുതൽ 100 വരെയുള്ള കമന്റുകളിലെ ചർച്ച ഒന്നു വായിച്ചു നോക്കൂ. അവിടെ മോസില്ലയിൽ, ചതുരച്ചില്ലുകളെ നേരെയാക്കി വായിക്കുവാനുള്ള ഒരു ആഡ് ഓൺ നെപ്പറ്റി കേരള ഫാർമർ (ചന്ദ്രേട്ടൻ) പറയുന്നുണ്ട്. അതിന്റെ ഗുണദോഷങ്ങളെപ്പറ്റി വിശ്വേട്ടനും സിബുവും പറയുന്ന കാര്യങ്ങളും നോക്കൂ.

സംഗ്രഹം:

ചില്ലുകൾ ചതുരമായികാണുന്നത് വായിക്കുന്ന ആളിന്റെ കമ്പ്യുട്ടറിലെ ഫോണ്ട് സെറ്റിംഗ് കൊണ്ടുണ്ടാകുന്ന തകരാറാണ്. ഇത് ബ്ലോഗിന്റെ പ്രശ്നമല്ല. ശരിയായ ഫോണ്ട് സെറ്റ് ചെയ്യുക വഴി പ്രശ്നം പരിഹരിക്കാം. കൂടുതൽ പ്രശ്നങ്ങൾ ഉള്ളവർ ഇവിടെ കമന്റായി പറയൂ..

ടെമ്പ്ലേറ്റുകൾ ഇനി സ്വന്തമായി ഡിസൈൻ ചെയ്യാം

2010-03-27T07:52:00.003+04:00

ബ്ലോഗർ ഉപയോക്താക്കൾക്ക് ഒരു സന്തോഷവാർത്തയുമാണ് ഗൂഗിൾ ഇന്നലെ എത്തിയത്. നിങ്ങളുടെ ബ്ലോഗിന്റെ ടെമ്പ്ലേറ്റുകൾ ഇനി നിങ്ങൾക്ക് സ്വന്തമായി ഡിസൈൻ ചെയ്യാം ! HTML Code കൈകാര്യം ചെയ്യുന്നതിൽ വൈദഗ്ദ്ധ്യമുള്ളവർക്ക് മാത്രം സാധ്യമാവുന്ന ഒന്നായിരുന്നു ബ്ലോഗ് ടെമ്പ്ലേറ്റിന്റെ ഡിസൈനിംഗ് ഇത്രയും നാൾ. നിങ്ങളുടെ ബ്ലോഗിൽ ഒരു സൈഡ് ബാർ കൂട്ടിച്ചേർക്കണോ, അതോ ബ്ലോഗിന്റെ ബോഡിയുടെ വീതി കുറച്ചൂ കൂടി കൂട്ടണോ, അല്ലെങ്കിൽ ബാക്ക്ഗ്രണ്ടിൽ ഒരു ചിത്രം കൂട്ടിച്ചേർക്കണോ. ഒന്നിനും ഒരു പ്രയാസവുമില്ല. സാധാരണക്കാർക്കും ഇതൊക്കെ നിഷ്പ്രയാസം ചെയ്യാവുന്ന രീതിയിലാണ് ബ്ലോഗർ ടെമ്പ്ലേറ്റ് ഡിസൈനിംഗ് ഗൂഗിൾ അവതരിപ്പിക്കുന്നത്.

ഇത്രയും നാൾ ഉയർന്നുകേട്ടിരുന്ന മറ്റൊരു ഒരു പരാതിയായിരുന്നു ബ്ലോഗറിലെ ഡിഫോൾട്ട് ടെമ്പ്ലേറ്റുകൾക്ക് ഭംഗിയില്ല എന്നത്. അതിനാൽ ബ്ലോഗിന്റെ സൌന്ദര്യം അന്വേഷിച്ച് നടന്നവർ പുറമേ നിന്ന് ലഭ്യമായ ടെമ്പ്ലേറ്റുകൾ ബ്ലോഗുകളിൽ ഉപയോഗിച്ചു പോരുന്നു. ഇനി അതിന്റെ ആവശ്യവുമില്ല. മനോഹരമായ ടെമ്പ്ലേറ്റുകളിലേക്ക് നിങ്ങളുടെ ബ്ലോഗിനെ നിങ്ങൾക്ക് മാറ്റിയെടുക്കാം, മിനിറ്റുകൾക്കുള്ളിൽ!

ബ്ലോഗർ ഡ്രാഫ്റ്റ്:

ബ്ലോഗിലെ പുതിയ സൌകര്യങ്ങൾ മിക്കതും ആദ്യം കൂട്ടിച്ചേർക്കുന്നത് ഡ്രാഫ്റ്റ് ബ്ലോഗറിൽ ആണ്. ഡ്രാഫ്റ്റ് ബ്ലോഗർ എന്നത് നമ്മൾ ഇപ്പോൾ ഉപയോഗിച്ചു കൊണ്ടിരിക്കുന്ന ബ്ലോഗർ ഡാഷ്ബോർഡിന്റെ ഒരു അഡ്വാൻസ്ഡ് പതിപ്പ് ആണെന്നേയുള്ളു. വലിയ വ്യത്യാസങ്ങൾ ഇല്ല. അവിടേക്ക് പോകുവാൻ ഉള്ള യു.ആർ.എൽ http:draft.blogger.com എന്നാണ്. ഡ്രാഫ്റ്റ് ബ്ലോഗറീന്റെ ടെമ്പ്ലേറ്റ് തുറന്നുവരും. ആദ്യമായാണ് നിങ്ങൾ ഈ സൈറ്റ് തുറക്കുന്നതെങ്കിൽ ഇനിമുതൽ അങ്ങോട്ട് നിങ്ങൾ എപ്പോൾ ബ്ലോഗർ തുറന്നാലും ഡാഷ്ബോർഡ് ഡ്രാഫ്റ്റ് ബ്ലോഗറിലേത് കാണിച്ചുതന്നാൽ മതിയോ എന്നൊരു ചോദ്യം കാണാം. ആവശ്യമെങ്കിൽ ഇവിടെ ടിക് ചെയ്യുക. ഇല്ലെങ്കിൽ ടിക് ചെയ്യേണ്ട ആവശ്യമേയില്ല.

ഡ്രാഫ്റ്റ് ഡാഷ്ബോർഡിന് ഇപ്പോൾ നിങ്ങൾ ഉപയോഗിച്ചുകൊണ്ടിരിക്കുന്ന ഡാഷ്ബോർഡുമായി വ്യത്യാസമൊന്നുമില്ല എന്നു ശ്രദ്ധിക്കുമല്ലോ. ഇനി നിങ്ങളുടെ ബ്ലോഗിന്റെ Layout എന്ന ലിങ്കിൽ ക്ലിക്ക് ചെയ്യുക. ലേഔട്ട് പേജിൽ മുകളിലുള്ള ഓപ്ഷനുകളിൽ ഒരെണ്ണം പുതിയതായി കൂട്ടിച്ചേർക്കപ്പെട്ടിരിക്കുന്നതു ശ്രദ്ധിക്കുക. Template Designer എന്നാണ് ഈ ലിങ്കിന്റെ പേര്.

ടെമ്പേറ്റ് ഡിസൈനർ ടാബിൽ ക്ലിക്ക് ചെയ്തു കഴിഞ്ഞാൽ പുതിയ ഡിസൈനർ പേജിന്റെ വർണ്ണലോകത്തേക്ക് എത്താം. താഴെക്കൊടുത്തിരിക്കുന്ന ചിത്രം ഒന്നു ക്ലിക്ക് ചെയ്ത് വലുതാക്കി കണ്ടുനോക്കൂ. അതിലെ വെവ്വേറെയായി അടയാളപ്പെടുത്തിയിരിക്കുന്ന ഭാഗങ്ങൾ ഒരോന്നും എന്താണെന്ന് പറയാം.

ഇടതുവശത്ത് നാല് ഓപ്ഷനുകളാണുള്ളത്. Templates, Background, Layout, Advanced ഇവയാണ് ഡിസൈൻ പേജിന്റെ മുഖ്യഭാഗങ്ങൾ. ഇവയിൽ ഏതാണോ സെലക്റ്റ് ചെയ്തിരിക്കുന്നത് അതിന്റെ ലഭ്യമായ ടൂളുകളും ഓപ്ഷനുകളുമാണ് വലതുവശത്തെ ചുവപ്പുനിറത്തിൽ മാർക്ക് ചെയ്തിരിക്കുന്ന ഭാഗത്ത് കാണുന്നത്. വലതുവശത്ത് ഓപ്ഷനുകളിൽ ഏതാണോ ഇപ്പോൾ തത്സമയം (live) ഡിസൈനിൽ നിങ്ങൾ പരീക്ഷിച്ചുകൊണ്ടിരിക്കുന്നത് അതാണ് Live on blog എന്ന പച്ചനിറത്തിൽ മാർക്ക് ചെയ്തിരിക്കുന്ന ഭാഗത്തുള്ളത്. ഇവയുടെയെല്ലാം ലൈവ് പ്രിവ്യൂ ആണ് താഴെ ഫുൾ സ്ക്രീനിൽ കണ്ടുകൊണ്ടിരിക്കുന്നത്. മാറ്റങ്ങൾ എല്ലാം വരുത്തിക്കഴിഞ്ഞാൽ വലതുമുകളിൽ ഉള്ള Apply to blog ബട്ടണിൽ അമർത്തി മാറ്റങ്ങൾ സേവ് ചെയ്യാം.

ഇനി ഡിസൈനിംഗിന്റെ ഓരോ പടിയും നോക്കാം. നിലവിൽ ഈ ഡിസൈൻ പേജ് ധാരാളം ബ്ലോഗർ ഉപയോക്താക്കൾ പരീക്ഷിക്കുന്നുണ്ടാവും എന്നതിനാൽ പേജ് ലോഡാകുന്നതിനും മാറ്റങ്ങൾ ദൃശ്യമാകുന്നതിനും അല്പം കാലതാമസം നേരിടുന്നുണ്ട്. ഇത് ക്രമേണ പരിഹൃതമാകും.

1. Templates:

ആദ്യമായി ടെമ്പ്ലേറ്റ്സ് എന്ന ലിങ്കിൽ ക്ലിക്ക് ചെയ്യുക. ഇത് ഡിഫോൾട്ടായി ക്ലിക്ക് ചെയിട്ടുണ്ടാവും. ഇവിടെ നാലു വിധത്തിലുള്ള അടിസ്ഥാന ടെമ്പ്ലേറ്റ് ഡിസൈൻ ആണുള്ളത്. Simple, Picture Window, Awesome Inc., Watermark ഇവയാണ് ടെമ്പ്ലേറ്റ് ഡിസൈനിംഗിന്റെ ബേസിക് മോഡലുകളായി നിലവിലുള്ളത്. ഇവയിൽ പിക്സ്ചർ വിന്റോ എന്ന ഡിസൈനിനു മൂന്നു വ്യത്യസ്ത വേരിയേഷനുകളും ബാക്കി മൂന്നിനും നന്നാലു വ്യത്യസ്ത വേരിയേഷനും ഉൾപ്പടെ ആകെ 15 ബേസിക് ഡിസൈനുകൾ ഇപ്പോൽ ലഭ്യമാണ്. ഭാവിയിൽ കൂടുതൽ ഡിസൈനുകൾ ലഭ്യമായേക്കും. മനോഹരമാണ് ഈ ഡിസൈനുകൾ ഓരോന്നും. അവയുടെയെല്ലാം സ്ക്രീൻ ഷോട്ടുകൾ ഇവിടെ നൽകുന്നില്ല. നിങ്ങൾ തന്നെ പരീക്ഷിക്കുക. ഓരോന്നിലും ഒരൊറ്റ മൌസ് ക്ലിക്ക് ചെയ്താൽ മാത്രം മതി, നിങ്ങളുടെ ഇപ്പോഴുള്ള ബ്ലോഗ് ഈ പുതിയ ഡിസൈനിൽ എങ്ങനെ കാണാം എന്ന് ലൈവ് പ്രിവ്യൂവിൽ കാണാവുന്നതാണ്.

Background:

ടെമ്പ്ലേറ്റ് സെലക്റ്റ് ചെയ്തുകഴിഞ്ഞാൽ അടുത്തതായി ബാക്ക്ഗ്രൌണ്ട് കളറുകൾ സെലക്റ്റ് ചെയ്യാം.ഇവിടെ ബ്ലോഗിന്റെ ബാക്ക്ഗ്രൌണ്ട് , ഫോണ്ടുകൾ, ലിങ്കുകൾ, തീയതികൾ, തലക്കെട്ടുകൾ തുടങ്ങി വർണ്ണങ്ങളുമായി ബന്ധപ്പെട്ട കാര്യങ്ങളാണ് മാറുന്നത്. ഒരുകാര്യം കൂടി പറയട്ടെ, പിക്ചർ വിന്റോ എന്ന ടെമ്പ്ലേറ്റാണു നിങ്ങൾ ആദ്യപടിയിൽ സെലക്റ്റ് ചെയ്യുന്നതെങ്കിൽ ബ്ലോഗിന്റെ ബാക്ക്ഗ്രൌണ്ട് കളറുകൾ മാറുന്നില്ല, ഫോണ്ടുകളുടെയും ലിങ്കുകളുടെയും കളറുകൾ മാത്രമേ മാറുകയുള്ളൂ

ഇവിടെ Main colour theme എന്ന പേരിൽ ഒരു സെറ്റ് കളറുകളും സജഷൻസ് എന്നപേരിൽ മറ്റ് 12 കളർ തീമുകളും കാണാം. ഇഷ്ടമുള്ളവ മാറ്റിമാറ്റി പരീക്ഷിക്കുക.

ഇടതുവശത്തായി മറ്റൊരു ചെറിയ ചതുരം കാണുന്നുണ്ടല്ലോ. അതിന്റെ പേര് Background image എന്നാണ്. അതിൽ ക്ലിക്ക് ചെയ്താൽ ബായ്ക്ക്ഗ്രൌണ്ട് ചിത്രങ്ങളുടെ ഒരു കൂമ്പാരം തന്നെ ലഭിക്കും! 19 വിഭാഗങ്ങളിലായി നൂറിലേറെ ചിത്രങ്ങൾ! ഇഷ്ടമുള്ള ഒന്നിലേക്ക് ക്ലിക്ക് ചെയ്യുക. ഉടൻ തന്നെ ആ ചിത്രം നിങ്ങളുടെ ബ്ലോഗിന്റെ ബാക്ക്ഗ്രൌണ്ട് ആയി മാറുന്നത് ലൈവ് പ്രിവ്യൂവിൽ കണ്ട് ആനന്ദിക്കാം!

പലർക്കും ഇതൊരു കൺഫ്യൂഷൻ ആയേക്കും എന്നുറപ്പാണ്. കാരണം എല്ലാം മനോഹരമായ ചിത്രങ്ങൾ തന്നെ. ഇത്രയും ചെയ്തുകഴിഞ്ഞാൽ ബ്ലോഗിന്റെ ലേഔട്ട് ശരിയാക്കാം.

Layout:

ഇവിടെയാണ് ബ്ലോഗിന് എത്ര സൈഡ് ബാറുകൾ വേണം, അവയുടെ വീതി എത്രവേണം ഇതൊക്കെ തീരുമാനിക്കപ്പെടുന്നത്. മൂന്ന് ഓപ്ഷനുകൾ ഉണ്ട് ബോഡി ലേ ഔട്ട്, ഫുട്ടർ ലേ ഔട്ട്, അഡ്ജസ്റ്റ് വിഡ്ത്.

ബോഡി ലേ ഔട്ടിൽ എട്ടുവിധത്തിലുള്ള ലേഔട്ടുകളിൽ ഒരെണ്ണം സ്വീകരിക്കാം. ഇവയിൽ ഓരോന്നിലും സൈഡ് ബാറുകളുടെ എണ്ണവും, അവയുടെ പൊസിഷനും (ഇടത്, വലത്ത്, ഫുട്ടറിൽ) ആണു നമ്മൾ സെറ്റ് ചെയ്യേണ്ടത്. ഈ ലേഔട്ടുകളിൽ നാം സെലക്റ്റ് ചെയ്യുന്നതിന്റെ രൂപരേഖ നമ്മുടെ ബ്ലോഗിലെ ഗാഡ്ജറ്റുകൾ ഉൾപ്പടെ ലൈവ് പ്രിവ്യൂവിൽ കാണാം. ഇവിടെ മറ്റൊരു കാര്യം വായനക്കാർക്ക് അറിയാമെന്നു കരുതുന്നു. നമ്മുടെ ബ്ലോഗിൽ നിലവിലുള്ള ഒരു ഗാഡ്ജറ്റ് ഏതു സൈഡ്ബാറിൽ ആണ് ഇപ്പോഴുള്ളതെങ്കിലും അതിനെ (ലേഔട്ട് പേജിൽ) മൌസ് ഉപയോഗിച്ച് പുതിയ ഒരു സൈഡ് ബാറിലേക്ക് ഡ്രാഗ് ഡ്രോപ്പ് ചെയ്യാവുന്നതാണ്.

നിങ്ങൾക്ക് ഇഷ്ടമുള്ള ലേഔട്ട് സ്വീകരിച്ചു കഴിഞ്ഞാൽ അടുത്തതായി ഫുട്ടറിന്റെ (ബ്ലോഗിന്റെ ഏറ്റവും താഴെയുള്ള ബാർ) ലേ ഔട്ട് മാറ്റാം. ഇവിടെ മൂന്ന് ഓപ്ഷനുണ്ട്. ഒരു ഫുട്ടർ ബാർ, രണ്ട് ഫുട്ടർ ബാർ, മൂന്ന് ഫുട്ടർ ബാർ എന്നിങ്ങനെ. ഇഷ്ടമുള്ളത് സെലക്റ്റ് ചെയ്യുക.

മൂന്നാമത്തെ ഓപ്ഷൻ അഡ്ജസ്റ്റ് വിഡ്ത് ആണ്. തൊട്ടുമുമ്പ് നമ്മൾ സെലക്റ്റ് ചെയ്ത ലേഔട്ടുകളിൽ ഓരോ ബാറിന്റെയും വീതി നിർണ്ണയിക്കാനുള്ള സംവിധാനമാണിത്.

ഇവിടെ മൊത്തം ബ്ലോഗിന്റെ വീതി കൂട്ടാനുള്ള ഒരു സ്ലൈഡ് ബാർ (Entire blog), ഇടതു സൈഡ് ബാർ, വലതു സൈഡ് ബാർ എന്നിവയുടെ വീതി കൂട്ടാനുള്ള സ്ലൈഡറുകൾ എന്നിവകാണാം. ബ്ലോഗിന്റെ വീതി പരമാവധി 1000 പിക്സൽ വരെയേ കൂട്ടുവാൻ സാധിക്കൂ. സൈഡ് ബാറുകളുടെ വീതി 100 പിക്സൽ മുതൽ 500 പിക്സൽ വരെ കൂട്ടുകയോ കുറയ്ക്കുകയോ ചെയ്യാം. ലൈവ് പ്രിവ്യൂവിൽ ഈ മാറ്റങ്ങൾ ശ്രദ്ധിക്കുക. (ചിലപ്പോൾ നിങ്ങളുടെ ബ്ലോഗിന്റെ നിലവിലുള്ള ഹെഡ്ഡർ ഇമേജോ, നിലവിലുള്ള വിഡ്ജറ്റ് ബാനറുകളൊ വീതി കുറച്ചാൽ സൈഡ് ബാറിന്റെ വെളിയിലേക്ക് പോയേക്കാം. അങ്ങനെ പോകുന്നുവെങ്കിൽ പിന്നീട് ആ ചിത്രങ്ങളുടെ വീതി കൂട്ടുകയോ കുറയ്ക്കുകയോ ചെയ്ത് ബ്ലോഗിൽ കയറ്റിയാൽ മതിയാകും).

Advanced:

അവസാനത്തെ ഓപ്ഷൻ അഡ്വാൻസ്ഡ് ആണ്. ഇത് നമ്മൾ ഇതുവരെ ചെയ്തുകൊണ്ടിരുന്ന ഫോണ്ട് ആന്റ് കളർ എന്ന ലേ ഔട്ട് സെറ്റിംഗിന്റെ അല്പം കൂടി അനായാസമായ ഒരു നിയന്ത്രണ സംവിധാനമാണ്. ബ്ലോഗിന്റെ വിവിധ ഭാഗങ്ങളിലെ കളറുകൾ - ഫോണ്ടുകൾ, തലക്കെട്ടുകൾ, ലിങ്കുകൾ - വെവ്വേറെ സെറ്റ് ചെയ്യാം.

നല്ല സെറ്റിംഗ് സംവിധാനമാണ് ഒരുക്കിയിരിക്കുന്നത്. ഫോണ്ടുകളുടെ വലിപ്പവും മറ്റും പിക്സൽ കണക്കിനു മാറ്റാം. ബോൾഡ് ചെയ്യാം, ഇറ്റാലിക് ആക്കാം, കളറുകൾ ഡിഫോൾട്ട് പാലറ്റിൽ നിന്നോ, അല്ലെങ്കിൽ നിങ്ങൾക്ക് തന്നെ “മിക്സ്” ചെയ്തോ ഉണ്ടാക്കാം !! വളരെ നല്ല സംവിധാനങ്ങൾ..

ഇത്രയും മാറ്റങ്ങൾ ചെയ്തുകഴിഞ്ഞിട്ട് Add to blog ബട്ടൺ അമർത്താൻ മറക്കരുതേ...!!

ഇത്രയും മാറ്റങ്ങളാണ് ബ്ലോഗ് ടെമ്പ്ലേറ്റ് ഡിസൈനിൽ ഉള്ളത്. ഒരു ദിവസം മുഴുവനും ഇരുന്നു പരീക്ഷിച്ചു നോക്കാനാവുന്നത്ര ഓപ്ഷനുകൾ ഓരോന്നിലും ഉണ്ട്. ഇനി വരുന്ന ദിവസങ്ങളിൽ മലയാളം ബ്ലോഗ് ലോകത്ത് പുതിയ പുതിയ ടെമ്പേറ്റുകളുടെ ഒരു വിപ്ലവം തന്നെ ഞാൻ പ്രതീക്ഷിക്കുന്നു.! Happy blogging !!!!

===========
കുറിപ്പ്:
===========
ഈ പോസ്റ്റ് പ്രസിദ്ധീകരിച്ചു കഴിഞ്ഞപ്പോൾ ചില സുഹൃത്തുക്കൾ പറഞ്ഞത്, ബ്ലോഗർ ടെമ്പ്ലേറ്റുകൾ അല്ലാതെ തേഡ് പാർട്ടി ടെമ്പ്ലേറ്റുകൾ നിലവിൽ ഉപയോഗിക്കുന്ന ബ്ലോഗുകളിൽ മേൽ‌പ്പറഞ്ഞ രീതിയിൽ ടെമ്പ്ലേറ്റ് ഡിസൈൻ ചെയ്യാൻ സാധിക്കുന്നില്ല എന്നാണ്. ആദ്യാക്ഷരിയിൽ പക്ഷേ തേഡ് പാർട്ടി ടെമ്പ്ലേറ്റാണ് നിലവിലുള്ളതെങ്കിലും പ്രശ്നമൊന്നും കണ്ടില്ല. ഇനി അഥവാ നിങ്ങളുടെ ബ്ലോഗിൽ ഈ പ്രശ്നം കാണുന്നുണ്ടെങ്കിൽ താഴെപ്പറയുന്ന കാര്യങ്ങൾ ചെയ്യാം.

1. ലേഔട്ട് പേജിൽ നിന്ന് Pick new template എന്ന ലിങ്ക് സെലക്റ്റ് ചെയ്ത് ബ്ലോഗറിന്റെ തന്നെ ഡിഫോൾട്ട് ടെമ്പ്ലേറ്റ് ഒരെണ്ണം സെലക്റ്റ് ചെയ്യുക.

2. അപ്പോൾ നിങ്ങളുടെ ബ്ലോഗിൽ നിലവിലുള്ള ഗാഡ്ജറ്റുകളെ സൂക്ഷിക്കണമോ എന്നൊരു ചോദ്യം വരും. Do you want to keep or delete these gadgets? ടെമ്പ്ലേറ്റ് മാറ്റുമ്പോൾ നിലവിലുള്ള ചില ഗാഡ്ജറ്റുകളെ ഡിലീറ്റ് ചെയ്യണോ അതോ പുതിയതിലേക്കും അവയെ സൂക്ഷിക്കണോ എന്നാണു ചോദ്യം. എന്തു സംശയം? നമ്മൾ കഷ്ടപ്പെട്ടുണ്ടാക്കിയ ഗാഡ്ജറ്റുകൾ സൂക്ഷിക്കുകതന്നെ വേണം! അപ്പോൾ Keep എന്നു ക്ലിക്ക് ചെയ്ത് പുതിയ റ്റെമ്പ്ലേറ്റ് സേവ് ചെയ്യാം..

സ്ക്രീന്‍ ഷോട്ട് നോക്കൂ.

3. ഇനി ഈ പോസ്റ്റിൽ പറഞ്ഞ ടെമ്പ്ലേറ്റ് പരിഷ്കരണം തീർച്ചയായും പ്രവർത്തിക്കും.

ബ്ലോഗിൽ സ്വാശ്രയ പേജുകൾ

2010-03-22T07:09:00.003+04:00

സ്വന്തന്ത്രമായ (Independent) പേജുകൾ ബ്ലോഗറിൽ ഈ അടുത്ത കാലത്താണ് നിലവിൽ വന്നത്. ഈ സൌകര്യവും ഇതിനുമുമ്പ് ഡ്രാഫ്റ്റ് ബ്ലോഗറിൽ ആയിരുന്നു ഉണ്ടായിരുന്നത്. എന്താണ് ഇത്തരം പേജുകളുടെ പ്രത്യേകത എന്നു നോക്കാം. നാം ബ്ലോഗിൽ ഒരു പുതിയ പോസ്റ്റ് ചേർക്കുമ്പോൾ അത് നമ്മുടെ ഡയറിയിൽ പുതിയ ഒരു താൾ എഴുതിച്ചേർക്കുന്നതുപോലെയാണ്. അതുകൊണ്ട് അത് ബ്ലോഗ് ആർക്കൈവ്സിന്റെ (പോസ്റ്റുകളുടെ കലവറ) ഒരു ഭാഗവുമാണ്. അതായത് പുതിയ പുതിയ പോസ്റ്റുകൾ വരുമ്പോൾ പഴയവ ആർക്കൈവ്സിൽ ഉള്ളിലേക്കുള്ളിലേക്ക് പോകുന്നു - കലണ്ടർ ക്രമം അനുസരിച്ച്. ബ്ലോഗ് ആർക്കൈവ്സ് സെറ്റ് ചെയ്തിട്ടുള്ളവരുടെ ബ്ലോഗുകളിൽ ഈ ക്രമത്തിലായിരിക്കും പഴയപോസ്റ്റുകൾ കാണുക.

ഈ രീതിയിൽ ക്രമീകരിക്കപ്പെടാത്ത, സ്വന്തന്ത്രമായി നിൽക്കുന്ന പേജുകളെയാണ് Independent Pages അഥവാ സ്വന്തന്ത്രപേജുകൾ എന്നുവിളിക്കുന്നത്. ആദ്യാക്ഷരിയുടെ തലക്കെട്ടിനുതാഴെയായി പുതിയ ഒരു മെനു നിങ്ങൾ ശ്രദ്ധിച്ചുകാണും. Home, ആമുഖം, വിഷയസൂചിക, ഗസ്റ്റ് ബുക്ക് എന്നിങ്ങനെ ഒന്നുരണ്ടു പേജുകൾ. ഇത് സർവ്വ സാധാരണമായി വെബ്സൈറ്റുകളിൽ കാണപ്പെടുന്ന ഒരു ക്രമീകരണമാണ്. ഈ പേജുകൾ ബ്ലോഗ് ആർക്കൈവ്സിന്റെ ഭാഗമല്ല. ഉദാഹരണത്തിന് ഇവിടെ ഹോം എന്ന പേജ്, എവിടെനിന്ന് ക്ലിക്ക് ചെയ്താലും ബ്ലോഗിന്റെ ആദ്യപേജിലേക്ക് കൊണ്ടുവരുന്നു. വിഷയസൂചിക എന്ന പേജ് ഈ ബ്ലോഗിൽ പരാമർശിച്ചിരിക്കുന്ന വിഷയങ്ങളുടെ ക്രമീകരണമാണ്. അതുപോലെ ഗസ്റ്റ് ബുക്ക് എന്ന പേജ് സന്ദർശകർക്ക് അഭിപ്രായങ്ങൾ എഴുതുവാനുള്ള പേജാണ്. ഇതുപോലെ, ആവശ്യമെങ്കിൽ നിങ്ങളുടെ ബ്ലോഗിലും സ്വന്തന്ത്ര പേജുകൾ ചേർക്കാം.

ഓരോരുത്തരുടേയും ബ്ലോഗിന്റെ വിഷയം അനുസരിച്ച് പേജുകൾ ചേർക്കണമോ വേണ്ടയോ എന്ന് അവരവർ തീരുമാനിക്കുക. അതുപോലെ ചേർക്കുന്ന പേജിൽ എന്താണ് പറയേണ്ടതെന്നും നിങ്ങൾ തന്നെ തീരുമാനിക്കുക. ഉദാഹരണം, “എന്നെപ്പറ്റി” നിങ്ങളെപ്പറ്റി തന്നെ വിവരിക്കാൻ ഉപയോഗിക്കാം, അല്ലെങ്കിൽ “എന്റെ നാട്” - നിങ്ങളുടെ നാടിനെപ്പറ്റി എഴുതു. “എന്റെ വായനാലിസ്റ്റ്”, പോഡ്കാസ്റ്റ് ഉപയോഗിച്ച് പാട്ടുപാടുന്നവർക്ക് ആ ബ്ലോഗിലുള്ള പാട്ടുകളുടെ ലിസ്റ്റും അവയിലേക്കുള്ള ലിങ്കും ഇങ്ങനെ എന്തു വിഷയത്തിൽ വേണമെങ്കിലും പേജുകൾ ചേർക്കാം. പരമാവധി 10 സ്വതന്ത്രപേജുകൾ ചേർക്കാനുള്ള സംവിധാനമാണ് ഇപ്പോൾ ബ്ലോഗറിൽ ഉള്ളത്.

പേജുകൾ ചേർക്കുന്ന വിധം:

ആദ്യമായി ബ്ലോഗറിൽ ലോഗിൻ ചെയ്ത്, ഏതുബ്ലോഗിലാണോ പേജുകൾ ചേർക്കേണ്ടത് അതിന്റെ ഡാഷ്ബോർഡ് തുറക്കുക. അവിടെ Edit Posts എന്ന ലിങ്കിൽ ക്ലിക്ക് ചെയ്യുക. ഇപ്പോൾ തുറക്കുന്ന പേജിൽ മുകളിലുള്ള ഓപ്ഷനുകൾ ഒന്നുനോക്കൂ. നേരത്തേ ഇല്ലാതിരുന്ന ഒരു ലിങ്ക് അവിടെ കാണാം. Edit Pages എന്ന ടൈറ്റിലിൽ.

ഈ ലിങ്ക് വഴിയാണ് പുതിയ സ്വതന്ത്ര പേജുകൾ ചേർക്കേണ്ടത്. ഓർക്കുക പരമാവധി ചേർക്കാവുന്ന പേജുകളുടെ എണ്ണം പത്താണ്. New Page എന്ന ബട്ടൺ അമർത്തൂ. പുതിയ പോസ്റ്റുകൾ പബ്ലിഷ് ചെയ്യാൻ ലഭിക്കുന്ന എഡിറ്റർ പേജ് ലഭിക്കും. അവിടെ തലക്കെട്ടിന്റെ ഭാഗത്ത് പുതിയ പേജിന്റെ ടൈറ്റിൽ നൽകുക. ഈ ടൈറ്റിൽ ചെറിയ ഒരു വാക്കാവുന്നതാണ് നല്ലത്. ഉദാഹരണത്തിന് “ഗസ്റ്റ് ബുക്ക്” എന്നൊരു പേജാണ് ചേർക്കുന്നതെന്നിരിക്കട്ടെ. ടൈറ്റിലായി ഗസ്റ്റ് ബുക്ക് എന്നെഴുതുക. ഇനി ആ പേജിൽ ആവശ്യമായ മെസേജും എഴുതിച്ചേർക്കുക. ഇനി പബ്ലിഷ് ബട്ടൺ ക്ലിക്ക് ചെയ്യാം.

ഇതുപോലെ ആവശ്യമായ മറ്റു പേജുകളും ചേർക്കാം. ഇവിടെ ഉദാഹരണത്തിനായി ഞാൻ മറ്റു മൂന്നുപേജുകൾ കൂടി ചേർക്കുന്നു. “ഈ ബ്ലോഗിനെപ്പറ്റി”, “എന്റെ ഡയറി”, “വായനാലിസ്റ്റ്” എന്നിവയാണെന്നിരിക്കട്ടെ ആ പേജുകൾ.

ഇപ്പോൾ ശ്രദ്ധിക്കൂ, എഡിറ്റ് പേജസ് എന്ന ലിങ്കിൽ ക്ലിക്ക് ചെയ്താൽ ഈ നാലു സ്വതന്ത്രപേജുകളേയും വെവ്വേറെ കാണാം. ഇവയെ എഡിറ്റ് ചെയ്യാനും ഡിലീറ്റ് ചെയ്യാനും കാണുവാനുമുള്ള ലിങ്കുകളും അവയോടൊപ്പം തന്നെ ലഭ്യമാണ്. (ഈ സ്വന്തന്ത്രപേജുകൾ ബ്ലോഗ് പോസ്റ്റുകളുടെ ലിസ്റ്റിൽ ഇല്ല എന്നതും ശ്രദ്ധിക്കുക).

ഇങ്ങനെ പേജുകൾ ക്രമപ്പെടുത്തിക്കഴിഞ്ഞാൽ ഇനി അവയെ നമുക്ക് ബ്ലോഗിലേക്ക് ചേർക്കാം. അതിനായി ബ്ലോഗിന്റെ ഡാഷ്ബോർഡിലെ Layout ടാബിലെ Page elements എന്ന പേജിലേക്ക് പോവുക. അവിടെ എത്തിക്കഴിഞ്ഞാൽ ഹെഡ്ഡറിനു മുകളിലുള്ള Add a Gadget എന്ന ലിങ്കിൽ ക്ലിക്ക് ചെയ്യുക.

ഇപ്പോൾ ഗാഡ്ജറ്റുകളുടെ ലിസ്റ്റ് ലഭിക്കും. ഏറ്റവും മുകളിൽ തന്നെ പുതിയതായി ലഭ്യമായ പേജ് ഗാഡ്ജറ്റ് കാണാം. അതിൽ ക്ലിക്ക് ചെയ്യുക.

ഇപ്പോൾ ഗാഡ്ജറ്റ് ചേർക്കുവാനായുള്ള പേജ് ലഭിക്കും. ഇവിടെ ഒന്നു രണ്ടുകാര്യങ്ങൾ ശ്രദ്ധിക്കുക. ചിത്രം നോക്കു.

ഏറ്റവും മുകളിൽ ടൈറ്റിൽ എന്ന ഭാഗത്ത് ഒന്നും എഴുതേണ്ടതില്ല. (ഇതേപ്പറ്റി ഒരു കുറിപ്പ് താഴെപ്പറയാം). ഇടതുവശത്ത് Pages to Show എന്നൊരു ലിസ്റ്റും അവിടെ നമ്മൾ ഇതിനുമുമ്പ് പബ്ലിഷ് ചെയ്ത പേജുകളുടെ ലിസ്റ്റും കാണാം. ഹോം എന്ന പേജ് ഡിഫോൾട്ടായി അവിടെ ഉണ്ടാവും. ഈ ലിസ്റ്റിൽ ടിക്ക് ചെയ്തിരിക്കുന്ന പേജുകൾ മാത്രമേ ഗാഡ്ജറ്റിൽ പ്രത്യക്ഷപ്പെടുകയുള്ളൂ. Page Order എന്ന വലതുവശത്തെ ലിസ്റ്റിലാണ് ഏത് ക്രമത്തിലാണ് ഈ പേജുകൾ ബ്ലോഗിൽ പ്രത്യക്ഷപ്പെടേണ്ടതെന്ന് നിശ്ചയിക്കുന്നത്. ഇടതുവശത്തെ ലിസ്റ്റിന്റെ ക്രമത്തിൽ ആവണമെന്നില്ല ഇത്, നിങ്ങൾക്ക് ഇഷ്ടമുള്ള ക്രമത്തിലേക്ക് മൌസ് ഉപയോഗിച്ച് ഡ്രാഗ്-ഡ്രോപ് ചെയ്തുകൊണ്ട് ഈ ലിസ്റ്റിനെ റീ അറേഞ്ച് ചെയ്യാം.

ഏറ്റവും താഴെയുള്ള ടിപ് ഒന്നു ശ്രദ്ധിക്കൂ. ഈ ഗാഡ്ജറ്റ് എവിടെയാണ് നിങ്ങൾ പൊസിഷൻ ചെയ്യുന്നത് എന്നതനുസരിച്ച് ഈ ലിസ്റ്റ് ബ്ലോഗർ ഡിസ്പ്ലേ ചെയ്യുന്നതെങ്ങനെ എന്നാണ് ഇവിടെ പറയുന്നത്. ഹെഡ്ഡറിനു താഴെയാണെങ്കിൽ തിരശ്ചീനമായ ഒരു ലിസ്റ്റ് ആയും, സൈഡ് ബാറിൽ ആണെങ്കിൽ താഴെത്താഴെയുള്ള ഒരു ലിസ്റ്റായും ആയിട്ടാവും ഇത് പ്രത്യക്ഷപ്പെടുക

കുറിപ്പ്: സൈഡ് ബാറിൽ താഴെത്താഴെയുള്ള ലിസ്റ്റാണെങ്കിൽ ഗാഡ്ജറ്റിന്റെ ടൈറ്റിൽ എന്ന ഭാഗത്ത് നിങ്ങൾക്ക് ഒരു തലക്കെട്ട് എഴുതുകയുമാവാം- ഹെഡ്ഡറിനു താഴെ തലക്കെട്ട് അഭംഗിയാണ്

ഇനി ഗാഡ്ജറ്റ് സേവ് ചെയ്തോളൂ. നിങ്ങളുടെ ബ്ലോഗിലെ ടെമ്പ്ലേറ്റ് അനുസരിച്ച് ഹെഡ്ഡറിനു താഴെ ലിങ്ക് ലിസ്റ്റ് എന്ന ഒരു ഫീൽഡ് ഉണ്ടെങ്കിൽ അതിന്റെ താഴേക്ക് ഇപ്പോൾ ചേർത്ത പേജ് ഗാഡ്ജറ്റിനെ ഡ്രാഗ് ചെയ്ത് ലേ ഔട്ട് സേവ് ചെയ്യുക. ഇല്ലെങ്കിൽ ചിലപ്പോൾ തിരശ്ചീനമായി പേജ് ലിസ്റ്റ് കിട്ടിയെന്നുവരില്ല. ഇപ്പോൾ ബ്ലോഗ് എങ്ങനെയായിരിക്കുമെന്നു നോക്കൂ

കുറിപ്പ് : ചില ബ്ലോഗുകളിൽ ഹെഡ്ഡറിനു താഴെ തിരശ്ചീനമായി പേജുകളുടെ ലിസ്റ്റ് കിട്ടുകയില്ല. അത് ടെമ്പ്ലേറ്റിന്റെ പ്രശ്നമാണ്. ഹെഡ്ഡറിനു താഴെയുള്ള ലിങ്ക് ബാറിനെ, ഒരു സൈഡ് ബാറായി ബ്ലോഗർ മനസ്സിലാക്കുന്നതുകൊണ്ടാണ് ഇങ്ങനെ സംഭവിക്കുന്നത്. ഇങ്ങനെ സംഭവിച്ചാൽ അതിനു പരിഹാരമായി ഒരു എച്.ടി.എം.എൽ ഗാഡ്ജറ്റ് ചേർക്കുന്ന വിധം ഇൻഫ്യൂഷനിൽ രാഹുൽ അവതരിപ്പിച്ചിട്ടുണ്ട്. ലിങ്ക് ഇവിടെ

ബ്ലോഗറിൽ പുതിയ എഡിറ്റർ

2010-03-21T07:09:00.002+04:00

ബ്ലോഗറിൽ പുതിയ എഡിറ്റർ നിലവിൽ വന്നത് പലരും ശ്രദ്ധിച്ചിരിക്കും. പുതിയ ഒരു പോസ്റ്റ് നാം എഴുതാൻ പോകുമ്പോൾ ലഭിക്കുന്ന പേജാണ് എഡിറ്റർ എന്നറിയപ്പെടുന്നത്. പുതിയത് എന്ന് പറയുവാൻ തക്കവണ്ണം വലിയമാറ്റങ്ങളൊന്നുമില്ല. എങ്കിലും സൌകര്യപ്രദമായ ചില രീതികൾ ഈ അപ്ഡേറ്റഡ് എഡിറ്ററിൽ കൂട്ടിച്ചേർത്തിട്ടുണ്ട്. നേരത്തെ ഡ്രാഫ്റ്റ് ബ്ലോഗറിൽ മാത്രമായിരുന്നു ഈ എഡിറ്റർ ഉണ്ടായിരുന്നത്.

ആദ്യമായി നിങ്ങളുടെ ബ്ലോഗിൽ ലോഗിൻ ചെയ്ത് ഡാഷ് ബോർഡിൽ എത്തുക. അവിടെ Settings ടാബ് തെരഞ്ഞെടുക്കുക. അവിടെ Basic സെറ്റിംഗുകളിൽ താഴേക്ക് സ്ക്രോൾ ചെയ്താൽ Global Settings കിട്ടും. അവിടെ Select Post Editor എന്നൊരു ഓപ്ഷൻ കാണാം (ഇത് നേരത്തേ ഇല്ലായിരുന്നു). ആ ഓപ്ഷനിൽ Updated Editor, Old Editor, Hide Compose Mode എന്നിങ്ങനെ മൂന്ന് ഓപ്ഷനുകൾ ഉണ്ട്.

അതിൽ നിന്ന് ആദ്യത്തേത് അപ്ഡേറ്റഡ് എഡിറ്റർ തെരഞ്ഞെടുത്ത് ടിക് ചെയ്യുക. ഇനി അതേ പേജിൽ താഴേക്ക് മാറി, സേവ് സെറ്റിംഗ്സ് എന്ന ബട്ടണും ക്ലിക്ക് ചെയ്യുക. ഇതോടെ പുതിയ എഡിറ്റർ നിങ്ങളുടെ ബ്ലോഗിൽ ചേർക്കപ്പെട്ടുകഴിഞ്ഞു. ഇതേ ഐ.ഡിയിൽ മറ്റു ബ്ലോഗുകൾ ഉണ്ടെങ്കിൽ അവയിലും ഇതോടെ പുതിയ എഡിറ്റർ പ്രത്യക്ഷപ്പെടും.എപ്പോൾ വേണമെങ്കിലും എഡിറ്ററിനെ പഴയ രീതിയിലേക്ക് ഇതേ പേജിൽ നിന്ന് മാറ്റുകയും ചെയ്യാവുന്നതാണ്.

പുതിയ എഡിറ്ററിന്റെ പ്രത്യേകതകൾ എന്തൊക്കെയെന്ന് ഇനി നോക്കാം. താഴെ പഴയ എഡിറ്ററിന്റെയും പുതിയ എഡിറ്ററിന്റെയും സ്ക്രീൻ ഷോട്ടുകൾ നൽകുന്നു.

ടൂൾ ബാറിനും ടൂളുകൾക്കും വലിയ മാറ്റങ്ങൾ ഇല്ല. പഴയ എഡിറ്ററിൽ ഉണ്ടായിരുന്ന വീഡിയോ അപ്‌ലോഡിംഗ് ടൂൾ പുതിയതിൽ ഇല്ല. വേഡ് പ്രോസസറുകളിൽ കാണാറുള്ള ടൂളുകളായ Undo, Redo, Bold, Italic, Strike through, Font color, text highlight, alignment, number, bullets, Quotes, Remove formatting എന്നീടൂളുകൾ പുതിയ എഡിറ്ററിൽ ഉണ്ട്. ഇവയിൽ പലതും പഴയ എഡിറ്ററിലും ഉണ്ടായിരുന്നതാണ്. ഫോണ്ട് കളർ ഹൈലൈറ്റ് എന്നിവ ഒരു കളർ പാലറ്റായി പുതിയ എഡിറ്ററിൽ പ്രത്യക്ഷമാകുന്നുണ്ട്. ലിങ്ക് കൊടുക്കാനുള്ള ടൂളിന്റെ ഐക്കൺ മാറ്റിയിട്ടുണ്ട്. പഴയ “കൊളുത്ത്” ചിത്രം മാറ്റി Link എന്നുതന്നെ എഴുതിയിരിക്കുന്നു. ടെക്സ്റ്റിനെ ഇങ്ങനെ ഹൈലൈറ്റ് ചെയ്ത് കാണിക്കാനുള്ള ടൂളും ഉപകാരപ്രദമാണ്.

മറ്റൊരു പ്രയോജനകരമായ പുതിയ ടൂൾ ആണ് ജം‌പ് ബ്രേക്ക്. ചിത്രങ്ങൾ ഇൻസേർട്ട് ചെയ്യാനുള്ള ടൂളിനു തൊട്ടടുത്തായി ഒരു പേപ്പർ നടുക്കുവച്ച് മുറിച്ച പോലെ ഒരു ടൂൾ കണ്ടില്ലേ. അതാണു സംഭവം. ബ്ലോഗിന്റെ ഫ്രണ്ട് പേജിൽ ഒന്നിലധികം പോസ്റ്റുകൾ ഡിസ്പ്ലേ ചെയ്യുന്നവർക്കാണു ഇത് പ്രയോജനപ്പെടുക- പത്രം പോലെ. പോസ്റ്റിന്റെ തലക്കെട്ട്, അതിനു ശേഷം കുറച്ച് ടെക്സ്റ്റ് എന്നിവ നൽകിയിട്ട് “തുടർന്നു വായിക്കൂ” അല്ലെങ്കിൽ "read more ..." എന്നൊരു ലിങ്ക് ലഭിക്കും ഈ ടൂൾ ഉപയോഗിച്ചാൽ. അതിൽ ക്ലിക്ക് ചെയ്താൽ പോസ്റ്റിന്റെ മറ്റു ഭാഗങ്ങൾ തുടർന്നു വായിക്കാം. പോസ്റ്റ് എഡിറ്റ് ചെയ്യുമ്പോൾ എവിടെയാണൊ ഈ ലിങ്ക് പ്രത്യക്ഷപ്പെടേണ്ടത് അവിടെ ഈ ടൂൾ ക്ലിക്ക് ചെയ്യുക. ബാക്കിഭാഗങ്ങൾ അതിനുശേഷം എഴുതാം. ഇപ്രകാരം ഒന്നിലധികം പോസ്റ്റുകൾ ബ്ലോഗിന്റെ ഹോം പേജിൽ കാണിക്കാൻ ആഗ്രഹമുള്ളവർ ഫോർമാറ്റ് സെറ്റിംഗ്സിൽ എത്ര പോസ്റ്റുകൾ ഡിസ്പ്ലേ ചെയ്യണം എന്നത് സെറ്റ് ചെയ്യാൻ മറക്കേണ്ട.

ഏറ്റവും ഉപകാരപ്രദമായ മാറ്റം വരുത്തിയിരിക്കുന്നത് ചിത്രങ്ങളുടെ ടൂളിനാണ്. പഴയ എഡിറ്ററിൽ ഒരു ചിത്രം അപ്‌ലോഡ് ചെയ്താൽ അത് ടെക്സ്റ്റിന്റെ ഏറ്റവും മുകളിലായിരുന്നു ചേർക്കപ്പെടുന്നത്. ആ അസൌകര്യം പുതിയ എഡിറ്ററിൽ മാറ്റി. കർസർ എവിടെ വച്ചുകൊണ്ടാണോ നമ്മൾ ചിത്രം പോസ്റ്റിൽ ചേർക്കുന്നത് അവിടെത്തന്നെ ചിത്രം ഇൻസേർട്ട് ചെയ്ത് കിട്ടും. അതുപോലെ പഴയ എഡിറ്ററിൽ ഒന്നിലധികം ചിത്രങ്ങൾ ഒരേസമയം ചേർക്കുമ്പോൾ ഫയലുകളുടെ ഓർഡർ തലതിരിഞ്ഞു പോകുമായിരുന്നു. ആ ബുദ്ധിമുട്ടും മാറി.

ഒരു ചിത്രം കമ്പോസ് മോഡിൽ ഇൻസേർട്ട് ചെയ്തു കഴിഞ്ഞാലുടൻ അതിൽ ക്ലിക്ക് ചെയ്യുക. ഒരു പുതിയ ടൂൾ ബാർ ചിത്രത്തിനു താഴെയായി പ്രത്യക്ഷപ്പെടും. അതിൽ നിന്ന് ഏതു വലിപ്പത്തിലാണ് ചിത്രം ഡിസ്പ്ലേ ചെയ്യേണ്ടതെന്ന് തീരുമാനിക്കാം. Small, Medium, Large, XLarge എന്നിങ്ങനെ നാലു വലിപ്പങ്ങളിൽ ചിത്രങ്ങൾ പോസ്റ്റിൽ ഡിസ്പ്ലേ ചെയ്യിക്കാം. ഫോട്ടോ പോസ്റ്റുകൾ ചെയ്യുന്നവർക്ക് ഇനി കോഡുകൾ മാറ്റി എഴുതിബുദ്ധിമുട്ടേണ്ടതില്ല. ഒറ്റ മൌസ്ക്ലിക്കിൽ തന്നെ ഏതുവലിപ്പത്തിലാണ് ഫോട്ടോകൾ ഡിസ്പ്ലേ ചെയ്യേണ്ടതെന്ന് തീരുമാനിക്കാം. അതോടൊപ്പം തന്നെ ചിത്രത്തിന്റെ അലൈന്മെന്റും (Left, right, centre) ഈ ടൂൾ ബാറിൽ നിന്നുതന്നെ തീരുമാനിക്കാവുന്നതാണ്.

പുതിയ എഡിറ്ററിലെ മറ്റൊരു നല്ല ഫീച്ചർ പോസ്റ്റിന്റെ പ്രിവ്യൂ ആണ്. പഴയ എഡിറ്ററിലേക്കാളും മെച്ചമായ രീതിയിൽ പോസ്റ്റ് പബ്ലിഷ് ചെയ്യുന്നതിനുമുമ്പായി അതിന്റെ പ്രിവ്യൂ കാണാം.

പോസ്റ്റുന്റെ ഓപ്ഷൻസ് ഭാഗത്ത് ചില്ലറ വ്യത്യാസങ്ങൾ ഉണ്ട്. അതിൽ ഏറ്റവും ഉപകാരപ്രദം എന്നുതോന്നിയത് പോസ്റ്റ് ഡേറ്റ് ആന്റ് ടൈം ആണ്. പുതിയ എഡിറ്ററിൽ പോസ്റ്റുകളെ ഷ്യെഡ്യൂൾ ചെയ്തുവയ്ക്കാനുള്ള ഓപ്ഷൻ പ്രത്യേകം ഉണ്ട്.

ഒരു പോസ്റ്റിൽ കമന്റുകൾ വേണ്ടാ എന്നുണ്ടെങ്കിൽ Reader Comments : Don't allow എന്നു സെറ്റ് ചെയ്താൽ മതി. ഈ ഓപ്ഷൻ പഴയ എഡിറ്ററിലും ഉണ്ടായിരുന്നു. ഇത്രയുമൊക്കെയാണ് പുതിയ എഡിറ്റർ വിശേഷങ്ങൾ.

ലേബലുകളുടെ പ്രാധാന്യം

2010-03-19T18:02:00.001+04:00

ലേബലുകൾ:

നിങ്ങൾ ഒരു പോസ്റ്റ് എഴുതി പ്രസിദ്ധീകരിച്ചു കഴിഞ്ഞാൽ അത് വായനക്കാരുടെ കൈകളിലെത്തുന്ന ഒരു പ്രധാനമാർഗ്ഗം ബ്ലോഗ് ആഗ്രിഗേറ്ററുകൾ വഴിയാണല്ലോ. ജാലകം, ചിന്ത എന്നിവയാണ് മലയാളത്തിൽ ഇന്ന് ഏറ്റവും അധികം ഉപയോഗിക്കപ്പെടുന്ന ആഗ്രിഗേറ്ററുകൾ ഈ രണ്ട് ആഗ്രിഗേറ്ററുകളും പോസ്റ്റുകളെ അവ കൈകാര്യം ചെയ്യുന്ന വിഷയങ്ങൾക്കനുസരിച്ച് തരംതിരിച്ച് കാണിക്കുന്നുണ്ട്. ഇപ്രകാരം പോസ്റ്റുകളെ തരം തിരിക്കുന്നത് പോസ്റ്റുകളുടെ ലേബലുകൾ അനുസരിച്ചാണ്.

നാം ഒരു പോസ്റ്റ് കമ്പോസ് ചെയ്യുന്ന എഡിറ്റ് പേജിൽ, ലേബൽ എന്നൊരു ചെറിയ ഫീൽഡ് താഴെ വലതു മൂലയിൽ കാണുന്നത് ശ്രദ്ധിക്കൂ. ലേബൽ’ എന്ന കള്ളിയിൽ നിങ്ങളുടെ പോസ്റ്റ് എന്താണ് എന്നതിനെപ്പറ്റി ഒന്നോ രണ്ടൊ അതിലധികമോ വാക്കുകളിൽ എഴുതാം (കവിത, ഓർമ്മ, ലേഖനം, അനുഭവം ഇങ്ങനെ അനുയോജ്യമായ വാക്കുകൾ. ഒന്നിൽ കൂടുതൽ വാക്കുകളുണ്ടെങ്കിൽ അവയ്ക്കിടയിൽ കോമയിടണം) ബ്ലോഗ് ആഗ്രിഗേറ്ററുകൾ ഈ വാക്കുകളെ വേഗം കണ്ടുപിടിക്കും.അതായത് ഒരു പ്രത്യേകവിഭാഗം പോസ്റ്റുകൾ മാത്രം വായിക്കുവാൻ ആഗ്രഹിക്കുന്ന വായനക്കാർ ജാലകം ആഗ്രിഗേറ്ററിലെ വിഭാഗങ്ങളിൽ ക്ലിക്ക് ചെയ്യുമ്പോൾ നിങ്ങളുടെ ബ്ലോഗ് പോസ്റ്റുകൾ കൃത്യമായി ലിസ്റ്റ് ചെയ്യപ്പെടണമെങ്കിൽ ഓരോ പോസ്റ്റിന്റെയും ലേബൽ കൃത്യമായിരിക്കണം. ഇപ്പോൾ ജാലകം ആഗ്രിഗേറ്റർ പോസ്റ്റുകളെ തരംതിരിക്കുന്നത് താഴെപ്പറയുന്ന ലേബലുകൾക്കനുസരിച്ചാണ്. ഇതിൽ ഏതുവിഭാഗത്തിലാണോ നിങ്ങളുടെ പോസ്റ്റുകൾ പെടുന്നത് അതേ ലേബൽ തന്നെ പോസ്റ്റിനു താഴെ ഉൾപ്പെടുത്തുവാൻ ശ്രദ്ധിക്കുക. ഒന്നിൽകൂടുതൽ ലേബൽ ഒരു പോസ്റ്റിനുണ്ടെങ്കിൽ ഏറ്റവും ആദ്യത്തെ ലേബലായിരിക്കും ആഗ്രിഗേറ്ററുകൾ കണക്കിലെടുക്കുക.

വാർത്തകൾ
കഥ
കവിത
ചിത്രങ്ങൾ
ലേഖനം
നർമ്മം
രാഷ്ട്രീയം
പ്രതികരണം
സിനിമ
സാങ്കേതികം
പലവക
വീഡിയോ
യാത്രാവിവരണം
സംഗീതം
വിമർശനം
അഭിമുഖം
ഓർമ്മക്കുറിപ്പുകൾ
പാചകം
പുസ്തകപരിചയം
മതപരം
വിജ്ഞാനം
സാമൂഹികം
അനുഭവം

ചിന്ത ആഗ്രിഗേറ്ററിന്റെ തരംതിരിക്കൽ താഴെപ്പറയുന്ന രീതിയിലാണ്.

ലേബൽ ലിസ്റ്റ് ഉപയോഗിച്ച് മെനു ബാർ ഉണ്ടാക്കുവാൻ ആഗ്രഹിക്കുന്നവർ ലേബലുകൾ നൽകുമ്പോൾ ശ്രദ്ധിക്കുക. നിങ്ങളുടെ ബ്ലോഗിലെ ഓരോ വിഭാഗം പോസ്റ്റിനും അതാതിനു ചേരുന്ന ഒരേ ഒരു ലേബൽ മാത്രമേ നൽകാവൂ. കൂടുതൽ വിവരങ്ങൾക്ക് ലേബൽ ലിസ്റ്റ് ഉപയോഗിച്ച് ഒരു മെനു ബാർ എന്ന അദ്ധ്യായം നോക്കുക.

ജാലകം ആഗ്രിഗേറ്ററിൽ രജിസ്റ്റർ ചെയ്യുന്ന വിധം

2010-03-19T17:55:00.002+04:00

മലയാളം ബ്ലോഗുകൾ വായിക്കുവാനെത്തുന്നവരിൽ ഭൂ‍രിപക്ഷവും ഉപയോഗിക്കുന്ന ബ്ലോഗ് ആഗ്രിഗേറ്ററാണ് ജാലകം. ആദ്യാക്ഷരി ഹോസ്റ്റ് ചെയ്തിരിക്കുന്ന സൈബർജാലകം വെബ്‌സൈറ്റിന്റെ ഭാഗമാണ് ജാലകം ആഗ്രിഗേറ്റർ. നിങ്ങൾ പുതിയതായി ഒരു ബ്ലോഗ് നിർമ്മിച്ചുകഴിഞ്ഞാൽ അതിന്റെ അഡ്രസ് ജാലകം അഗ്രിഗേറ്ററിൽ രജിസ്റ്റർ ചെയ്യൂ. അതിനുശേഷം നിങ്ങൾ പബ്ലിഷ് ചെയ്യുന്ന ഓരോ പുതിയ പോസ്റ്റുകളും അപ്പപ്പോൾ തന്നെ ജാലകം ആഗ്രിഗേറ്ററിൽ ലിസ്റ്റ് ചെയ്യപ്പെടുകയും അതുവഴി വായനക്കാർ നിങ്ങളുടെ ബ്ലോഗുകളിലേക്ക് എത്തുകയും ചെയ്യും.

ജാലകം രജിസ്ട്രേഷൻ:

നിങ്ങൾ പുതിയതായി ഒരു ബ്ലോഗ് നിർമ്മിച്ചു കഴിഞ്ഞാൽ അതിന്റെ യു.ആർ.എൽ ജാലകത്തിൽ രജിസ്റ്റർ ചെയ്യുക. അതിനുള്ള സ്റ്റെപ്പുകൾ ഇനി പറയുന്നു. ജാലകം ആഗ്രിഗേറ്റർ തുറന്ന് അതിന്റെ ഹോം പേജിൽ മുകളീൽ കാണുന്ന “രജിസ്റ്റർ” എന്ന ടാബിൽ ക്ലിക്ക് ചെയ്യുക. link ഇവിടെ. ബ്ലോഗ് രജിസ്റ്റർ ചെയ്യുവാനുള്ള പേജിലേക്കെത്താം.

ആദ്യത്തെ ഫീൽഡിൽ നിങ്ങളുടെ ബ്ലോഗിന്റെ / വെബ്‌സൈറ്റിന്റെ യു.ആർ.എൽ കൃത്യമായി എഴുതുക. (ഉദാഹരണം http://xxxxx.blogspto.com). Next ബട്ടൺ ക്ലിക്ക് ചെയ്യു. ഇനി രണ്ട് വിവരങ്ങൾ കൂടി എഴുതുവാനുണ്ട്. നിങ്ങളുടെ ബ്ലോഗിന്റെ പേര്, നിങ്ങളുടെ പേര്. അതുകഴിഞ്ഞ് രജിസ്റ്റർ ബട്ടൺ ക്ലിക്ക് ചെയ്യാം. ഇത്രയും ചെയ്തു കഴിഞ്ഞാൽ നിങ്ങളുടെ ബ്ലോഗ്/സൈറ്റ് ജാലകത്തിൽ രജിസ്റ്റർ ചെയ്യപ്പെടുകയും പുതിയ പോസ്റ്റുകളിടുന്ന മുറക്ക് അവ ജാലകത്തിൽ ലിസ്റ്റ് ചെയ്ത് വരികയും ചെയ്യും. മാത്രമല്ല രജിസ്റ്റർ ചെയ്തു കഴിഞ്ഞാലുടൻ ക്രാളർ നിങ്ങളുടെ ഫീഡ് പരിശോധിക്കുകയും ഏറ്റവും അവസാനമായി നിങ്ങൾ പബ്ലീഷ് ചെയ്ത പോസ്റ്റ് തീയതി അടിസ്ഥാനത്തിൽ അഗ്രിഗേറ്ററിൽ കാണിക്കുകയും ചെയ്യും.

രജിസ്ട്രേഷൻ കഴിഞ്ഞാലുടൻ ഒരു എച്.ടി.എം.എൽ കോഡ് ജാലകം നിങ്ങൾക്ക് നൽകും. ആ കോഡ് അതുപോലെ കോപ്പി ചെയ്ത് ഒരു html/java script ഗാഡ്ജറ്റ് ആയി നിങ്ങളുടെ ബ്ലോഗിൽ ചേർക്കുക. ഈ ഗാഡ്ജറ്റ് ചേർക്കുന്നതെങ്ങനെ എന്ന് അറിയാൻ പാടില്ലാത്തവർ ഈ അദ്ധ്യായം നോക്കൂ. ഈ സ്ക്രിപ്റ്റാണ് നിങ്ങളുടെ ബ്ലോഗിൽ നിന്നുതന്നെ പുതിയ പോസ്റ്റുകളെ ജാലകത്തിൽ ഉടൻ റിഫ്രഷ് ചെയ്യുവാനുള്ള സ്വിച്ചായി ഉപകാരപ്പെടുന്നത്.

നിങ്ങളുടെ ബ്ലോഗിൽ ഒരു സ്വിച്ച്:

ജാലകത്തിൽ രജിസ്റ്റർ ചെയ്യപ്പെട്ട എല്ലാ ബ്ലോഗുകളിൽ നിന്നും ഒരോ പത്തുമിനിറ്റിലും ജാ‍ലകം ക്രാളർ പുതിയ പോസ്റ്റുകൾ ഉണ്ടോ എന്നു പരിശോധിക്കാറുണ്ട്. എങ്കിലും ചിലപ്പോൾ നിങ്ങളുടെ ബ്ലോഗിലെ പുതിയ പോസ്റ്റ് ലിസ്റ്റ് ചെയ്യപ്പെടാതെ വന്നിട്ടുണ്ടെങ്കിൽ മാനുവലായി നിങ്ങൾക്ക് ഇത് ലിസ്റ്റ് ചെയ്യിക്കാനാണ് മേൽ‌പ്പറഞ്ഞ സ്വിച്ച് ഉപയോഗിക്കാവുന്നത്. ഇത് ഈ ആഗ്രിഗേറ്ററിന്റെ ഏറ്റവും വലിയ സവിശേഷതയാണ്. നിങ്ങളുടെ ബ്ലോഗുകളിൽ ഈ വിഡ്ജറ്റ് ചേർക്കുവാൻ മറക്കാതെയിരിക്കുക.

എപ്പോൾ വേണമെങ്കിലും നിങ്ങൾക്ക് ഈ വിഡ്ജറ്റ് കോഡ് ജാലകത്തിൽ നിന്നും എടുക്കാവുന്നതാണ്. അതിനായി ജാലകം ഹോം പേജിലെ Get widget code എന്ന ടാബ് ഉപയോഗിക്കാം.

ബ്ലോഗർ ലോഗിൻ ഐ.ഡി. മാറ്റണോ?

2010-02-11T14:51:00.005+04:00

ഇന്നലെ ഗുഗിൾ ബസ് (Google Buzz) പുറത്തുവന്നപ്പോൾ പലരും അതിശയിച്ചു, അത്ഭുതപ്പെട്ടു, ഒരു പബ്ലിക് ചാറ്റ് റൂമിൽ അകപ്പെട്ട പ്രതീതി! അതിലാണെങ്കിൽ ലിങ്ക് ചെയ്യാൻ വയ്യാത്തതായി ഒന്നുമില്ല എന്നുപറയാം. ബ്ലോഗ് പോസ്റ്റ്, ചിത്രങ്ങൾ, പിക്കാസ ആൽബം, യൂ ട്യൂബ് എന്നുവേണ്ട ട്വിറ്ററിലേയും ഫേസ്ബുക്കിലേയും ചിത്രങ്ങൾ വരെ ലിങ്കാം.

(Google Buzz എന്താണെന്ന് അറിയാൻ പാടില്ലാത്തവർ ആരെങ്കിലും ഇതു വായിക്കുന്നുണ്ടെങ്കിൽ അവർ ബെർളി തോമസിന്റെ ഈ പോസ്റ്റ് വായിക്കുക - ജിമെയിലിന്റെ ഒരു അട്ടിമറി)

അപ്പോഴാണ് പലർക്കും (എനിക്കുൾപ്പടെ) പണ്ട് സംഭവിച്ച ഒരു അബദ്ധത്തിന്റെ കിടപ്പുവശം മനസ്സിലായത്. ബ്ലോഗറിൽ ലോഗിൻ ചെയ്യാൻ ഒരു ജി.മെയിൽ ഐ.ഡി. ലോകർക്കു മുഴുവൻ മെയിൽ അയയ്ക്കാനും ചാറ്റു ചെയ്യാനും എല്ലാം മറ്റൊരു ജി.മെയിൽ ഐ.ഡി! കൂട്ടുകാർ മുഴുവൻ കോണ്ടാക്റ്റ് ലിസ്റ്റിൽ ഇരിക്കുന്ന ഐ.ഡിയിൽ ബ്ലോഗില്ല, അതിൽ പോസ്റ്റുകളും ഇല്ല. ബ്ലോഗും പോസ്റ്റും ഉള്ള ഐഡിയിലെ മെയിൽ തുറന്നാൽ അവിടെ കൂട്ടുകാരാരും കോണ്ടാക്റ്റ് ലിസ്റ്റിൽ ഇല്ല !! എന്തൊരു തൊന്തരവ് !! പുതിയ പോസ്റ്റുകളൊന്നും ബസ്സിലേക്ക് കയറ്റാനും ലിങ്കാനും ഒക്കുന്നില്ല. എന്തുചെയ്യും?

അപ്പോഴാണ് നമ്മടെ രവീഷ് ഒരു (കു)ബുദ്ധി പറഞ്ഞുതന്നത്. അത് നല്ലൊരു ഐഡിയ ആണെന്നു തോന്നിയതിനാൽ ഇവിടെ എഴുതിയിടുന്നു. ആർക്കെങ്കിലും തങ്ങളുടെ ബ്ലോഗ് ലോഗിൻ ഐ.ഡി മാറ്റി ബസ്സും കൂട്ടുകാരും ഉള്ള മെയിൽ ഐ.ഡിയിലേക്ക് മാറ്റണം എന്നു തോന്നുന്നുവെങ്കിൽ താഴെപ്പറയുന്ന കാര്യങ്ങൾ ചെയുക.

1. ഏത് ഐ.ഡിയിലേക്കാണോ മാറേണ്ടത് ആ ഐ.ഡി ഉപയോഗിച്ച് ബ്ലോഗറിൽ (www.blogger.com) ലോഗിൻ ചെയ്യുക.

2. രജിസ്ട്രേഷനും പ്രൊഫൈൽ നിർമ്മാണവും ഒക്കെ സാധാരണ രീതിയിൽ ചെയ്യുക. പേജ് സേവ് ചെയ്യുക. ഇതൊക്കെ ചെയ്തുകഴിഞ്ഞിട്ടുള്ള ഐ.ഡിയാണെങ്കിൽ പ്രശ്നമില്ല. നേരെ സ്റ്റെപ് 4 ലേക്ക് പോവുക.

3. ഇനി ഈ ഐ.ഡിയിൽ നിന്ന് ലോഗ് ഔട്ട് ചെയ്യുക. (ഇങ്ങനെ ലോഗിൻ ലോഗ് ഔട്ട് ചെയ്യുന്നതിനു പകരം രണ്ട് ബ്രൌസറുകൾ ഉപയോഗിച്ച് രണ്ട് ബ്ലോഗർ ഐ.ഡി യും ഒരേസമയം തുറന്നാലും മതി)

4. വീണ്ടും www.blogger.com ൽ പ്രവേശിക്കുക. ഇനി നിലവിലുള്ള ബ്ലോഗ് ഐ.ഡി ഉപയോഗിച്ച് ലോഗിൻ ചെയ്യുക.

5. ഡാഷ് ബോർഡ് തുറന്ന് ഏത് ബ്ലോഗ് ആണോ ആദ്യത്തെ ഐ.ഡിയിലേക്ക് മാറ്റേണ്ടത്, അതിന്റെ സെറ്റിംഗ്സ് ടാബ് തുറക്കുക.

6. അവിടെ Permissions എന്ന ടാബ് തുറക്കുക.

7. പുതിയതായി മെംബേഴ്സിനെ ക്ഷണിക്കാനുള്ള ഒരു invitation അവിടെ കാണാം. അവിടെ നിങ്ങളുടെ ആദ്യ ഐ.ഡി എഴുതിച്ചേർത്ത് ഇൻ‌വിറ്റേഷൻ അയയ്ക്കുക. (സംശയമുള്ളവർക്ക് ആദ്യാക്ഷരിയിലെ ഗ്രൂപ്പ് ബ്ലോഗുകൾ എന്ന ഈ ചാപ്റ്റർ നോക്കാം). ഇൻ‌വൈറ്റ് ചെയ്ത ഐ.ഡിക്ക് അഡ്മിൻ അതോറിറ്റി കൊടുത്തേക്കണം കേട്ടോ !

8. വീണ്ടും ഇവിടെനിന്ന് ലോഗ് ഔട്ട് ചെയ്യാം.

9. പുതിയ ഐ.ഡിയിൽ ജി.മെയിലിൽ ലോഗിൻ ചെയ്യുക. അപ്പോൾ ഇൻ‌വിറ്റേഷൻ അവിടെ കാണും. അത് സ്വീകരിക്കുക.

10. ഇപ്പോൾ നിങ്ങളുടെ പുതിയ പ്രൊഫൈലിൽ പുതിയ ഐ.ഡിയിൽ നിങ്ങളുടെ ബ്ലോഗും കാണാം. നിങ്ങൾ അതിലെ ഒരു പുതിയ അഡ്മിൻ ആയിരിക്കും. (അഡിമിൻ അതോറിറ്റി ഇല്ലെങ്കിൽ വീണ്ടും പഴയ ഐ.ഡിയിൽ ലോഗിൻ ചെയ്ത് പുതിയ ഐ.ഡി ക്ക് അഡ്മിൻ അതോറിറ്റികൊടുക്കണം)

11. ഇനി സെറ്റിംഗ് ടാബിലേക്ക് പോവുക. പെർമിഷൻസ് തുറക്കുക. അവിടെ നിങ്ങളുടെ രണ്ട് ഐ.ഡികളും അഡ്മിൻ മാരായി ഇരിക്കുന്നുണ്ടാവും. പഴയവനെ ഡിലീറ്റ് ചെയ്ത് തട്ടിക്കളയുക.

അതോടെ ഈ ബ്ലോഗ് നിങ്ങളൂടെ പുതിയ ഐ.ഡിയിലേക്ക് മാറീക്കഴിഞ്ഞൂ.. ഇനി പോസ്റ്റുകൾ ബസ്സിലേക്ക് നേരെ കയറ്റിവയ്ക്കാം..

എപ്പടി !!

===============
മേൽ‌പ്പറഞ്ഞ അത്രയും കാര്യങ്ങൾ ചെയ്യാതെതന്നെ മറ്റൊരു കുറുക്കുവഴിയുള്ളത് നിലവിലുള്ള ബ്ലോഗുകളിലേക്ക്, നിങ്ങൾക്ക് ചേർക്കേണ്ട ഇ-മെയിൽ ഐ.ഡിക്ക് ഒരു മെംബർഷിപ് കൊടുക്കുക എന്നതാണ്. എന്നിട്ട് ഇനി എഴുതാനുള്ള പുതിയ പോസ്റ്റുകളെല്ലാം ഇപ്പോൾ മെംബറാക്കിയ ഐ.ഡിയിൽ നിന്ന് എഴുതുക. അപ്പോഴും, പുതിയ പോസ്റ്റുകൾ ഗൂഗിൾ ബസിൽ വരും.
==============

ഓഫ് ലൈനിൽ ഗൂഗിൾ ട്രാൻസ്‌ലിറ്ററേഷൻ

2010-02-01T07:44:00.014+04:00

ഗൂഗിൾ ട്രാൻസ്‌ലിറ്ററേഷൻ ഇപ്പോൾ ഓഫ് ലൈനിൽ (ഇന്റർനെറ്റ് കണക്ഷൻ ഇല്ലാതെയും) ഉപയോഗിക്കാം. Google online Transliteration രീതികളെ അപേക്ഷിച്ച് എന്തുകൊണ്ടും ഒരു പടി മെച്ചമാണ് ഓഫ് ലൈന്‍ ട്രാന്‍സ്‌ലിറ്റ്റേഷന്‍. അക്ഷരത്തെറ്റുകള്‍ ഒഴിവാക്കി ഭംഗിയായി മലയാളം എഴുതാം, കീമാനും വരമൊഴിയും ഉപയോഗിച്ച് എഴുതുന്ന ലാഘവത്തോടെ.

ഇന്‍ഡിക് ട്രാന്‍സ്‌ലിറ്ററേഷന്‍ എന്ന പേരില്‍ അഞ്ചു ഇന്ത്യന്‍ ഭാഷകളുമായി ആരംഭിച്ച് ഇപ്പോള്‍ വളരെ വിപുലമായി ഇന്റര്‍നെറ്റില്‍ മറ്റുഭാഷകള്‍ എഴുതുവാനായി ഉപയോഗിക്കപ്പെടുന്ന ഓണ്‍‌ലൈന്‍ സോഫ്റ്റ്വെയറാണല്ലോ ഗൂഗിളിന്റെ ട്രാന്‍സ്‌ലിറ്ററേഷന്‍. മലയാളം എഴുതുവാന്‍ ആരംഭിക്കുന്ന ഉപയോക്താക്കളിലെ പുതുതലമുറ ഏറ്റവും കൂടുതല്‍ ഉപയോഗിക്കുന്നതും ഈ രീതി തന്നെയാണ്. കാരണം ഓരോ അക്ഷരത്തിനും തുല്യമായ കീസ്ട്രോക്കുകൾ ഓർക്കേണ്ടതില്ല. മറ്റൊരു ഭാഷയിലെ ഒരുവാക്കിനെ ഇംഗ്ലീഷിൽ (മംഗ്ലീഷിൽ എന്നു കൂടുതൽ ശരി) എഴുതിയാൽ അതിന്റെ ഉച്ചാരണം എങ്ങനെയോ അതിനു സമാനമായ വാക്കാണ് ആ ഭാഷയിൽ ഗൂഗിൾ ട്രാൻസ്‌ലിറ്ററേഷൻ നൽകുക. ഗൂഗിളിന്റെ ബ്ലോഗര്‍, ജി-മെയില്‍, ഓര്‍ക്കുട്ട് തുടങ്ങിയ പ്രോഡക്റ്റുകളിലും ഇന്‍ഡിക് ട്രാന്‍സ്‌ലിറ്ററേഷന്‍ എന്നേ കുട്ടിച്ചേര്‍ത്തുകഴിഞ്ഞു. അതുപോലെ മോസില്ല, വേഡ്‌പ്രസ് തുടങ്ങിയവയ്ക്കുള്ള ആഡ്-ഓണുകളായും ഇത് ലഭ്യമാണ്. (എഴുതാന്‍ പഠിക്കാം എന്ന അദ്ധ്യായം നോക്കൂ)

തുടക്കത്തിൽ ഗൂഗിള്‍ ഇന്‍ഡിക് ട്രാന്‍സ്‌ലിറ്ററേഷന്റെ ഒരു പോരായ്മ, അത് ഓണ്‍‌ലൈനില്‍ (ഇന്റര്‍നെറ്റ് കണക്റ്റ് ചെയ്തിരിക്കുമ്പോള്‍ മാത്രം) മാത്രമേ പ്രവര്‍ത്തിക്കൂ എന്നതായിരുന്നു. എന്നാല്‍ ഇപ്പോള്‍ ഗൂഗിള്‍ ആ പ്രശ്നവും പരിഹരിച്ചിരിക്കുന്നു. ഗൂഗിള്‍ ട്രാന്‍സ്‌ലിറ്ററേഷന്‍ IME (Google Input Method) എന്ന രീതി ഉപയോഗിച്ച് നമ്മുടെ കമ്പ്യൂട്ടറില്‍ നമ്മുടെ ഭാഷയില്‍ ഏത് വേഡ്പ്രോസസറിലും ടൈപ്പ് ചെയ്യാം എന്നതാണ് ഇതിന്റെ പ്രത്യേകത. അതായത് ഇനി മുതല്‍ ഗൂഗിള്‍ ട്രാന്‍സ്‌ലിറ്ററേഷന്‍ ഉപയോഗിച്ച് മൈക്രോസ്ഫ്റ്റ് വേഡ്, നോട്ട്പാഡ്, വേര്‍ഡ്പാഡ് തുടങ്ങിയ വേഡ് പ്രോസസിംഗ് സോഫ്റ്റ്വെയറുകളില്‍ നേരിട്ട് മലയാളത്തില്‍ ടൈപ്പ് ചെയാം. അതുപോലെ ബ്ലോഗിൽ നേരിട്ട് ടൈപ്പ് ചെയ്യുവാനും, കമന്റുകൾ എഴുതുവാനും, ഒരു ഇ-മെയിൽ ടൈപ്പു ചെയ്യുവാനുമൊക്കെ ഇതേ രീതി ഉപയോഗിക്കാം - കീമാനും വരമൊഴിയുമൊന്നും ഇല്ല എന്ന പരാതിയും ഇതോടെ ഒഴിവാക്കാം.

Google Transliteration IME

വിന്റോസിന്റെ, വിന്റോസ് എക്സ്.പി, വിസ്റ്റ, 7 തുടങ്ങിയ പുതിയ വേർഷനുകളീൽ മാത്രമേ ഈ സംവിധാനം പ്രവർത്തിക്കുകയുള്ളൂ. അതുപോലെ ഓഫീസ് 2003 മുതൽ മുകളിലേക്കുള്ള മൈക്രോസോഫ്റ്റ് ഓഫീസ് പാക്കേജുകളിലാണ് ഇത് ഏറ്റവും ഭംഗിയായി പ്രവർത്തിക്കുക. നോട്ട്പാഡിൽ വളരെ കൃത്യമായി പ്രവർത്തിക്കുന്നതും കണ്ടു.

ഇതെങ്ങനെയാണ് സെറ്റ് ചെയ്യേണ്ടതെന്നാണ് അടുത്തതായി വിവരിക്കുന്നത്. ആദ്യമായി Google Transliteration IME സെറ്റ് അപ് ഫയല്‍ നിങ്ങളുടെ സിസ്റ്റത്തിലേക്ക് ഡൌണ്‍ലോഡ് ചെയ്യണം. അതിനായി ഈ സൈറ്റിലേക്ക് പോവുക.

ഡൌണ്‍ലോഡ് ആരംഭിക്കുന്നതിനു മുമ്പായി ഒരു കാര്യം ചെയ്യാനുണ്ട്. ഡൌൺലോഡ് ബട്ടന്റെ മുകളിലായി Choose your IME language എന്നൊരു ആരോ കീ കാണാം. അവിടെ ക്ലിക്ക് ചെയ്ത് ‘മലയാളം’ എന്ന് സെലക്റ്റ് ചെയ്യുക. ഇനി ഡൌണ്‍ലോഡ് തുടങ്ങാം. ഡൌണ്‍ലോഡിംഗ് പൂര്‍ത്തിയാവാന്‍ ഒന്നോ രണ്ടോ മിനിറ്റുകള്‍ എടുത്തേക്കാം. (മിക്കവാറും ബ്രൌസറുകളില്‍ My Documents/Downloads/ എന്ന ഫോള്‍ഡര്‍ ആയിരിക്കും ഡിഫോള്‍ട്ടായി ഡൌണ്‍ലോഡ് ഫയലുകള്‍ സേവ് ചെയ്യുന്ന ഫയൽ. നിങ്ങൾ ഉപയോഗിക്കുന്ന ബ്രൌസർ സെറ്റിംഗ് അനുസരിച്ച് ഇതിൽ വ്യത്യാസം കണ്ടേക്കാം‍) ഡൌണ്‍ലോഡിംഗ് പൂര്‍ത്തിയായിക്കഴിഞ്ഞാല്‍ സേവ് ചെയ്ത ഫോള്‍ഡറില്‍ നിന്നും Googlemalayalaminputsetup.exe എന്ന ഫയല്‍ കണ്ടുപിടിച്ച് അതില്‍ ഡബിള്‍ക്ലിക്ക് ചെയ്യുക. അപ്പോള്‍ ഇന്‍സ്റ്റലേഷന്‍ ആരംഭിക്കും.

അവിടെയുള്ള സമ്മതപത്രത്തിലെ I agree ക്ലിക്ക് ചെയ്ത് Next അമര്‍ത്തുക. ഐ.എം.ഇ സെറ്റ് അപ് ആരംഭിച്ച് അല്പസമയത്തിനുള്ളില്‍ പൂര്‍ത്തിയാകും. പൂര്‍ത്തിയായാല്‍ നന്ദിപറഞ്ഞുകൊണ്ട് ഒരു അറിയിപ്പും കാണാം.

ഇപ്പോൾ ഒരു കാര്യം ശ്രദ്ധിക്കുക. നാം ഇപ്പോൾ ഇൻസ്റ്റാൾ ചെയ്തത് ഒരു സോഫ്റ്റ്വെയറല്ല. ഒരു ലാംഗ്വേജ് ഇൻപുട്ട് മെതേഡ് ആണ്. അതിനാൽ നിങ്ങളുടെ ഡെസ്ക്ടോപ്പിലോ, പ്രോഗ്രാം മെനുവിലോ ഇതുമായി ബന്ധപ്പെട്ട പുതിയ ഐക്കൺസ് ഒന്നും തന്നെ പ്രത്യക്ഷപ്പെടുകയില്ല. പകരം വിന്റോസിന്റെ ടാസ്ക് ബാറിൽ വലതുമൂലയ്ക്കടുത്തായി Language bar പ്രത്യക്ഷപ്പെടും. EN എന്നെഴുതിയിരിക്കുന്ന ഒരു കൊച്ചു ബട്ടൺ അവിടെ കാണാം. അതിൽ ക്ലിക്ക് ചെയ്താൽ താഴെക്കാണുന്ന ചിത്രത്തിലേതുപോലെ ഒരു മെനു ലഭിക്കും. അതിൽ നിന്ന് MY മലയാളം ഇന്ത്യ എന്ന ഇൻപുട്ട് മെതേഡ് സെലക്റ്റ് ചെയ്യുക. (ഇത് ലഭിക്കുന്നില്ലെങ്കിൽ ഈ പേജിന്റെ താഴെയുള്ള കുറിപ്പുകൾ നമ്പർ മൂന്ന് ഒന്ന് നോക്കൂ. ഒപ്പം കുറിപ്പ് ഒന്നും.)

(ലാംഗ്വേജ് ബാർ ഏതെങ്കിലും കാരണവശാൽ പ്രത്യക്ഷമാകുന്നില്ലെങ്കിൽ Control panel തുറന്ന് Regional and Language options എടുക്കുക. അതിൽ Language tab തുറന്ന് details ക്ലിക്ക് ചെയ്ത് language bar എന്ന ബട്ടൺ തുറന്ന് show language bar on desktop സെലക്റ്റ് ചെയ്യുക)

ഇപ്പോൾ ഗൂഗിൾ ഇൻപുട്ട് മെതേഡിന്റെ സ്റ്റാറ്റസ് വിന്റോ നിങ്ങൾക്ക് ഡെസ്ക്ടോപ്പിന്റെ വലതു താഴേ മൂലയിൽ കാണാവുന്നതാണ്. ഇതിനെ അവിടെനിന്ന് എങ്ങോട്ട് വേണമെങ്കിലും മാറ്റി പ്രതിഷ്ഠിക്കാം. ഇതില്‍ നാല് ഐക്കന്‍സ്‌ ഉണ്ടാവും.

ആദ്യത്തേത് ആപ്ലിക്കേഷൻ ഐക്കൺ ആണ്. ഇതിനു ജോലികൾ ഒന്നുമില്ല. രണ്ടാമത്തേത് ലാംഗ്വേജ് ഇൻഡിക്കേറ്റർ ആണ്. നമ്മൾ ഡൌൺലൊഡ് ചെയ്തിരിക്കുന്നത് മലയാളം ഇൻപുട്ട് ആയതിനാൽ ഒരു ‘മ’ അടയാളമാവും ഇവിടെ ഉണ്ടാവുക. അടുത്തത് കീബോർഡ് ഐക്കൺ ആണ്. അതിൽ ലഭ്യമായ മലയാള അക്ഷരങ്ങളുടെ ലിസ്റ്റ് കാണാം. ഇതിൽ ക്ലിക്ക് ചെയ്ത് വേണ്ട അക്ഷരങ്ങൾ/വാക്കുകൾ (ആവശ്യമെങ്കിൽ) ഇൻസേർട്ട് ചെയ്യാം. അവസാനത്തെ ബട്ടൺ സെറ്റിംഗ്സ് ആണ്. അവിടെ കാർത്തിക ഫോണ്ട് ഡിഫോൾട്ടായി സെലക്റ്റ് ചെയ്തിട്ടുണ്ടാവും. (ഇത് വിന്റോസിനോടൊപ്പം ലഭിക്കുന്ന മലയാളം യൂണിക്കോഡ് ഫോണ്ട് ആണ്).

ഇനി ഈ സംവിധാനം ഉപയോഗിച്ച് ഒന്നെഴുതിനോക്കാം.

നോട്ട് പാഡ് തുറക്കുക (അല്ലെങ്കിൽ വേഡ്). ഇനി മുകളിൽ പരാമർശിച്ച EN ബട്ടൺ ക്ലിക്ക് ചെയ്ത് MY സെലക്റ്റ് ചെയ്യുക. മലയാളത്തിലേക്കും ഇംഗ്ലീഷിലേക്കും മാറിമാറി ഷിഫ്റ്റ് ചെയ്യുവാൻ Ctrl + G എന്ന ടോഗിൾ കീ ഉപയോഗിക്കാം. ഓരോ തവണം കൺ‌ട്രോളും G യും ഒരുമിച്ച് അമർത്തുമ്പോഴും മലയാളം ഇൻപുട്ട്, ഇംഗ്ലീഷ് ഇൻപുട്ട് എന്നീ മെതേഡുകളിലേക്ക് മാറാം. മൌസ് എടുക്കേണ്ട കാര്യമില്ല. ഇനി ടൈപ്പ് ചെയ്തു തുടങ്ങിക്കോളൂ‍.

നാം ടൈപ്പു ചെയ്തുതുടങ്ങുമ്പോൾ തന്നെ ഗൂഗിൾ നാം ഉദ്ദേശിക്കുന്നതിനോട് സമാനമായ വാക്കുകളുടെ ലിസ്റ്റ് അവിടെത്തന്നെ പ്രദർശിപ്പിക്കുവാൻ തുടങ്ങും. അതാണ് ചിത്രത്തിൽ നീലനിറത്തിൽ കാണുന്നത്. അവയിലൊന്നാണ് നിങ്ങൾ ഉദ്ദേശിക്കുന്ന വാക്കെങ്കിൽ ടൈപ്പിംഗ് പൂർത്തിയാവുന്നതിനു മുമ്പുതന്നെ അവയെ സെലക്റ്റ് ചെയ്ത് എന്റർ കീ അടിച്ചാൽ ആ വാക്ക് ഔട്ട്പുട്ടായി ലഭിക്കും. സെലക്റ്റ് ചെയ്യാനായി മുകൾ / താഴെ (up/down) ആരോ കീകൾ ഉപയോഗിക്കാം (കീബോർഡിൽ). അപ്പോൾ വാക്കുകൾ ഹൈലൈറ്റ് ചെയ്യപ്പെടുന്നത് മാറും. എന്റർ അടിച്ചാൽ ആ വാക്ക് ഔട്ട്പുട്ട് ആയിലഭിക്കും. നിങ്ങൾ ഉദ്ദേശിക്കുന്ന വാക്ക് ഔട്ട്പുട്ടായി ലഭിക്കുന്നതേയില്ലെങ്കിൽ മേൽ‌പ്പറഞ്ഞ വിർച്വൽ കീബോർഡിൽ വാക്കുകൾ തയ്യാറാക്കി അവയെ ഇൻസേർട്ട് ചെയ്യുകയുമാവാം.

IME യുടെ ഫോണ്ട് സെറ്റിംഗിൽ ഏതു മലയാളം യൂണിക്കോഡ് ഫോണ്ടായാലും (ഡിഫോൾട്ട് കാർത്തിക) അത് നമ്മൾ മാറ്റേണ്ടതില്ല. കാരണം നാം ടൈപ്പുചെയ്യുന്ന ആപ്ലിക്കേഷനിൽ സെലക്റ്റ് ചെയ്തിരിക്കുന്ന യൂണിക്കോഡ് ഫോണ്ട് ആണ് നമുക്ക് അവിടെ ഔട്ട്പുട്ടിൽ കിട്ടുന്നത്. ഉദാഹരണത്തിനു മൈക്രോസോഫ്റ്റ് വേഡിൽ ടൈപ്പുചെയ്യുമ്പോൾ IME Font കാർത്തിക ആയാലും, വേഡിൽ ടൈപ്പ് ചെയ്ത് ടെക്സ്റ്റ് അഞ്ജലി ഓൾഡ് ലിപിയായോ രചനയായോ മാറ്റാൻ പ്രയാസമില്ല. അവിടെ ടെക്സ്റ്റ് സെലക്റ്റ് ചെയ്ത് ഫോണ്ട് മാറ്റിയാൽ മതി. താഴെക്കൊടുത്തിരിക്കുന്ന സ്ക്രീൻ ഷോട്ട് നോക്കൂ.

ഔട്ട്പുട്ട് ആയി വരുന്ന വാക്കിനെ ഗൂഗിളിൽ സേർച്ച് ചെയ്യണോ? വളരെ എളുപ്പം. ആ വിന്റോയിൽ കാണുന്ന ഗൂഗിൾ ലോഗോയിൽ ക്ലിക്ക് ചെയ്താൽ മാത്രം മതി. ഗൂഗിൾ സേർച്ച് എഞ്ചിൻ തനിയെ തുറന്ന് നിങ്ങൾ ടൈപ്പു ചെയ്യുന്ന വാക്ക് നെറ്റിൽ തിരഞ്ഞുകൊള്ളും!

ഈ ഇൻപുട്ട് മെതേഡ് നിങ്ങൾക്ക് എവിടെ ടൈപ്പു ചെയ്യാനും ഉപയോഗിക്കാം. വേഡ് പ്രോസസറുകളിൽ, മെയിലുകളിൽ, വെബ് പേജുകളിൽ, കമന്റ് ബോക്സുകളീൽ എവിടെയും. അങ്ങനെ ഓഫ് ലൈനിൽ മലയാളം വളരെ അനായാസം ടൈപ്പുചെയ്യാനാവുന്ന ഒരു ഇൻപുട്ട് മെതേഡ് ഗൂഗിൾ കൊണ്ടുവന്നിരിക്കുന്നു. അതിൽ അവരെ അഭിനന്ദിക്കാം. ബ്ലോഗ് മാറ്ററുകൾ ഇനി ഓഫ് ലൈനിൽ ടൈപ്പ് ചെയ്ത് സേവ് ചെയ്ത് വച്ചിട്ട് പോസ്റ്റ് പബ്ലിഷ് ചെയ്യാറാകുമ്പോൾ മാത്രം ബ്ലോഗ് പോസ്റ്റിലേക്ക് കൊണ്ടുവന്നാൽ മതിയാകും.

=========
കുറിപ്പുകൾ
=========

1. ഈ പോസ്റ്റിൽ വിവരിച്ചതുപോലെ ഇംഗ്ലീഷ് - മലയാളം എന്നിങ്ങനെ ഇൻപുട്ട് മെതേഡ് മാറ്റുന്നതിന് മൌസ് തന്നെ ഉപയോഗിക്കണം എന്നില്ല. ഇതിനായി ഒരു കീബോർഡ് ഷോർട്ട് കട്ട് കീ കോമ്പിനേഷൻ സെറ്റ് ചെയ്യാം. Control panel തുറന്ന് Regional and Language options എടുക്കുക. അതിൽ Language tab തുറന്ന് details ക്ലിക്ക് ചെയ്യുക. അവിടെ Key settings എന്നൊരു ബട്ടൺ കാണാം. അതിൽ ക്ലിക്ക് ചെയ്യുക. ഇപ്പോൾ കീ കോമ്പിനേഷൻസ് സെറ്റ് ചെയ്യാനുള്ള ഓപ്ഷൻ വിന്റോ ലഭിക്കും.

എനിക്ക് സൌകര്യപ്രദമായി തോന്നിയ കോമ്പിനേഷൻ Ctrl + shift ആണ്. അതാണ് ഈ ചിത്രത്തിൽ കാണുന്നത്. അതായത് ഓരോ തവണയും ഈ കോമ്പിനേഷൻ അമർത്തുമ്പോൾ ഇൻ‌പുട്ട് മെതേഡ് ഇംഗ്ലീഷ് / മലയാളം എന്നിങ്ങനെ മാറീ മാറി വരും. ഇത് നിങ്ങൾക്ക് ഇഷ്ടമാവുന്നില്ലെങ്കിൽ Change key sequence എന്ന ബട്ടൺ അമർത്തി വേണ്ട മാറ്റങ്ങൾ വരുത്തി സേവ് ചെയ്യുക.

2. ടൈപ്പു ചെയ്യുമ്പോൾ ഫോണ്ട് മാറ്റി അഞ്ജലി ഓൾഡ് ലിപി, കാർത്തിക, രചന ഇവയിൽ ഏതും സെലക്റ്റ് ചെയ്യാം. ബ്രൌസറുകളിൽ കാണാൻ ഭംഗി അഞ്ജലിയും രചനയുമാണ്. ആദ്യം പറഞ്ഞ ഒരു കാര്യം ഒരിക്കൽ കൂടി പറയട്ടെ, വിന്റോസിന്റെയും ഓഫീസിന്റെയും പുതിയ വേർഷനുകളിലാണ് ഈ സംവിധാനം ഭംഗിയായി പ്രവർത്തിക്കുന്നത് കാണുന്നത്. എങ്കിലും നിങ്ങളുടെ കൈയ്യിലുള്ള വേർഷനുകളിൽ പ്രവർത്തിക്കുന്നുണ്ടോ എന്നു നോക്കുന്നതിൽ തെറ്റില്ലല്ലോ.

3. ഒരേ സിസ്റ്റത്തിൽ തന്നെ നോട്ട്പാഡ്, വേഡ്പാഡ്, ഓഫീസ് എന്നിവയിലെല്ലാം ഈ സംവിധാനം ഒരു പോലെ വിജയകരമാവണമെന്നില്ല. അത് IME യുടെ കുഴപ്പമല്ല. നാം എഴുതാനുപയോഗിക്കുന്ന ആപ്ലിക്കേഷന്റെ വേർഷൻ അനുസരിച്ച് വരുന്ന മാറ്റമാണ്.

4. ഈ സംവിധാനം ഉപയോഗിച്ചു ടൈപ്പ് ചെയ്യാന്‍ ശ്രമിക്കുമ്പോള്‍ ചില സിസ്ടങ്ങളില്‍ മോസില്ല പ്രശ്നം കാണിക്കുന്നുണ്ട്. സിസ്റ്റം hang ആവുന്നു.

5. IME ഇൻസ്റ്റാൾ ചെയ്തിട്ടും MY ഇൻപുട്ട് കിട്ടാത്തവർ താഴെപ്പറയുന്ന കാര്യങ്ങൾ ചെയ്യുക.

കൺ‌ട്രോൾ പാനൽ തുറക്കുക. (Start > settings > control panel)
കൺ‌ട്രോൾ പാനലിൽനിന്നും Regional & language options സെലക്റ്റ് ചെയ്യുക
ഇപ്പോൾ തുറക്കുന്ന ചെറിയവിന്റോയിൽനിന്നും Languages എന്ന ടാബ് സെലക്ട് ചെയ്യുക.
അതിൽ Supplimental language support എന്നൊരു ഭാഗമുണ്ട്. അതിലെ Install files for complex script and right-to-left languages എന്ന വരിക്കുനേരെയുള്ള ചെറിയ കള്ളി ടിക് മാർക്ക് ചെയ്ത് OK ക്ലിക്ക് ചെയ്യുക. ഇപ്പോൾ ഈ ഭാഷകൾക്കായുള്ള സപ്പോർട്ട് ഫയലുകൾ വിന്റോസ് ഇൻസ്റ്റാൾ ചെയ്യും. (ചിലപ്പോൾ വിന്റോസ് ഇൻസ്റ്റലേഷൻ സി.ഡി റോം ഈ ഇൻസ്റ്റലേഷന് ഇടയിൽ ആവശ്യപ്പെട്ടേക്കാം. അത് ആവശ്യത്തിമെങ്കിൽ ഉപകരിക്കും വിധം കൈയ്യിൽ കരുതുക)

ഐ.ടി ആക്റ്റ് 2008 ബ്ലോഗെഴുത്തില്‍ ശ്രദ്ധിക്കേണ്ട കാര്യങ്ങള്‍

2010-01-30T15:16:00.004+04:00

ഐ.ടി. ആക്റ്റും കമ്പ്യൂട്ടറും ബ്ലോഗര്‍ മാര്‍ക്ക് എന്ന തലക്കെട്ടില്‍ “ഉപഭോക്താവ്” എന്ന ബ്ലോഗില്‍ അങ്കിള്‍ എഴുതിയ പോസ്റ്റിന്റെ പുനഃപ്രസിദ്ധീകരണമാണിത്. ഒറിജിനല്‍ പോസ്റ്റ് ഇവിടെ

‌‌‌‌‌‌‌‌‌‌‌‌‌‌‌‌‌‌‌‌‌-----------------------------------------------------------

ആമുഖം:

പല ബ്ലോഗിലും ഈ വിഷയം അവതരിപ്പിച്ചു കണ്ടു. എന്നാൽ ആഴത്തിലുള്ള ഒരു ചർച്ച ഒന്നിലും നടന്നില്ല എന്നതാണു വാസ്തവം. പലതിലും നിയമത്തിലെ വകുപ്പുകൾ ഉദ്ധരിച്ച്കൊണ്ട് തന്നെ ഞാൻ കമന്റുകൾ രേഖപ്പെടുത്തി. എന്നിട്ടും കൂടുതൽ ചർച്ചക്കായി ആരും എത്തിയില്ല എന്ന കാര്യം എന്നെ നിരാശപ്പെടുത്തി. പുതുതായി നിലവിൽ വന്ന ഒരു നിയമമല്ലേ, സമയമെടുത്ത്, മനസ്സിരുത്തി നിയമം വായിച്ചാലേ ഒരു ക്രീയാത്മകമായ ചർച്ചക്ക് തയ്യാറാകാൻ കഴിയൂ. മറ്റു ജോലികൾക്കിടയിൽ ബ്ലോഗ് വായനക്കു കൂടി അല്പം സമയം കണ്ടെത്തുന്നവരാണു ബൂലോഗത്തുള്ളവരിൽ കൂടുതലും. അവരിൽ നിന്നും വലുതായി പ്രതീക്ഷിക്കുന്നത് തന്നെ ശരിയല്ലല്ലോ. സംഗതി രാഷ്ട്രീയമായിരുന്നെങ്കിൽ ദിവസേനയുള്ള പത്രം വായന മാത്രം മതി ഒരു ചർച്ച കൊഴുപ്പിക്കാൻ.

ഞാൻ ഏതായാലും ഈ നിയമം മുഴുവൻ ഒരു പ്രാവശ്യം വായിച്ചു. കമ്പ്യൂട്ടർ പ്രവർത്തനങ്ങളുമായി നേരിട്ട് ബന്ധം വരുന്ന വകുപ്പുകൾ വീണ്ടും വായിച്ചു. അങ്ങനെ ഞാൻ മനസ്സിലാക്കിയ കാര്യങ്ങൾ, പ്രധാനമായും കമ്പ്യൂട്ടറുമായി ബന്ധമുള്ള വകുപ്പുകളെ പറ്റിയുള്ളവ, ഇവിടെ പങ്കിടുന്നു.

പുതുക്കിയ ഐറ്റി ആക്റ്റ് 2008

2008 ലെ ഐറ്റി അമെന്റുമെന്റ് ആക്ട് പൊതുജനങ്ങളുടെ അവകാശങ്ങളിൽ കടന്നു കയറാനുള്ള എല്ലാ അധികാരങ്ങളും നൽകുന്നു. America's Patriot Act നു സമാനമായ ഒന്നാണു ഇതെന്നും പറയപ്പെടുന്നു. അമേരിക്കയിലെ സെപ്റ്റമ്പർ 11 നുണ്ടായ ദാരുണസംഭവത്തിനു ശേഷമാണു അവിടുത്തെ ആക്ട് പാസാക്കിയെടുത്തത്. അതു പോലെ ഇൻഡ്യയിലും നവമ്പർ 26 നു ബോംബെയിലുണ്ടായ ആക്രമണത്തിനു ശേഷം പസ്സാക്കിയെടുത്തതാണു ഇവിടുത്തെ നിയമം. നവമ്പർ 26 ലെ ബോംബെ ആക്രമണം പ്ലാൻ ചെയ്യുന്നതിൽ കമ്പ്യൂട്ടർ നെറ്റ്വർക്കിൽ കൂടെയുള്ള ടെലിഫോൺ സംഭാഷണങ്ങൾ (VoIP) ഒരു സുപ്രധാന പങ്ക് വഹിച്ചിരുന്നുവെന്നു ഇന്റലിജൻസ് ബ്യൂറോ കേന്ദ്രസർക്കാരിനെ അറിയിച്ചിരുന്നു. അപ്രകാരമുള്ള സംഭാഷണങ്ങളെ (VoIP) നിയന്ത്രിക്കാനും നിരീക്ഷിക്കാനും അതുവരെ നിയമങ്ങളില്ലായിരുന്നു. ഇനി സർക്കാരിനു എവിടെയുമുള്ള കമ്പ്യൂട്ടറിലോ, ഫോണിലോ മറ്റു ഇലക്ട്രോണിക് ഉപകരണങ്ങളിലോ ഊളിയിടാം (monitor). കോടതി ഉത്തരവിന്റെ അടിസ്ഥാനത്തിൽ മാത്രം ഇതുവരെ അന്വേഷണം നടത്തിയിരുന്ന കാര്യങ്ങളിൽ ഇനിമേൽ കോടതി ഇടപെടാതെ തന്നെ സർക്കാരിനു അന്വേഷണം നടത്താം, നടപടിയെടുക്കാമെന്നായിരിക്കുന്നു.

ഐറ്റി ആക്ട് 2000 ത്തിനെ തൂത്തുവാരുന്ന 45 ഓളം ഭേദഗതികളോടുകുടിയ ഈ നിയമം ഒരു വാദപ്രതിവാദമോ ചർച്ചയോ കൂടാതെയാണു പാലമെന്റ് പാസ്സാക്കിയെടുത്തത്. അന്നു (23-12-2008) പാർലമെന്റിൽ സന്നിഹിതരായിരുന്ന നമ്മുടെ പ്രീയ ജനപ്രതിനിധികൾ ലോക സഭയുടെ നടുക്കളത്തിലിറങ്ങി കേന്ദ്രമന്ത്രി എ.ആർ. ആന്തുലെയുടെ രാജിക്ക് വേണ്ടി മുറവിളികൂട്ടി പാർലമെന്റിനെ ഇളക്കിമറിക്കുകയായിരുന്നു. അന്നു പാർലമെന്റിൽ അവതരിപ്പിച്ച 12 ബില്ലുകളിന്മേൽ ഒന്നും ചർച്ച ചെയ്യാൻ അവർക്ക് മനസ്സില്ലായിരുന്നു. ഒരു ചർച്ചയും കൂടാതെ ഭരണകക്ഷികൾ ‘ഹായ്’ വിളിച്ച് 15 മിനുട്ടിനുള്ളിൽ പാസ്സാക്കിയടുത്ത നിയമങ്ങളിൽ ഒന്നു ഐറ്റി ആക്ട് 2008 ആയിരുന്നു. ഇൻഡ്യൻ ജനാധിപത്യത്തിന്റെ ഒരു കറുത്ത ദിനം.

ഏതെങ്കിലും സംസ്ഥാന സർക്കാർ ഈ നിയമത്തിനെ ദുരുപയോഗം ചെയ്യുന്നത് ഒഴിവാക്കാനായുള്ള ഒന്നും തന്നെ ഇതിൽ ഉൾപ്പെടുത്താൻ കഴിഞ്ഞിട്ടില്ല.

ഈ നിയമം മൂലം പെട്ടുപോകുന്ന നിരപരാധികളുടെ രക്ഷക്കായി ഒരു ‘ഓംബുഡ്സ്മാനോ’ അതുപോലുള്ള മറ്റ് കാര്യങ്ങളോ ഒന്നും തന്നെ ഇല്ല. എല്ലാം ‘നിർദ്ദേശിക്കുന്നതു പോലെ’ എന്ന വാക്കുകളിൽ ഒതുക്കിയിരിക്കുന്നു. എന്നു്, ആർ നിർദ്ദേശിക്കും എന്നു കണ്ടറിയണം.

അധികാരങ്ങൾ വാരിക്കോരി കൊടുത്തിരിക്കുന്ന ഈ നിയമം നടപ്പാക്കുന്നവരുടെ ഉത്തരവാദിത്വങ്ങൾകൂടി സംശയങ്ങൾക്കിടയില്ലാതെ നിർവചിക്കണമായിരുന്നു. അതില്ലാത്തതിനാൽ ദുരുപയോഗം കൂടുമെന്നു വ്യക്തം.

അടിയന്തിരാവസ്ഥയിലോ പൊതുജനസുരക്ഷിതത്തിനു വേണ്ടിയോ മാത്രമായിരുന്നു IT Act, Clause 5(2) of theIndian Telegraph Act of 1885 അനുസരിച്ച് ഫോൺ ടാപ്പിംഗ് അനുവദിച്ചിരുന്നുള്ളൂ. എന്നാൽ പുതുക്കിയ ഐറ്റി ആക്ടിൽ അടിയന്തിരാവസ്ഥ, പൊതുജനസുരക്ഷ എന്നിവയെപറ്റിയൊന്നും ഒരക്ഷരം പറയുന്നില്ല.

ഇന്ത്യ ഐ.ടി ആക്ട് (2000) ആണ് രാജ്യത്തെ സൈബര്‍ നിയമങ്ങളുടെ അടിസ്ഥാനപ്രമാണം. ഈ നിയമത്തില്‍ 2008 ഡിസംബര്‍ 23ന് സാരമായ ഭേദഗതികള്‍ പാര്‍ലമെന്റ് പാസ്സാക്കിയിരുന്നു. ഇക്കഴിഞ്ഞ ഒക്ടോബര്‍ 27, 2009-നാണ് ഭേദഗതി ചെയ്യപ്പെട്ട ഐ.ടി. നിയമം രാജ്യത്ത് പ്രാബല്യത്തില്‍ വന്നത്. വിവര സാങ്കേതിക വിദ്യ (ഭേദഗതി) നിയമം, ഇന്റര്‍നെറ്റ്, മൊബൈല്‍ ഫോണ്‍, ഇന്റർനെറ്റ് ഫോൺ (VoIP) എന്നിവയുടെ ഉപയോക്താക്കള്‍ക്കു കടുത്ത മുന്നറിയിപ്പാണു നല്‍കുന്നത്.

ഇലക്ട്രോണിക് വിനിമയത്തിനും ക്രയവിക്രയത്തിനും സാധുത നല്‍കുന്നതിന് ഊന്നല്‍നല്‍കിയായിരുന്നു ഐടി ആക്ട് 2000 നിയമം അന്നു നടപ്പാക്കിയത്. 2005ല്‍ ആണു ഭേദഗതിക്കുള്ള കരടു തയാറാക്കിത്തുടങ്ങിയത്. മൂന്നുവര്‍ഷം കൊണ്ടാണ് ഇതു പൂര്‍ത്തിയായത്. ഇ-കൊമേഴ്സ് സൈറ്റായ ബാസീ ഡോട്ട് കോം സിഇഒ അവിനാശ് ബജാജിന്റെ അറസ്റ്റും തുടര്‍ന്നു കോര്‍പറേറ്റ് ലോകത്തുണ്ടായ പ്രതിഷേധവുമാണു നിയമഭേദഗതിക്കു വഴിതെളിച്ചത്. ഡല്‍ഹി പബ്ളിക് സ്കൂളിലെ രണ്ടു വിദ്യാര്‍ഥിനികളുടെ നഗ്നചിത്രങ്ങള്‍ 2004 ഡിസംബറില്‍ ഐഐടി വിദ്യാര്‍ഥി ബാസി ഡോട്ട് കോമില്‍ അപ്ലോഡ് ചെയ്തതിനെ തുടര്‍ന്നാണു അതിന്റെ സിഇഒയെ അറസ്റ്റ് ചെയ്തത്.

The IT AA, 2008 adds new eight cyber offences viz;

sending offensive messages through a computer or mobile phone (Section 66A),
receiving stolen computer resource or communication device (Section 66B)
Punishment for identity theft (Section 66C)
Punishment for cheating by personation using computer resource (Section 66D)
Punishment for violating privacy or video voyeurism (Section 66E)
Cyber Terrorism (Section 66F)
Publishing or transmitting material in electronic form containing sexually explicit act (Section 67A),
Child pornography (Section 67B)

2008 ലെ കൂട്ടിചേർക്കലുകളെ ഏതാണ്ട് ഇങ്ങനെ സംഗ്രഹിക്കാം:

സൈബർ കുറ്റങ്ങളെപറ്റിയും അതിനുള്ള ശിക്ഷാവിധികളേയും പറ്റി വിശദീകരിക്കുന്നത് പ്രധാനമായും വകുപ്പ് 66 ലാണു. അതിൽ പ്രതിപാദിക്കുന്നതെല്ലാം വിരോധമുളവാക്കുന്ന സന്ദേശങ്ങൾ ഈ-മെയിൽ വഴി അയക്കുകയും കൈമാറുകയുംചെയ്യുമ്പോൾ ഉണ്ടാകുന്ന ഭവിഷ്യത്തുകളെ പറ്റിയാണു.

മറ്റൊരാളെക്കുറിച്ചു തെറ്റിദ്ധരിപ്പിക്കുന്ന വിവരങ്ങള്‍ ഉള്‍ക്കൊള്ളുന്ന ഇ-മെയില്‍ സന്ദേശങ്ങൾ കൈമാറ്റം ചെയ്യുന്നതും ഇനി മൂന്നുവര്‍ഷം വരെ ശിക്ഷകിട്ടാവുന്ന കേസ്.

തികച്ചും കുറ്റകരമായ, അല്ലെങ്കില്‍ നിന്ദാപരമായ സന്ദേശങ്ങള്‍ അയയ്ക്കുകയോ, ഫോര്‍വേഡ് ചെയ്യുകയോ ചെയ്യുന്നതു മൂന്നുവര്‍ഷം മുതല്‍ ജീവപര്യന്തം വരെ തടവുശിക്ഷ ലഭിക്കാവുന്നതും 10 ലക്ഷം രൂപ വരെ പിഴ ലഭിക്കാവുന്നതുമായ കുറ്റകൃത്യമാണ്.

മറ്റൊരാളെ ശല്യപ്പെടുത്തുകയോ, ബുദ്ധിമുട്ടുണ്ടാക്കുകയോ, അപകടമുണ്ടാക്കുകയോ, അപമാനമുണ്ടാക്കുകയോ, ശത്രുതയുണ്ടാക്കുകയോ, ഭീഷണിപ്പെടുത്തുകയോ ചെയ്യുന്ന ഇ-മെയിൽ സന്ദേശങ്ങൾ ദുഷ്ടലാക്കോടെ അയയ്ക്കുന്നത് ഐടി ആക്ട് 66 വകുപ്പുപ്രകാരം മൂന്നുവര്‍ഷംവരെ തടവുകിട്ടാവുന്ന കേസാണ്.

[ഉദാഃ 1.സൌദി അറേബ്യയിൽ ബിസിനസ്സ് നടത്തുന്ന പ്രമോഷ് എന്നയാളുടെ കുന്നംകുളം കടവല്ലൂരിലെ വീടിന്റെ ചിത്രം മാർക്സിസ്റ്റ് പാർട്ടി സെക്രട്ടറി പിണറായി വിജയന്റെ വീടിന്റെ ചിത്രമെന്ന വ്യാജേന ഇന്റർനെറ്റ് ഈമെയിൽ വഴി പ്രചരണം നടക്കുകയുണ്ടായി. ഇതിനെതിരെ പിണറായി ഡി.ജി.പിക്ക് പരാതി നൽകി.

പിണറായി വിജയനെ അപകീർത്തിപ്പെടുത്തുന്ന ഈ-മെയിൽ അയച്ച കേസിൽ രണ്ടു പേരെ സൈബർ സെൽ അറസ്റ്റു ചെയ്തു. വ്യാജ ചിത്രം പുതിയ അടികുറിപ്പോടെ ഈ-മെയിലിൽ അയച്ചുവെന്നതാണു കുറ്റം. ഐ ടി ആക്ടിലെ 66 എ വകുപ്പ് പ്രകാരം അപകീർത്തിപ്പെടുത്തുന്ന സന്ദേശമയച്ചതിനാണു മൂന്നു വർഷം വരെ തടവുശിക്ഷ ലഭിക്കുന്ന കുറ്റം ചാർത്തിയിരിക്കുന്നത്.

പിണറായി വിജയന്‍ കേസ് പൊതുജനങ്ങള്‍ക്കും കംപ്യൂട്ടര്‍ ഉപയോക്താക്കള്‍ക്കുമുള്ള 'പാഠം‘ എന്ന നിലയിലാണ് എടുത്തതെന്നു പൊലീസ് മേധാവികള്‍ പറയുന്നു. പിണറായി വിജയന്റെ വീടെന്ന രീതിയില്‍ വ്യാജചിത്രം പ്രചരിപ്പിച്ച എല്ലാവരും നിയമം അണുവിട തെറ്റാതെ നടപ്പാക്കിയാല്‍ കേസില്‍ പ്രതികളാകേണ്ടി വരും; ഇവരുടെ ഉദ്ദേശ്യം പിന്നീടു തെളിയിക്കപ്പെടേണ്ടതാണെങ്കിലും. ഫോട്ടോയ്ക്ക് അടിക്കുറിപ്പു നല്‍കിയവരെന്നു പൊലീസ് അവകാശപ്പെടുന്നവരെ മാത്രമാണു അറസ്റ്റ് ചെയ്തത്.

ഐ റ്റി നിയമ ഭേദഗതി നിലവിൽ വന്നതിനു ശേഷമുള്ള സംസ്ഥാനത്തെ ആദ്യത്തെ കേസാണിത്.

2. നിസ്സാരമായ ചില പരിഹാസങ്ങൾ പോലും ചിലർക്ക് പ്രയാസമുണ്ടാക്കിയേക്കാം. തീർന്നില്ലേ കാര്യം. ഐ.റ്റി നിയമത്തിനെതിരായി. എഴുതിയതിന്റെ ധ്വനി പലപ്പോഴും തെറ്റിദ്ധരിക്കപ്പെടാം. അത്തരത്തിലുള്ള സന്ദേശങ്ങൾ കിട്ടുന്നവർക്ക് ബുദ്ധിമുട്ടോ, അപമാനമോ തോന്നിയേക്കാം. അപ്പോഴും പെട്ടതു തന്നെ.

മോഷ്ടിക്കപ്പെട്ട കംപ്യൂട്ടര്‍, മൊബൈല്‍ ഫോണ്‍, സിഡിറോം, പെന്‍ഡ്രൈവ് ഉള്‍പ്പെടെയുള്ള കമ്യൂണിക്കേഷന്‍ ഉപകരണങ്ങള്‍ അതു മോഷ്ടിക്കപ്പെട്ടതാണെന്നറിഞ്ഞുകൊണ്ട് ഉപയോഗിച്ചാല്‍ മൂന്നുവര്‍ഷം വരെ തടവോ ഒരുലക്ഷം വരെ പിഴയോ ലഭിക്കും. കംപ്യൂട്ടര്‍ വഴിയുള്ള തട്ടിപ്പ്, വഞ്ചന, ഡിജിറ്റല്‍ ഒപ്പ് മോഷ്ടിക്കല്‍, പാസ്വേര്‍ഡ് ദുരുപയോഗം എന്നിവയ്ക്കും സമാനശിക്ഷയാണുള്ളത് [വകുപ്പ് 66ബി].

വ്യക്തിയുടെ അനുവാദമില്ലാതെ സ്വകാര്യഭാഗങ്ങളുടെ ചിത്രങ്ങള്‍ എടുക്കുന്നതും അയയ്ക്കുന്നതും അവരുടെ സ്വകാര്യതയിലോട്ടുള്ള കടന്നുകയറ്റമായി കരുതും. മൂന്നുവര്‍ഷം വരെ തടവോ രണ്ടുലക്ഷത്തിലധികം പിഴയോ ലഭിക്കാവുന്ന കുറ്റമാണ്.[വകുപ്പ് 66ഇ]

നഗ്നമോ, അടിവസ്ത്രങ്ങള്‍ കൊണ്ടു മറച്ചതോ ആയ ലൈംഗികാവയവങ്ങള്‍, ഗുഹ്യഭാഗങ്ങള്‍, നിതംബം, സ്ത്രീകളുടെ മാറിടം എന്നിവയാണു സ്വകാര്യഭാഗങ്ങളായി നിയമത്തില്‍ വിശദീകരിച്ചിരിക്കുന്നത്.

ഐടി ആക്ട് 67. ഇലക്ട്രോണിക് മാധ്യമത്തിൽ കൂടി പ്രസിദ്ധീകരിക്കുന്ന / പ്രസരിപ്പിക്കുന്ന ഏതുതരം അശ്ലീലങ്ങളേയും ഈ വകുപ്പിൽ പെടുത്താം. ഇവിടെയാണു ബ്ലോഗുകൾ പ്രസക്തമാകുന്നത്. അതായത് അശ്ളീലചിത്രങ്ങള്‍ /ലേഖനങ്ങൾ എന്നിവ വെബ്സൈറ്റിൽ /ബ്ലോഗിൽ പ്രസിദ്ധീകരിക്കുക, പ്രസരണം നടത്തുക എന്നിവയ്ക്കു മൂന്നുവര്‍ഷം തടവും അഞ്ചുലക്ഷം രൂപ വരെ പിഴയുമാണുള്ളത്. കുറ്റം ആവര്‍ത്തിച്ചാല്‍ തടവിന്റെ കാലാവധി അഞ്ചുവര്‍ഷവും പിഴയുടേതു 10 ലക്ഷവുമാകും. മറ്റു കുറ്റങ്ങളില്‍ പിഴയോ തടവോ ഏതെങ്കിലുമൊന്ന് അനുഭവിച്ചാല്‍ മതിയെങ്കില്‍ അശ്ളീലപ്രസാരണത്തിനു രണ്ടും ഒന്നിച്ചനുഭവിക്കണം.

ഇലക്ട്രോണിക് മാധ്യമത്തിലുടെ ലൈംഗിക പ്രവർത്തനം വ്യക്തമാകുന്ന ഏതുതരം കാര്യങ്ങളും ഇതു പോലെ പ്രസിദ്ധീകരിക്കുന്നതും പ്രസരണം നടത്തുന്നതും കുറ്റകരമാണു.[വകുപ്പ് 67 എ] ഇതും ബ്ലോഗുകൾ ശ്രദ്ധിക്കേണ്ട ഒരു വകുപ്പാണു.

എന്നാൽ ഇപ്രകാരം ചെയ്യുന്നത് പൊതുജന താല്പര്യപ്രകാരമോ, മതാവശ്യങ്ങൾക്ക് വേണ്ടിയോ ആണെങ്കിൽ ഈ നിയമം ബാധകമല്ല. [വകുപ്പ് 67 A]

അശ്ലീലമായാലും, ലൈംഗികമായാലും ഒരു കമ്പ്യൂട്ടറിൽ അല്ലെങ്കിൽ ഒരു ഇലക്ട്രോണിക് മാധ്യമത്തിൽ ശേഖരിച്ച് വക്കുന്നത് ഈ വകുപ്പുകൾ [67, 67എ] പ്രകാരം കുറ്റമാണെന്നു തോന്നുന്നില്ല. നിയമത്തിൽ പറയുന്നത് published or transmitted എന്നു മാത്രമാണു. പക്ഷേ ആ ശേഖരം ഉടമസ്ഥന്റെ അറിവോടും സമ്മതത്തോടും ആയിരിക്കണമെന്നു മാത്രം.

Child Pornography യുടെ കാര്യത്തിൽ ഈ നിയമം വളരെ കർക്കശമാണു.
18 വയസ്സിനു താഴെയുള്ള കുട്ടികളുടെ നഗ്ന, ലൈംഗിക ചിത്രങ്ങള്‍ പ്രസാരണം നടത്തുകയോ പ്രസിദ്ധീകരിക്കുകയോ കൈമാറുകയോ ചെയ്യുന്നത് കുറ്റകരം. അതുകൊണ്ട് അപ്രകാരമുള്ള ചിത്രങ്ങൾ/ചിത്രീകരണങ്ങൾ ഇന്റര്‍നെറ്റ്വഴി സ്വന്തംകമ്പ്യൂട്ടറിൽ ബ്രൌസ് ചെയ്യലും ഡൌണ്‍ലോഡ് ചെയ്യലും തെരച്ചിൽ നടത്തുന്നതും ശിക്ഷാര്‍ഹമാണ്. ലൈംഗികമായി പ്രലോഭിപ്പിക്കുന്ന ഇ-മെയില്‍, ചാറ്റിങ്, എസ്എംഎസ് എന്നിവയ്ക്കും സമാനശിക്ഷയാണുള്ളത്. [വകുപ്പ് 67ബി]

ഇനിമുതൽ, സ്വകാര്യമായി സ്വന്തം മുറിയിലിരുന്നു കമ്പ്യൂട്ടറിൽ ശേഖരിച്ച് വച്ചിരിക്കുന്ന ലൈംഗികവേഴ്ചകൾ കാണുമ്പോൾ, ആ വേഴ്ചകളിൽ 18 വയസ്സിനു മുകളിലുള്ളവർ മാത്രമേ ഉൾപ്പെട്ടിട്ടുള്ളുവെന്നു ഉറപ്പ് വരുത്തികൊള്ളണം. അത് ഇന്റർനെറ്റിൽ പ്രസിദ്ധീകരിച്ചതോ കൈമാറികിട്ടിയതോ ആയിരിക്കരുത് [വകുപ്പ് 67എ]. ആങ്ങനെയാണെങ്കിൽ ചിലപ്പോൾ ഗോതമ്പുണ്ട തിന്നേണ്ടി വരും.

ശാസ്ത്രം, കല, സാഹിത്യം, പഠനം എന്നിവയുടെ താല്‍പര്യത്തിനനുസൃതമായി തയാറാക്കുന്ന ലൈംഗിക സ്വഭാവമുള്ളവ നിയമനടപടിയില്‍ നിന്ന് ഒഴിവാക്കിയിട്ടുണ്ട്.

പുതിയ വകുപ്പില്‍ ഏറ്റവും കർക്കശമായ ശിക്ഷയുള്ളതു സൈബര്‍ തീവ്രവാദത്തിനാണ്. രാജ്യത്തിന്റെ അഖണ്ഡത, സുരക്ഷ, വിദേശ രാജ്യങ്ങളുമായുള്ള സൌഹൃദം എന്നിവയ്ക്കു ഭീഷണിയുണ്ടാക്കുന്നതോ, വ്യക്തികള്‍ക്ക് അപകടം സംഭവിക്കാന്‍ കാരണമാക്കുന്നതോ, സമൂഹത്തെ പൊതുവായി ബാധിക്കുകയോ ചെയ്യുന്ന പ്രവൃത്തികളാണു സൈബര്‍ തീവ്രവാദത്തില്‍ ഉള്‍പ്പെടുന്നത്. ജീവപര്യന്തം വരെ ശിക്ഷ ലഭിക്കാവുന്നതാണ് ഈ കുറ്റകൃത്യങ്ങള്‍.

നേരത്തേയുള്ള നിയമമനുസരിച്ചു വെബ്സൈറ്റിന്റെ നടത്തിപ്പുകാര്‍ക്കെതിരെയാണു കേസെങ്കില്‍ പുതിയ ഭേഗഗതിപ്രകാരം സ്വതന്ത്രമായി അപ്ലോഡ് ചെയ്യാവുന്ന സൈറ്റുകളില്‍ നിയമവിരുദ്ധമായ കാര്യങ്ങള്‍ കൂട്ടിച്ചേര്‍ക്കുന്നവര്‍ക്കെതിരെ കേസെടുക്കും.

ഓര്‍ക്കുട്ട്, ഫേസ്ബുക്ക് തുടങ്ങിയ സോഷ്യല്‍ നെറ്റ്വര്‍ക്ക് സൈറ്റുകളില്‍ വ്യാജപ്രൊഫൈലുകളുണ്ടാക്കി അപകീര്‍ത്തികരമായ പ്രവര്‍ത്തനം നടത്തുന്നവരും കേസിലാകും. അസിന്റെയോ ഷാറുഖ് ഖാന്റെയോ ഫോട്ടോ പ്രൊഫൈലില്‍ വച്ചു മനപ്പൂര്‍വം കബളിപ്പിക്കുന്നവരും പരാതിയുടെ അടിസ്ഥാനത്തില്‍ പിടിയിലാകും [വകുപ്പ് 66ഡി].

പരാതികളുടെ അടിസ്ഥാനത്തില്‍ അതതു പൊലീസ് സ്റ്റേഷനാണു കേസ് റജിസ്റ്റര്‍ ചെയ്തു നടപടി സ്വീകരിക്കേണ്ടതെന്നു സൈബര്‍ സെല്‍ മേധാവിയായ ഐജി ടോമിന്‍ തച്ചങ്കരി പറഞ്ഞു. സൈബര്‍സെല്‍ ഇതു സംബന്ധിച്ചു വിദഗ്ധസഹായം നല്‍കും. പ്രത്യേക സാഹചര്യങ്ങളില്‍ പരാതിയില്ലാതെ തന്നെ പൊലീസിനു സ്വമേധയാ കേസെടുത്ത് അന്വേഷണം നടത്താം.

നേരത്തേ ഡിവൈഎസ്പിക്കു താഴെയല്ലാത്ത ഉദ്യോഗസ്ഥരാണു സൈബര്‍ ആക്ട് സംബന്ധിച്ചു നടപടിയെടുക്കേണ്ടിയിരുന്നതെങ്കില്‍ ഭേദഗതി അനുസരിച്ചു സിഐയ്ക്കു താഴെയല്ലാത്ത ഉദ്യോഗസ്ഥരാണു നടപടിയെടുക്കേണ്ടത്. ഇവര്‍ക്കു പൊതുസ്ഥലത്തു പ്രവേശിക്കാനും സെര്‍ച്ച് നടത്താനും വാറന്റില്ലാതെ അറസ്റ്റ് ചെയ്യാനും അനുവാദമുണ്ട്.[വകുപ്പ് 80]

'...ഒരു കമ്പ്യൂട്ടറില്‍ നിന്ന് സത്യസന്ധമായി ലഭിക്കാത്ത, അല്ലെങ്കില്‍, കവര്‍ന്നെടുക്കുന്ന, വിവരങ്ങള്‍ ഉപയോഗിക്കുന്നത്...' മൂന്നുവര്‍ഷം വരെ തടവോ ഒരുലക്ഷം രൂപ പിഴയോ അല്ലെങ്കില്‍ ഇതു രണ്ടും ഒന്നിച്ചോ ശിക്ഷ ലഭിക്കത്തക്കവിധമുള്ള കുറ്റമാണെന്നാണ് 66-ബി ഉപവകുപ്പ് പറയുന്നത്. കട്ടെടുത്ത വസ്തുക്കൾ, നിയമവിരുദ്ധമായ കാര്യങ്ങൾ തുടങ്ങിയവ വീടുകളിൽ സൂക്ഷിക്കുന്നത് കുറ്റകരമല്ലേ. അതു പോലെ ഇനിമുതൽ അത്തരം കാര്യങ്ങൾ നിങ്ങളുടെ കമ്പ്യൂട്ടറിലോ, നിങ്ങൾക്കനുവദിച്ച നിങ്ങളുടെ പേരിലുള്ള മറ്റു ഡിജിറ്റൽ സ്പേസിലോ സൂക്ഷിക്കുന്നതും കുറ്റകരമാണു. ഈ നിയമം പാലിക്കുന്നുവെന്നു ഉറപ്പ് വരുത്താനായിരിക്കണം സൈബർ സുരക്ഷിതത്ത്വത്തിന്റെ പേരിൽ ഏത് പോലീസ് ഇൻസ്പെക്ടർ ഏമാനും ഏതു സമയത്തും പൊതു സ്ഥലങ്ങളിലുള്ള കമ്പ്യൂട്ടറുകളോ [വകുപ്പ 70], സ്വൊകാര്യ കമ്പ്യൂട്ടറുകളോ മോണിറ്റർ ചെയ്യുവാനുള്ള അധികാരം നൽകിയിട്ടുള്ളത് [വകുപ്പ് 69ബി].

ഒരു പ്രത്യേക കമ്പ്യൂട്ടര്‍ കുറ്റകരമായ കാര്യങ്ങള്‍ക്കുവേണ്ടി ഉപയോഗിച്ചയാളെ കണ്ടെത്തിയില്ലെങ്കില്‍ ആ കമ്പ്യൂട്ടറിന്റെ ഉടമസ്ഥന്‍ ഒന്നാംപ്രതിയാകുന്ന വ്യവസ്ഥയും ഐ.ടി. നിയമത്തിലുണ്ട്.

ഈ നിയമങ്ങൾ ഉണ്ടാക്കിയതും, മേലിൽ ഇതിനു വേണ്ടുന്ന പുതുക്കലുകൾ നടത്തേണ്ടതും കേന്ദ്രസർക്കാരാണെങ്കിലും, കേരളത്തിൽ ഈ നിയമങ്ങൾ നടപ്പാക്കുന്നതിനു വേണ്ടുന്ന ചട്ടങ്ങൾ ഉണ്ടാക്കേണ്ടത് സംസ്ഥാന സർക്കാരാണു [വകുപ്പ് 90].

പ്രത്യേക ശ്രദ്ധക്ക്:
വകുപ്പ് 66A(c).
മറ്റൊരാളെ അപകടമുണ്ടാക്കുകയോ, അപമാനമുണ്ടാക്കുകയോ, ശത്രുതയുണ്ടാക്കുകയോ,ഭീഷണിപ്പെടുത്തുകയോ ചെയ്യുന്ന ഇ-മെയിലുകള്‍ ദുഷ്ടലാക്കോടെ അയയ്ക്കുന്നത് ഐടി ആക്ട് 66 വകുപ്പുപ്രകാരം മൂന്നുവര്‍ഷംവരെ തടവുകിട്ടാവുന്ന കേസാണ്.

മേൽ പറഞ്ഞത് മനസ്സിലാക്കാവുന്നതേയുള്ളൂ. എന്നാൽ നം അയക്കുന്ന ഈ-മെയിലുകൾ മറ്റൊരാളെ ശല്യപ്പെടുത്തുകയോ, ബുദ്ധിമുട്ടുണ്ടാക്കുകയോ ചെയ്യുന്നുവെങ്കിൽ മൂന്നു വർഷം വരെ തടവു കിട്ടാവുന്ന കേസ്സാണെന്നു വന്നാലോ?

ഇതെന്താ വെള്ളരിക്കാ പട്ടണമോ. അയക്കുന്ന ആൾ ഉദ്ദേശിച്ചില്ലെങ്കിലും, ഈ-
മെയിൽ കിട്ടുന്ന ആൾക്ക് അങ്ങനെ തോന്നിപ്പോയാൽ സംഗതി കുഴഞ്ഞല്ലോ.

രസകരമായൊരു മറ്റൊരു കാര്യം. ഇത്തരത്തിലുള്ള ഈ മെയിലുകൾ അയക്കുന്ന ആളാണല്ലോ സാധാരണഗതിയിൽ അപമാനമുണ്ടാക്കിയതിനോ, ഭീഷണിപ്പെടുത്തിയതിനോ ഉത്തരവാദി. എന്നാൽ പുതുക്കിയ നിയമത്തിൽ “"transmitted or received on a computer," എന്നു പറഞ്ഞിരിക്കുന്നതിൽ നിന്നു മനസ്സിലാകുന്നത് ഈമെയിൽ അയച്ചവനും കിട്ടിയവനും തുല്യ ഉത്തരവാദിത്വമുണ്ടെന്നാണു.

വകുപ്പ് 66E - സ്വകാര്യതയിലോട്ടുള്ള കടന്നുകയറ്റം - sting operation

മറ്റാരും കാണില്ലെന്നു കരുതി ഉടുതുണി മാറാൻ കണ്ടെത്തിയ ഒരു സ്ഥലത്ത് അവിടം പൊതുസ്ഥലത്തിന്റെ ഭാഗമോ അല്ലെങ്കിൽ സ്വകാര്യസ്ഥലത്തിന്റെ ഭാഗം ആയാലും ശരി
അറിഞ്ഞുകൊണ്ട് മനഃപ്പൂർവം ഒളിക്യാമറ ഉപയോഗിച്ചോ മറ്റേതെങ്കിലും സംവിധാനം ഉപയോഗിച്ചോ ആണിന്റേതോ പെണ്ണീന്റേതോ അടിവസ്ത്രങ്ങൾക്കടിയിലുള്ള ശരീരഭാഗങ്ങളെ സമ്മതമില്ലാതെ ചിത്രീകരിക്കുകയോ, ചിത്രീകരണത്തെ കൈമാറുകയോ, പ്രസിദ്ധീകരിക്കുകയോ ചെയ്യുന്നത് വകുപ്പ് 66 ഇ പ്രകാരം കുറ്റകരമാണു.

ഉദാഃ ആശുപത്രികൾ, ഹോട്ടൽ മുറികൾ, ഗ്രീൻ റൂം മുതലായവ.

അപ്പോൾ എല്ലാ സ്റ്റിംഗ് ഓപ്പറേഷനുകളും നിയമവിരുദ്ധമല്ല എന്നു സാരം.

ഐടി ആക്ട് 67. ബ്ലോഗുകൾ പ്രത്യേകം ശ്രദ്ധിക്കുക.

അങ്ങനെ ഇൻഡ്യ ചൈനയേയും കടത്തി വെട്ടിയിരിക്കുന്നു. നാം ഉപയോഗിക്കുന്ന ഇലക്ട്രോണിക് കമ്മ്യൂണിക്കേഷനുകളിൽ അനുവാദം കൂടാതെ സർക്കാരിനു ഊളിയിട്ട് നോക്കാനും വേണ്ടിവന്നാൽ ഇടപെടന്നും ഈ നിയമം അധികാരം നൽകിയിരിക്കുന്നു.

ഇലക്ട്രോണിക് മാധ്യമത്തിൽ കൂടി പ്രസിദ്ധീകരിക്കുന്ന / പ്രസരിപ്പിക്കുന്ന ഏതുതരം അശ്ലീലങ്ങളേയും ഈ വകുപ്പിൽ പെടുത്താം. ഇവിടെയാണു ബ്ലോഗുകൾ പ്രസക്തമാകുന്നത്. അതായത് അശ്ളീലചിത്രങ്ങള്‍ /ലേഖനങ്ങൾ എന്നിവ വെബ്സൈറ്റിൽ /ബ്ലോഗിൽ പ്രസിദ്ധീകരിക്കുക, പ്രസരണം നടത്തുക എന്നിവയ്ക്കു മൂന്നുവര്‍ഷം തടവും അഞ്ചുലക്ഷം രൂപ വരെ പിഴയുമാണുള്ളത്. കുറ്റം ആവര്‍ത്തിച്ചാല്‍ തടവിന്റെ കാലാവധി അഞ്ചുവര്‍ഷവും പിഴയുടേതു 10 ലക്ഷവുമാകും. മറ്റു കുറ്റങ്ങളില്‍ പിഴയോ തടവോ ഏതെങ്കിലുമൊന്ന് അനുഭവിച്ചാല്‍ മതിയെങ്കില്‍ അശ്ളീലപ്രസാരണത്തിനു രണ്ടും ഒന്നിച്ചനുഭവിക്കണം.

ഇലക്ട്രോണിക് മാധ്യമത്തിലുടെ ലൈംഗിക ചേഷ്ടകൾ വെളിവാക്കുന്ന ഏതുതരം കാര്യങ്ങളും ഇതു പോലെ പ്രസിദ്ധീകരിക്കുന്നതും പ്രസരണം നടത്തുന്നതും കുറ്റകരമാണു.[വകുപ്പ് 67 എ] ഇതും ബ്ലോഗുകൾ ശ്രദ്ധിക്കേണ്ട ഒരു വകുപ്പാണു.

എന്നാൽ ഇപ്രകാരം ചെയ്യുന്നത് പൊതുജന താല്പര്യപ്രകാരമോ, മതാവശ്യങ്ങൾക്ക് വേണ്ടിയോ ആണെങ്കിൽ ഈ നിയമം ബാധകമല്ല. [വകുപ്പ് 67 A]

വകുപ്പ് 67ബി.
തുടക്കത്തിൽ, കുട്ടികളെ ഉപയോഗിച്ചുള്ള (child pornography) ലൈംഗികപ്രദർശനം അടങ്ങിയ കാര്യങ്ങൾ കമ്പ്യൂട്ടറിൽ കൂടി പ്രസിദ്ധീകരിക്കുന്നതും, മറ്റുള്ളവർക്ക് അയച്ചു കൊടുക്കുന്നതും കുറ്റകരമാക്കിയിരുന്നു. എന്നാൽ 2008 ലെ പുതുക്കൽ പ്രകാരം അപ്രകാരം പ്രസിദ്ധികരിച്ച ലൈംഗികപ്രദർശനങ്ങളെ നോക്കുന്നതും (browzing), തെരയുന്നതും (seeking) കുറ്റകരമാക്കിയിരിക്കുന്നു. കമ്പ്യൂട്ടറിൽ പോൺ ചിത്രങ്ങൾ/ചിത്രീകരണങ്ങൾ (പ്രായപൂർത്തിയായവരുടേതായാലും) ശേഖരിച്ചോ പകർന്നോ വച്ചിട്ടുണ്ടെങ്കിൽ അതിന്റെ ഉടമയുടെ അനുവാദത്തോടെ ആയിരിക്കണം. ഇല്ലെങ്കിൽ അതും കുറ്റം. നിങ്ങൾ ശേഖരിച്ച് /പകർന്ന് വച്ചിട്ടുള്ള അശ്ലീല ചിത്രങ്ങൾ / ചിത്രീകരണങ്ങൾ ഇന്റർനെറ്റിൽ ഒരിക്കലും പ്രസിദ്ധികരിക്കരുത്. പ്രസിദ്ധികരിക്കുകയോ, പ്രസരിപ്പിക്കുകയോ ചെയ്താൽ വകുപ്പ് 67 പ്രകാരം കുറ്റക്കാരാകും.

വൈറസ്സ്, ട്രോജൻ മുതലായവ കാരണം നിരപരാധികളെ കുറ്റവാളികളാക്കുന്ന ഒരു നിയമമാണിത്. ഇന്ന് അവനവനു ആവശ്യമുള്ള വിവരങ്ങൾ സ്വന്തം കമ്പ്യൂട്ടറിൽ മാത്രമല്ല ശേഖരിച്ച് വക്കുന്നത്. മറ്റുള്ളവരുടെ കമ്പ്യൂട്ടറും, ഇന്റർനെറ്റിൽ നിന്നും ലഭ്യമാക്കുന്ന സ്ഥലങ്ങളും (storage space) ഇതിനുവേണ്ടി ഉപയോഗിക്കുന്നുണ്ട്. അവിടെയൊക്കെ ഉടമയറിയാതെ തന്നെ പലരും ആക്രമിച്ച് കൈയ്യേറി നിരോധിച്ചിരിക്കുന്ന കാര്യങ്ങൾ ശേഖരിച്ച് വക്കാൻ സാധ്യതയുണ്ട്. പക്ഷേ ആ സ്ഥലത്തിന്റെ (സ്റ്റോറേജ് സ്പേസ്) ഉടമ നിയമത്തിന്റെ മുന്നിൽ കുറ്റവാളിയാകുന്നു. നിരപരാധിത്വം തെളിയിക്കേണ്ട ബാധ്യത ഉണ്ടാകുന്നു. ഇത്തരം സന്ദർഭങ്ങളിൽ നിരപരാധികളെ ഒഴിവാക്കാനുള്ള ഒരു ചട്ടങ്ങളും പുതുക്കിയ നിയമത്തിൻ കീഴിൽ ഉണ്ടാക്കിയിട്ടില്ല.

മറ്റൊരാളിന്റെ കമ്പ്യൂട്ടറിൽ ഒരു വൈറസ് ഉപയോഗിച്ച് ലൈംഗിക പ്രദർശനങ്ങൾ ഉൽക്കൊള്ളുന്ന പടങ്ങളും, വീഡിയോവും സ്റ്റോർ ചെയ്ത് വക്കാനുള്ള സംവിധാനം ഇന്നു നിലവിലുണ്ട്. ഇന്നു പലർക്കും ഇന്റർനെറ്റിൽ സ്വന്തമായി ഫയലുകൾ സൂക്ഷിച്ച് വക്കാനുള്ള ഇടം പണം കൊടുത്തും അല്ലാതെയും ലഭ്യമാണു. അവിടെയൊക്കെ ഉടമസ്ഥൻ അറിയാതെ മറ്റുള്ളവർ കടന്നുകയരി കുട്ടികളെ ഉപയോഗിച്ചുള്ള ലൈംഗിക ചേഷ്ടകൾ അടങ്ങുന്ന ചിത്രങ്ങളും വീഡിയോകളും ശേഖരിച്ച് വക്കുവാനുള്ള സംവിധാനം ഇന്നു ലഭ്യമാണു. ആ കമ്പ്യൂട്ടറിന്റെ ഉടമസ്ഥൻ യാദൃശ്ചികമായി പോലും തന്റെ കമ്പ്യൂട്ടറിൽ താനറിയാതെ ശേഖരിച്ചിരിക്കുന്ന ആ പടങ്ങളെ, വീഡിയോകളെ കണ്ടു പോയാൽ, കുറ്റമാണന്നാണോ? ആണെന്നു നിയമം പറയുന്നു. ഇതു സംഭവിച്ച കഥയാണു. ഒരു കുടുമ്പം കലക്കിയ കഥ ഇവിടെ .

ഇങ്ങനെയൊക്കെയാണെങ്കിലും, ഈ വകുപ്പ് 67 ബി. ഒരു ഉമ്മാക്കിയാണന്നേ ഞാൻ പറയൂ. കാരണം നാം കാണുന്ന അല്ലെങ്കിൽ തെരയുന്ന ചിത്രങ്ങളിൽ / ചിത്രീകരണങ്ങളിൽ ഉൾപ്പെട്ടിട്ടുള്ളവർ, ആണായാലും പെണ്ണായാലും, 18 വയസ്സിൽ താഴെയുള്ള കുട്ടികളാണെന്നു തെളിഞ്ഞാലേ, നാം കുറ്റക്കാരാവൂ.. അതു തെളിയിക്കാൻ ഇമ്മിണി പ്രയാസപ്പെടും. ആ കുട്ടികൾ ആരാണെന്നു ആദ്യം കണ്ടുപിടിക്കണം പിന്നെ അവരുടെ വയസ്സും.

വകുപ്പ് 69, വകുപ്പ് 69എ., വകുപ്പ് 69 ബി.
ഇന്റർനെറ്റ് ഫോൺ (VoiP) ഉപയോഗിക്കുന്നവർ ശ്രദ്ധിക്കുക.
പരിപൂർണ്ണ സ്വാതന്ത്ര്യം ഇക്കാര്യത്തിൽ കേന്ദ്രസർക്കാർ നേരത്തേ തന്നെ അനുവദിച്ചിട്ടില്ല.

As per existing policy, VoIP calls are not allowed to be terminated on terrestrial PSTN network within India

എന്നാൽ സാധാരണ ഉപയോഗത്തിനെ നിരുത്സാഹപ്പെടുത്തുന്നതുമില്ല. (ഇൻഡ്യക്ക് വെളിയിൽ നിന്നുള്ള സേവനങ്ങൾ, ഉദഃ Skype, നിലനിൽക്കുന്നിടത്തോളം അതു സാധിക്കില്ലെന്നതു വേറെ കാര്യം) നവമ്പർ 26 ലെ ബോംബെ ആക്രമണത്തിൽ നിന്നും പാഠം പഠിച്ച്, സൈബർ സുരക്ഷിതത്വം, രാജ്യരക്ഷ, ഭീകരവാദനിവാരണം എന്നിവ ഉറപ്പാക്കുന്നതിനു വേണ്ടുന്ന അധികാരങ്ങൾ ഈ വകുപ്പുകൾ മുഖേന സർക്കാരിൽ നിക്ഷിപ്തമാക്കിയിട്ടുണ്ട്. അതിലൊന്നാണു നമ്മുടെ കമ്പ്യൂട്ടർ പ്രവർത്തനങ്ങളെ (VoIP യുടെ ദുരുപയോഗവും സ്വാഭാവികമായും അതിലുൾപ്പെടുമല്ലോ) അനുവാദം കൂടാതെ സർക്കാരിനു ഊളിയിട്ട് നോക്കാനും വേണ്ടിവന്നാൽ ഇടപെടാനും ഈ നിയമം അധികാരം നൽകിയിരിക്കുന്നു. പണ്ടാണെങ്കിൽ ഇതെല്ലാം ചെയ്യാൻ ഒരു വാറണ്ട് ആവശ്യമായിരുന്നു. ഇന്നതൊന്നും വേണ്ട. ഇതിനു വേണ്ടുന്ന വിശദമായ നടപടിക്രമങ്ങൾ ഉടൻ തന്നെ പ്രസിദ്ധീകരിക്കും. ടെലഫോൺ / മൊബൈൽ ഫോൺ സേവനദാതാക്കൾക്ക് വേണ്ടുന്ന നിർദ്ദേശങ്ങൾ ഉടൻ തന്നെ പ്രതീക്ഷിക്കാം.

ഏത് ഇൻസ്പെക്ടർ ഏമാനും ഏത് സമയത്തും നമ്മുടെ കമ്പ്യൂട്ടറിൽ ശേഖരിച്ചിരിക്കുന്ന കാര്യങ്ങളെ, സൈബർ സുരക്ഷിതത്വം, രാജ്യരക്ഷ, ഭീകരവാദം എന്നുവേണ്ട വിവരശേഖരണം എന്ന് പേരിൽ പോലും, മോണിറ്റർ ചെയ്യുവാനുള്ള അധികാരം നൽകിയിട്ടുണ്ട് . അതായത് ഏമാന്മാർ അവരുടെ ഓഫീസിൽ ഇരുന്നു തന്നെ പലവിധ മാർഗ്ഗങ്ങളിൽ കുടിയും സ്വകാര്യ കമ്പ്യൂട്ടറിൽ കടന്നു കയറി പരിശോധിക്കുവാനുള്ള (മോണിറ്റർ) അധികാരമാണിത്. വേണ്ടി വന്നാൽ കമ്പ്യൂട്ടറുകൾ പിടിച്ചെടുക്കുകയും ചെയ്യാം (വകുപ്പ് 76).

ഏമാനു നമ്മെ ഉപദ്രവിക്കണമെന്നുണ്ടെങ്കിൽ, കമ്പ്യൂട്ടറിൽ കണ്ട അശ്ലീല ചിത്രത്തിലെ ആണിനോ പെണ്ണിനോ വയസ്സ് 18 ൽ കൂടുതലാണെന്നു തെളിയിക്കേണ്ട ബാധ്യത നമ്മുടെ തലയിൽ വച്ചുതരും. ചുമ്മാ, ഉപദ്രവിക്കാൻ വേണ്ടി മാത്രം. ഏതായാലും കരുതിയിരിക്കുക.

ഇനിമുതൽ വെബ്സൈറ്റുകൾ സന്ദർശിക്കാനുള്ള നമ്മുടെ സ്വാതന്ത്ര്യം സർക്കാരിന്റെ ഔദാര്യംകൊണ്ടു മാത്രം . ഈ നിയമം വെബ്സൈറ്റുകളെ ബ്ലോക്ക് ചെയ്യാൻ അധികാരം നൽകുന്നു (വകുപ്പ് 69എ). അതായത് ഇനി ഇന്റർനെറ്റ് വഴി നാം എന്തെല്ലാം കാണണം, വായിക്കണം അല്ലെങ്കിൽ ഏത് ചാനൽ ടി.വി കാണണം എന്നു സർക്കാർ തീരുമാനിക്കും. ഏഷ്യാനെറ്റ് ന്യൂസ് ചാനലിൽകൂടി സർക്കാരിനു ഇഷ്ടമല്ലാത്ത കാര്യങ്ങൽ പ്രസരണം ചെയ്യുന്നുവെന്നു തോന്നിയാൽ ഏഷ്യനെറ്റിനോട് ആ ചാനൽ ബ്ലോക്ക് ചെയ്യാൻ പറയും. അനുസരിച്ചില്ലെങ്കിൽ 7 കൊല്ലം തടവ് ശിക്ഷ.

ഏതൊരു നിയമവും നടപ്പിലാക്കുന്നത് അതിനുവേണ്ടി നിർമ്മിച്ച ചട്ടങ്ങളിൽ കൂടിയാണു. അത്തരം ചട്ടങ്ങളിലാണു വിശദമായ നടപടിക്രമങ്ങളും മാർഗ്ഗനിർദ്ദേശങ്ങളും ഉണ്ടാകുന്നത്. വകുപ്പുകൾ 52,54,69,69A, 69B and 70B എന്നിവകൾക്ക് കേന്ദ്രസർക്കാർ ചട്ടങ്ങൾ നിർമ്മിച്ച് കഴിഞ്ഞിട്ടുണ്ട്. 43A, 67C, 79 എന്നീ വകുപ്പുകൾക്ക് ഉടൻ ചട്ടങ്ങൾ ഉണ്ടാക്കുമെന്നും അറിയുന്നു. ബാക്കിയുള്ളവകൾക്ക് സംസ്ഥാനസർക്കാരുകളാണു ചട്ടങ്ങൾ ഉണ്ടാക്കേണ്ടത്.

വായനക്കാരോട്:
ഇതൊരു പുതിയ നിയമമാണു. ഒക്റ്റോബർ 2009 മുതൽ നിലവിൽ വന്നതേയുള്ളൂ. അതിനു ശേഷം കേരളത്തിൽ ഒരു കേസ് മാത്രമേ ഈ നിയമത്തിന്റെ അടിസ്ഥാനത്തിൽ ചാർജ്ജ് ചെയ്തിട്ടുള്ളൂ. അതിന്റെയും അതു പോലെയുള്ള ഇനി വരാനിരിക്കുന്ന കേസുകളുടേയും വിധികൾ കൂടെ അറിയുമ്പോൾ മാത്രമേ ഈ നിയമത്തെ പറ്റിയുള്ള അറിവ് പൂർണ്ണമാകൂ. ഈ നിയമത്തെപറ്റിയുള്ള ഏതെങ്കിലും തരത്തിലുള്ള വാർത്തകൾ അറിവിൽ പെടുകയാണെങ്കിൽ ഇവിടെ ഒരു കമന്റായി രേഖപ്പെടുത്തുകയോ, ലിങ്ക് നൽകുകയോ ചെയ്യണമെന്നു വായനക്കാരോട് അപേക്ഷിക്കുന്നു.

ഇത്രയും എഴുതിയത് ഈ നിയമത്തെ പറ്റി ഞാൻ മനസ്സിലാക്കിയതാണു. നിയമം വായിച്ച് വായനക്കാർക്ക് മറ്റൊരു വ്യഖ്യാനം മനസ്സിൽ തോന്നുന്നുവെങ്കിൽ കമന്റായി രേഖപ്പെടുത്താൻ മറക്കരുതേ.

=====================================
ഈ പോസ്റ്റില്‍ വന്ന ശ്രദ്ധേയമായ ഒരു കമന്റ്
=====================================

Captain Haddock said...

Nice article. But i support this amendment in law. At the same time, encouraging Inspector Raj is a concern.

1."അശ്ലീലമായാലും, ലൈംഗികമായാലും ഒരു കമ്പ്യൂട്ടറിൽ അല്ലെങ്കിൽ ഒരു ഇലക്ട്രോണിക് മാധ്യമത്തിൽ ശേഖരിച്ച് വക്കുന്നത് ഈ വകുപ്പുകൾ [67, 67എ] പ്രകാരം കുറ്റമാണെന്നു തോന്നുന്നില്ല " --> Yes, it is not a crime to have pic/vdo in ur PC/devices.

If you are caught with 67A or B(Child) - be ready for 5yrs+ up to 10lkhs for the first time, and second time offense will give you 7 yrs+upto 10lkhs

2. As a part of job, i have seen some child pron, which are shared on net. Trust me - in MOST of the cases, u don't need anyone's help to prove whether the gal/boy in the pics is 18+ or not !! The pic itself shows they are mear kids !

67 B is better now.

3. Some of the law in IT Act 2000 was not smart enough. For eg: Cyber Cafe- was not defined. running a cyber cafe without any rules, will be honey pot for cyber criminals. now the responsibilities are defined, and running a place with few PCs and giving opportunity to criminals can be stopped. any cyber cafe, which is not following law will attract three year imprisonment which is also cognizable, bailable and compoundable.

4. Would like to bring to notice about 69B, which says, if Govt (Law) ask some one for some data, it should be given. Not providing the data will case up to 3 yrs+Fine. This will encourage the compines (Cyber Centers too) keep the logs, which will be of great use when the Law has to trace a culprit.

This might create issues. For eg: the call center/BPO industry normally sign a NDA with the client about the data. Indian Govt having access to it might discourage the off shore clients to outsource work to India. Still, i would say this is good, we don't want to make India a cyber Swiss bank.

At the same time, 72A says, if a company disclose some data, which is under a contract, that would give 3yrs or 5 lacks(or both). This would encourage the off shore companies, since this will safe guard their data.

5. In Sec 77, even attempting to do a crime is also punishable.

6. Sec 66C- Dishonest use of Electronic Signatures, password
or identification feature invites punishment upto 3+1 lakh

7. Sec 66D- Impersonation with the help of computer or communication device will result in 3yrs+1 laks

8. Sec 4(3) If anyone attacked u(ur pc/device in India @ that time) from anywhere in the world, that would come under Indian jurisdiction.

There are some loop holes, which might encourage cyber criminals to come to India and operate from our land !!!!!

What ever, "ഐറ്റി ആക്ട് 2000 ത്തിനെ തൂത്തുവാരുന്ന..." - I am glad that തൂതുവാരാൽ did take place.

മറ്റു ചര്‍ച്ചകള്‍ കാണുവാന്‍ ഒറിജിനല്‍ പോസ്റ്റ് നോക്കുക.